အကစိတ်ဝင်စားတဲ့ အကဝါသနာအိုးတို့ရေ၊ ဒီဇင်ဘာလ ၁ ရက်နေ့က Junction Square မှာ ကျင်းပခဲ့တဲ့ Grand Royal Signature Dance Off ပြိုင်ပွဲကြီးရဲ့ Final Round ကို အားပေးဖြစ်ခဲ့ရဲ့လား။ ယှဉ်ပြိုင်တင်ဆက်တဲ့ ပြိုင်ပွဲဝင်တွေကလည်း အလန်းစားကကွက်တွေနဲ့ ယှင်ပြိုင်ခဲ့တဲ့အပြင် Grand Royal Signature ပရိသတ်တွေရဲ့ အားပေးမှုကိုလည်း တစ်ခဲနက်ရရှိခဲ့ပါတယ်။

Grand Royal Signature Dance Off ပြိုင်ပွဲကြီးမှာ ဒိုင်တွေအဖြစ်ပါဝင်ခဲ့သူများကတော့ Jimmy Ko Ko ၊ Semmy Black ၊ Steper တို့ပဲဖြစ်ပါတယ်။ Jimmy Ko Ko ကတော့ မြန်မာပရိသတ်တွေနဲ့ စိမ်းမယ်မထင်ပါဘူး။ သူက Myanmar’s Got Talent 2016, San Francisco Hip Hop Dance Competition 2009 တို့လို ပြိုင်ပွဲတွေမှာ ဆုတွေ ဆွတ်ခူးခဲ့သူပါ။ Semmy Black ကတော့ အင်ဒိုနီးရှားနိုင်ငံမှ အကပညာရှင်တစ်ဦးဖြစ်ပြီး Steper ကတော့ တောင်ကိုရီးယားနိုင်ငံက နာမည်ကြီး Dance Producer တစ်ဦးဖြစ်ပါတယ်။ ပြိုင်ပွဲဝင်တွေရဲ့ အကောင်းမွန်ဆုံးယှဉ်ပြိုင်တင်ဆက်မှုနဲ့ ဝါရင့်သဘာရင့် International Judges တွေရဲ့ ဆုံးဖြတ်ချက်များ ပေါင်းစည်းလိုက်တဲ့အခါမှာတော့ အခုဆိုရင် အနိုင်ရရှိသူတွေ ပေါ်ပေါက်လို့လာခဲ့ပါပြီ။

ပြိုင်ပွဲကြီးရဲ့ တစ်ဦးချင်းယှင်ပြိုင်မှုမှာ အမှတ်အများဆုံးနဲ့ Winner ဆုကို ဆွတ်ခူးရရှိသွားသူကတော့ Yan Shin Htet ဖြစ်ပြီး ဆုကြေးငွေ ကျပ် ၁၀ သိန်းကို ဆွတ်ခူးရရှိသွားပါတယ်။

အဖွဲ့လိုက်ယှဉ်ပြိုင်မှုမှာ အမှတ်အများဆုံးနဲ့ Winner ဆုကို ဆွတ်ခူးရရှိသွားတဲ့အဖွဲ့ကတော့ Revolution Crew (RVC) အဖွဲ့ဖြစ်ပြီး ဆုကြေးငွေ ကျပ် သိန်း ၄၀ ကို ဆွတ်ခူးရရှိခဲ့ပါတယ်။

ဒါ့အပြင် Facebook Page Voting အများဆုံးနဲ့ Fan Favorite Winner ဆုကို ရရှိသွားသူများကတော့ တစ်ဦးချင်းယှဉ်ပြိုင်မှုမှာ Van Ring ဖြစ်ပြီး အဖွဲ့လိုက်ယှဉ်ပြိုင်မှုမှာတော့ Ladies Here & Now အဖွဲ့ပဲဖြစ်ပါတယ်။

ဝင်ရောက်ယှဉ်ပြိုင်သူတွေထဲကမှ အခုလိုမျိုး ဆုအသီးသီးဆွတ်ခူးရရှိသွားတဲ့အပြင် Fan Favorite ဆုတွေအတွက် Facebook Page ကနေ Voting ပြုလုပ်ပေးခဲ့ကြသူများထဲမှ ကံထူးရှင်သုံးဦးကိုလည်း အထူးဆုလက်ဆောင်တွေ ပေးအပ်ခဲ့ပါသေးတယ်။

နောက်လာမယ့် ပြိုင်ပွဲများမှာလည်း ဝင်ရောက်ယှဉ်ပြိုင်ရင်း မက်လောက်စရာဆုကြေးငွေတွေကို အရယူနိုင်ဖို့ Grand Royal Signature Blue Zone ဆိုတဲ့ Facebook Page ကို အခုပဲ See First လုပ်ထားလိုက်ကြရအောင်လား။