ခန္ဓာကိုယ်အပေါ်ပိုင်းကြွက်သားများ တောင့်တင်းသန်မာဖို့အတွက်ဆိုရင် ပုခုံးကြွက်သားတွေကိုလည်း မေ့ထားလို့မရပါဘူး။ ပုခုံးကိုင်းပြီး ရှုနာရှိုက်ကုန်းပုံစံမဖြစ်အောင် ဒီလေ့ကျင့်ခန်းတွေ မှန်မှန်ပြုလုပ်ပေးလိုက်ပါ။
လေ့ကျင့်ခန်း (၁)
ခြေထောက်နှစ်ဖက်ကို ပုခုံးအကျယ်အတိုင်းချဲထားပြီး အလေးတုံးနှစ်တုံးကိုင်ထားပါ။ ထို့နောက် အလေးတုံးကိုင်ထားသော လက်မောင်းနှစ်ဖက်ကို ဘေးဘက်သို့ လွှဲလိုက်ပါ။ ဗွီဇောက်ထိုးပုံသဏ္ဍာန် ပေါ်နေရပါမယ်။ ၁၅ ကြိမ် ၃ ကြော့ ပြုလုပ်ပါ။
လေ့ကျင့်ခန်း (၂)
ခြေထောက်နှစ်ဖက်ကို ပုခုံးအကျယ်အတိုင်း ချဲထားပါ။ ဒူးအနည်းငယ်ကွေး၊ တင်းပါး နောက်ပစ်ကာ အလေးတန်းဆွဲမလိုက်ပါ။ အလေးတန်းကို ပုခုံးအထိဆွဲမလိုက်တဲ့အချိန်မှာပဲ တင်ပါးနဲ့ ခြေဖနောင့်ကို ဆန့်တန်းပြီး ခုန်လိုက်ပါ။ ပုံစံ (၂) ထဲက အနေအထားအတိုင်း ဖြစ်နေရပါမယ်။
လေ့ကျင့်ခန်း (၃)
ခုံးတန်းအစွန်းနားထိုင်ကာ ခါးကို ဖြောင့်အောင်ထားပြီး ခန္ဓာကိုယ်အပေါ်ပိုင်းကို အရှေ့သို့ ကိုင်းချထားပါ (ခါးမကုန်းပါစေနဲ့)။ အလေးတုံးကိုလည်း ခန္ဓာကိုယ်အနောက်နားထားပြီး ကိုင်ထားပါ။ အရှေ့သို့ ကိုင်းထားတဲ့ ခန္ဓာကိုယ်ကို ထောင်မတ်လိုက်ပြီး အလေးတုံးကိုလည်း အရှေ့လွှဲကာ အပေါ်မြှောက်လိုက်ပါ။ မူလအနေအထားအတိုင်း တစ်လှည့်စီပြုလုပ်ပေးပါ။
လေ့ကျင့်ခန်း (၄)
ဒီလေ့ကျင့်ခန်းကတော့ လေ့ကျင့်ခန်း (၂) နဲ့ ဆင်တူပါတယ်။ ဒါပေမဲ့ လေ့ကျင့်ခန်း (၂) လိုတော့ ခုန်စရာမလိုပါဘူး။ တင်ပါးနောက်ပစ်ပြီး ဒူးခေါင်းကွေးကာ ခန္ဓာကိုယ်ကို အရှေ့သို့ ကိုင်းပြီး အလေးတန်းဆွဲမလိုက်ပါ (ခါး မကုန်းစေဘဲ ဖြောင့်ဖြောင့်ထားဖို့ မမေ့ပါနဲ့)။ အလေးတန်းကို ပုခုံးအထိဆွဲမပြီးနောက် လက်မောင်းဆန့်တန်းပြီး အလေးတုံးကို ခေါင်းပေါ်မြှောက်လိုက်ပါ။
လေ့ကျင့်ခန်း (၅)
ဒီလေ့ကျင့်ခန်းကတော့ လေ့ကျင့်ခန်းပြုလုပ်ရာမှာအသုံးပြုတဲ့ ရာဘာကြိုးတစ်စုံလိုအပ်ပါမယ်။ ခြေထောက်နှစ်ဖက်ကို ပုခုံးအကျယ်အတိုင်း ချဲထားပါ။ ခြေဦးနဲ့ ရာဘာကြိုးကို ဖိထားပြီး ကြိုးနှစ်ဖက်ကို ယှက်ထားကာ X ပုံသဏ္ဍာန်ဖြစ်အောင် ဆွဲမရပါမယ်။ ဆွဲမလိုက်တဲ့ လက်နှစ်ဖက်က ပုခုံးနဲ့ တစ်တန်းတည်းဖြစ်ရပါမယ်။
လေ့ကျင့်ခန်း (၆)
ရာဘာကြိုးကို ခြေဦးထိပ်နဲ့ ဖိထားပြီး လက်နှစ်ဖက်ကို ပုခုံးအထိ ဆွဲမလိုက်ပါ။ ပုခုံးနဲ့ လက်က တစ်ဖြောင့်တည်းဖြစ်နေရပါမယ်။
လေ့ကျင့်ခန်း (၇)
ခြေထောက်ကို ပုခုံးအကျယ်အတိုင်းချဲထားပြီ။ ညာဘက်ခြေဦးထပ်ဖြင့်ဖိထားသော ရာဘာကြိုးကို ဘယ်ဘက်လက်ဖြင့် ကိုင်ထားပါ။ ကျန်ကြိုးကိုလည်း ထိုနည်းတူး ကိုင်ထားပါ။ တင်းပါးကို အနည်းငယ်နောက်ပစ်ထားပါ။ ဒူးအနည်းငယ်ကွေးထားပါ။ လက်နှစ်ဖက်ကို ပုခုံးညှစ်အားအသုံးပြုပြီး ဘေးဘက်သို့ ဆန့်တန်းလိုက်ပါ။ ပုခုံးနဲ့ လက်မောင်း တစ်ဖြောင့်တည်း ဆန့်တန်းနေရပါမယ်။
ဒီလေ့ကျင့်ခန်းများကို ၁၅ ကြိမ် ၃ ကြော့စီပြုလုပ်ပေးရပါမယ်။
Source: mensjournal.com
