နေမကောင်းဖြစ်နေစဉ်ဖြစ်စေ၊ တခါတရံထမင်းစားချင်စိတ်မရှိတဲ့အခါမျိုးမှာဖြစ်စေ စွပ်ပြုတ်ပူပူနွေးနွေးလေးကိုသောက်ပေးခြင်းဖြင့် ခန္ဓာကိုယ်အတွက်လိုအပ်တဲ့ အာဟာရဓာတ်တွေကို ရရှိစေမှာဖြစ်ပါတယ်။ ကျန်းမာရေးအတွက်အထူးကောင်းမွန်စေတဲ့ စွပ်ပြုတ်များကို ရွေးချယ်သောက်သုံးနိုင်ဖို့အတွက် ဖော်ပြပေးလိုက်ပါတယ်။

ပန်းဂေါ်ဖီစွပ်ပြုတ်

Source: 9Kitchen – Nine

ပန်းဂေါ်ဖီမှာ ဗီတာမင်ဓာတ်တွေများစွာပါဝင်ပါတယ်။ ပန်းဂေါ်ဖီကို သေချာကြေညက်အောင်ပြုတ်ပြီး စားသုံးကြည့်ပါ။ ခန္ဓာကိုယ်အတွက်လိုအပ်နေတဲ့ အာဟာရဓာတ်တွေကို ဖြည့်ဆည်းပေးနိုင်ပါလိမ့်မယ်။ သတ်သတ်လွတ်စားသုံးသူများအတွက်လည်း အဆင်ပြေစေနိုင်ပါတယ်။

အသားလုံးနဲ့ကြက်ဥစွပ်ပြုတ်

Source: wongnai.com

ထိုင်းစတိုင်အသားလုံးတွေနဲ့ကြက်ဥကိုရောပြီး စွပ်ပြုတ်တစ်ပန်းကန်ဖန်တီးကြည့်လိုက်ပါ။ အချဉ်၊ အစပ် အရသာမျှတပြီး ဖျားနေချိန်သောက်သုံးပါက ငုပ်နေတဲ့ခန္ဓာကိုယ်ထဲက အခိုးတွေပွင့်ပြီး နေကောင်းသွားပါလိမ့်မယ်။

ပီဇာစွပ်ပြုတ်

Source: My Paleo CrockPot

ထူးဆန်းသွားပါသလား။ သင်တို့အထူးကြိုက်နှစ်သက်တဲ့ပီဇာကို စွပ်ပြုတ်သဖွယ်ချက်ပြုတ်လို့ရတယ်ဆိုတာ အံ့သြစရာပဲနော်။ ပီဇာမှာ ဟင်းခတ်အချိုမှုန့်တွေ၊ အဆီတွေမပါဝင်တဲ့အတွက် ကျန်းမာရေးအတွက် အထူးသင့်တော်ပါတယ်။ ချိစ်ကိုမနှစ်သက်ရင် စိတ်ကြိုက်ဖယ်ရှားလို့ရပါတယ်။ ကြက်သွန်နီနဲ့မှိုကို ထပ်မံဖြည့်စွက်ပြီး မိနစ်- ၃၀ ခန့် အချိန်ပေးချက်ပြုတ်ရုံနဲ့ အာဟာရနဲ့ပြည့်စုံတဲ့ ပီဇာစွပ်ပြုတ်တစ်ပွဲရပါပြီ။

ကြက်သားစွပ်ပြုတ်

Source: twasul.info

ဒါကတော့ ရှေးခေတ်အဆက်ဆက်ကြိုက်နှစ်သက်စွာ သောက်သုံးလာခဲ့ကြတဲ့ စွပ်ပြုတ်တစ်မျိုးဖြစ်ပါ တယ်။ အရသာအထူးကောင်းမွန်ပြီး ကျန်းမာရေးနဲ့လည်းညီညွတ်ပါတယ်။ မှို၊ ကြက်သွန်ဖြူ၊ ကြက်သွန်မိတ်၊ ကြက်သား၊ ကိုက်လန်တို့ပါဝင်ပြီး အဆီမပါဝင်တဲ့အတွက် ခန္ဓာကိုယ်အဆီချနေသူများအတွက် ညစာအဖြစ်အထူးသင့်တော်တဲ့ စွပ်ပြုတ်ပဲဖြစ်ပါတယ်။