လောကကြီးမှာမွေးဖွားလာချိန်မှစပြီး သေဆုံးချိန်အထိ ရွေးချယ်မှုတွေနဲ့ စဉ်ဆက်မပြတ်ရှိနေတတ်ပါတယ်။ သင်ဟာ တစ်ခုပြီးတစ်ခု မရိုးနိုင်တဲ့ရွေးချယ်မှုတွေကို အဆင့်ဆင့်ကျော်ဖြတ်သွားရမှာပဲဖြစ်ပါတယ်။ သင့်ရွေးချယ်မှုမှန်ကန်ခဲ့ရင် သင့်ဘဝကအောင်မြင်ပျော်ရွှင်နိုင်မှာဖြစ်ပြီး ရွေးချယ်မှုတွေမှားယွင်းခဲ့ရင်တော့ ဘဝကတစစနိမ့်ကျလာမှာပဲဖြစ်ပါတယ်။ ရွေးချယ်မှုတွေမှန်ကန်ဖို့ ဘာတွေလိုအပ်ပါသလဲ။

စိတ်ကိုပိုင်နိုင်ဖို့လိုအပ်တယ်။

Source: Gay Therapy LA

ဘဝအတွက်ရွေးချယ်မှုတွေပြုလုပ်တဲ့အခါမှာ အပျော်တမ်းကံစမ်းမဲနှိုက်သလို ပြီးစလွယ်ရွေးချယ်ခဲ့ရင်တော့ မှန်ကန်တဲ့ရွေးချယ်မှုကိုရရှိနိုင်မှာမဟုတ်ပါဘူး။ ရွေးချယ်မှုတွေမှန်ကန်နေဖို့အတွက်က ကိုယ့်စိတ်ကိုကိုယ်ပိုင်နိုင်ဖို့ အဓိကကျပါတယ်။ စိတ်အလိုမလိုက်မိစေဖို့ လိုအပ်ပါတယ်။

လုပ်သင့်တာနဲ့လုပ်ချင်တာ

Source: wecareon.com

အဓိကခွဲခြားရမယ့်ကိစ္စရပ်က နှစ်မျိုးရှိပါတယ်။ ဒါကတော့ သင့်ရဲ့လက်ရှိအခြေအနေမှာ လုပ်သင့်တဲ့ကိစ္စ၊ သင့်စိတ်ထဲမှာဖြစ်ပေါ်နေတဲ့လုပ်ချင်တဲ့ကိစ္စ၊ ဒီကိစ္စနှစ်မျိုးဟာ ဘဝတစ်လျှောက်လုံးမှာ အမြဲလွန်ဆွဲနေမှာပဲဖြစ်ပါတယ်။ ဒါကို သင့်အနေနဲ့ကွဲကွဲပြားပြားသိရှိနားလည်ပြီး သေချာစွာရွေးချယ်တတ်ဖို့လိုအပ်ပါတယ်။

အတွေးအခေါ်ထည့်ဖို့လိုအပ်တယ်

Source: Performance Outside The Box

ဘဝအတွက် ကိစ္စရပ်တွေစဉ်းစားဆုံးဖြတ်ရွေးချယ်တဲ့နေရာမှာ စိတ်ကိုတတ်နိုင်သမျှထိန်းချုပ်ပြီး ဦးနှောက်ကိုအလုပ်ပေးသင့်ပါတယ်။ ဦးနှောက်ကမှန်ကန်တဲ့အတွေးအခေါ်တွေနဲ့ ဆုံးဖြတ်ချက်ချတာကို စိတ်ကလက်ခံပြီးရွေးချယ်ခဲ့မယ်ဆိုရင် ဘဝအတွက်အဆင်ပြေတဲ့ရွေးချယ်မှုကို ရရှိနိုင်မှာဖြစ်ပါတယ်။

လူကြီးသူမတွေကို ချဉ်းကပ်ဖို့လိုအပ်တယ်။

Source: LDS.org

တခါတလေမှာ ရွေးချယ်ရခက်တဲ့ကိစ္စရပ်တွေဟာ တပြိုင်နက်ထဲ ပေါ်ပေါက်လာတတ်ပါတယ်။ ဒီလိုအချိန်မျိုးမှာ တွေဝေပြီးဆုံးဖြတ်ရခက်တာမျိုးတွေ ကြုံတွေ့ရတတ်ပါတယ်။ ဒါဆို ကိုယ့်ပတ်ဝန်းကျင်မှာရှိတဲ့ လူကြီးသူမတွေရဲ့အကူအညီကို ယူသင့်ပါတယ်။ သူတို့ဆီကနည်းလမ်းကောင်းတွေကို လေ့လာဆည်းပူးပြီး အမှန်ကန်ဆုံးရွေးချယ်မှုတွေကို လုပ်ဆောင်လိုက်ပါ။