ဘရာဇီးကြယ်ပွင့် နေမာဟာ အသင်းဟောင်းဖြစ်တဲ့ ဘာစီလိုနာကို ပြန်သွားဖို့ ချိတ်ဆက်မှုတွေ အများကြီးလုပ်ခဲ့ပြီးပါပြီ။ ဒါပေမယ့် လာမယ့်ဘောလုံးရာသီမှာတော့ ယခုလက်ရှိ ကစားနေတဲ့ ပြင်သစ်ထိပ်သီးကလပ် PSG အသင်းအတွက်သာ ကစားပေးမှာဖြစ်ကြောင်း အတည်ပြုပြောကြားသွားခဲ့ပါတယ်။ နေမာဟာ PSG အသင်းနဲ့အတူ ချန်ပီယံလိဂ် ဗိုလ်လုပွဲကို ပြန်လည်ကစားရဖို့ စိတ်အားထက်သန်နေပါတယ်။
Source: PSG Talk
PSG အသင်းဟာ (၂၀၁၇) ခုနှစ်တွင် နေမာကို ဘာစီလိုကကနေ ကမ္ဘာ့စံချိန်တင်ပြောင်းရွှေ့ကြေးတစ်ရပ်ဖြစ်တဲ့ ယူရို (၂၂၂) သန်းဖြင့် ခေါ်ယူခဲ့တာပါ။ နေမာဟာ PSG အသင်းတွင် ပထမ (၂) ရာသီအတွင်းမှာ ဒဏ်ရာပြသာများနှင့် ရင်ဆိုင်ခဲ့ရပြီး ရုန်းကန်ခဲ့ရပါတယ်။
Source: Barca Blaugranes
(၂၀၁၉) ခုနှစ် Coupe de France ဖလား ဗိုလ်လုပွဲတွင် Rennes အသင်းကိုရှုံးနိမ်ခဲ့တာကြောင့် ခြေစွမ်းမပြနိုင်ခဲ့တဲ့ နေမာဟာ အသင်းပရိသတ်တွေရဲ့ လှောင်ပြောင်ခြင်းခံခဲ့ရပါတယ်။ ဒါကြောင့် ပြီးခဲ့တဲ့ နွေရာသီအပြောင်းအရွှေ့ကာလတုန်းက နေမာဟာ အသင်းဟောင်းဘာစီလိုနာကို ပြန်သွားဖို့ ချိတ်ဆက်မှုတွေ အများကြီးပြုလုပ်ခဲ့ပါတယ်။ ဒါပေမယ့်လည်း ဘာစီလိုနာကတော့ နေမာကို ပြန်လည်ခေါ်ယူလိုခြင်း မရှိတာကြောင့် PSG အသင်းတွင်သာ ဆက်လက်ကစားဖြစ်ခဲ့ပါတယ်။
Source: GoalBall
“လာမယ့်ရာသီမှာ PSG အတွက်ကစားပေးမှာပါ။ အသင်းနဲ့အတူ ချန်ပီယံလိဂ်ဗိုလ်လုပွဲ ပြန်ကစားချင်တယ်။ ဒီတခါတော့ ဖလားရယူဖို့ပါ။” လို့ PSG Le Mag နှင့်အင်တာဗြူးတွင် နေမာက ပြောကြားသွားခဲ့ပါတယ်။
နေမာဟာ ပြီးခဲ့တဲ့ (၂၀၁၉-၂၀၂၀) ဘောလုံးရာသီတွင် PSG အသင်းအတွက် ပြိုင်ပွဲစုံ (၂၇) ပွဲကစားပေးထားပြီး (၁၉) ဂိုးသွင်းယူထားကာ (၁၂) ကြိမ်ဂိုးဖန်တီးမှုပြုလုပ်ပေးထားနိုင်ခဲ့ပါတယ်။