ကိုယ်ပိုင်လုပ်ငန်းတစ်ခုကို အစပြုလုပ်ကိုင်နေပြီလား။ စီးပွားရေးကို ဦးဆောင်သူနေရာကနေ အမိန့်ပေး၊ ညွှန်ကြားဖို့အတွက် မိမိမှာဝမ်းစာတွေပြည့်နေဖို့လိုအပ်ပါတယ်။ ဝမ်းစာပြည့်ဖို့အတွက် ဘာတွေလုပ်ရမလဲ။ ဘယ်လိုစာအုပ်တွေကို ဖတ်ရှုလေ့လာသင့်ပါသလဲ။
စီမံခန့်ခွဲခြင်းဆိုင်ရာ
Source: CINEC
စီးပွားရေးလုပ်ငန်းတစ်ခုကို အောင်မြင်အောင်ကြိုးစားဆောင်ရွက်တဲ့နေရာမှာ စီမံခန့်ခွဲမှု အတတ်ပညာဟာ ရှေ့တန်းကပါဝင်နေပါတယ်။ ကိုယ့်လက်အောက်မှာရှိတဲ့ ဝန်ထမ်းတွေ၊ လုပ်ငန်းပိုင်းဆိုင်ရာတွေကို စီမံခန့် ခွဲဖို့ လိုအပ်ပါတယ်။ ဒါကြောင့် စီးပွားရေးလုပ်ငန်းရှင်တစ်ယောက်အနေနဲ့ စီမံခန့်ခွဲမှု (Management) ဆိုင်ရာ စာအုပ်တွေကို လေ့လာဖတ်ရှုသင့်ပါတယ်။
ရင်းနှီးမြုပ်နံှမှုဆိုင်ရာငွေစာရင်းပိုင်း
Source: wab.org
ကိုယ့်မှာရှိတဲ့ ငွေအရင်းအနှီးနဲ့ လုပ်ငန်းလည်ပတ်ဆောင်ရွက်နိုင်ဖို့အတွက်က ရင်းနှီးမြုပ်နှံမှုနဲ့ပတ်သတ်တဲ့ ငွေစာရင်းပိုင်းကို နားလည် တတ်ကျွမ်းဖို့လိုအပ်ပါတယ်။ ဒါကြောင့် စီးပွားရေးလုပ်ငန်းရှင်တစ်ယောက်ဟာ ရင်းနှီးမြုပ်နှံမှုဆိုင်ရာစာအုပ်တွေကို ရှာဖွေလေ့လာသင့်ပါတယ်။
ဈေးကွက်မြှင့်တင်မှုဆိုင်ရာ
Source: sciencenewsforstudents.org
ကိုယ့်ရဲ့ကုန်ပစ္စည်းတွေကို ဝယ်သူတွေစိတ်တိုင်းကျ ရောင်းချနိုင်ဖို့အတွက် ဈေးကွက်ကိုကျွမ်းကျင်စွာသိနားလည်ဖို့ လိုအပ်ပါတယ်။ ဈေးကွက်ထဲမှာ တခြားလုပ်ငန်းများနဲ့ ပြိုင်ဆိုင်မှုတွေကို အောင်မြင်စွာကျော်ဖြတ်နိုင်ဖို့အတွက် Marketing ဆိုင်ရာစာအုပ်တွေကို လေ့လာဖတ်ရှုဖို့လိုအပ်ပါတယ်။
စိတ်ဓာတ်မြှင့်တင်မှုဆိုင်ရာ
Source: Adobe elearning Community
စီးပွားရေးလုပ်ငန်းတစ်ခုကို ဦးဆောင်နေသူတစ်ယောက်အတွက် စိတ်ဓာတ်မြင့်မားတက်ကြွနေဖို့ လိုအပ်ပါတယ်။ အခက်အခဲတွေရင်ဆိုင်ကြုံတွေ့ရချိန်မှာ ကိုယ်ကိုယ်တိုင်သာမက ကိုယ့်ရဲ့ဝန်ထမ်းတွေ၊ တပည့်တွေကိုပါ စိတ်ဓာတ်မြှင့်တင်ပေးနိုင်ဖို့ လိုအပ်ပါတယ်။ ဒါကြောင့် စိတ်ဓာတ်မြှင့်တင်မှုနဲ့ဆိုင်တဲ့ စာအုပ်တွေကို ရွေးချယ်ဖတ်ရှုသင့်ပါတယ်။
