လူတိုင်းမှာ ဖန်တီးနိုင်မှုစွမ်းအားဆိုတာ ရှိပါတယ်။ ဘယ်လောက်ပဲ ညံ့ဖျင်းတဲ့သူဖြစ်နေပါစေ။ သူ့မှာလည်း သူ့ရဲ့ ဥာဏ်ရည်၊ သူ့ရဲ့ စဉ်းစားတွေးခေါ်နိုင်စွမ်းနဲ့အတူ ဖန်တီးနိုင်မှုစွမ်းအားတွေ ထွက်လာတာပါပဲ။ အများကြီး အကျိုးဖြစ်ထွန်းတယ် မဖြစ်ထွန်းဘူးဆိုတာပဲ ကွာပါလိမ့်မယ်။ ဒီတော့ ဦးနှောက်ထဲက ဖန်တီးနိုင်မှုစွမ်းအားကို ဘယ်လိုထုတ်ကြမလဲ။

ဦးခေါင်းကို ရှင်းလင်းနေအောင်ထားပါ

Source: lynda.com

ပထမဆုံးတော့ ကိုယ့်ရဲ့ ခေါင်းကို ရှင်းနေအောင် ထားရမှာပါ။ ရှုပ်ထွေးနေတဲ့ အတွေးတွေ ခေါင်းထဲမှာ များနေမယ်ဆိုရင် ဘာကိုမှ ရှင်းရှင်းလင်းလင်းတွေးခေါ်နိုင်မှာ မဟုတ်တော့ပါဘူး။ ဒီတော့ ပထမဆုံးအနေနဲ့ ကိုယ့်ရဲ့ခေါင်းထဲမှာ အတွေးတွေ ရှုပ်ယှက်ခတ်မနေဖို့လည်း လိုအပ်ပါတယ်။

အတွေးတွေ ဖြန့်ကျက်ဖို့ သီးသန့်အချိန်ထားပါ

Source: lynda.com

ကိုယ် ဘာကို ဖန်တီးနိုင်မှာလဲ ကိုယ် ဘာကို ထုတ်လုပ်နိုင်မှာလဲဆိုတာကို တွေးဖို့ အတွက် သီးသန့်အချိန်တစ်ချိန်လိုအပ်ပါတယ်။ အတွေးခေါ်ကောင်းဆိုတာ သေချာစေ့စပ်တွေးနေမှ ထွက်လာနိုင်တဲ့အရာပါ။ လူရှုပ်ရှုပ် အလုပ်ရှုပ်ရှုပ်တွေကြားမှာ ဘယ်လိုမှ အတွေးခေါ်ကောင်းတွေ ထွက်ပေါ်လာနိုင်မှာ မဟုတ်ပါဘူး။

အမြဲတမ်း ဦးနှောက် က ထွက်ရှိလာတဲ့ စိတ်ကူးအိုင်ဒီယာတွေကို မှတ်သားထားပါ

Source: lynda.com

တခါတလေမှာ ဦးနှောက်ကနေ အကြံဥာဏ်ကောင်းတွေ ဖျက်ကနဲ ရလာတတ်တာမျိုးတွေ ရှိပါတယ်။ အဲဒီအခါမှာ ဒီတိုင်း စိတ်ထဲကနေ သိမ်းမထားပဲနဲ့ စာအုပ်တစ်အုပ်ထဲဖြစ်ဖြစ် ဖုန်းထဲဖြစ်ဖြစ် မှတ်သားထားလိုက်ပါ။ စာရေးရအဆင်မပြေနိုင်တဲ့ အချိန်မျိုးဆိုရင် အသံနဲ့ဖြစ်ဖြစ် သွင်းထားလိုက်ပါ။

ကိုယ့်ကိုယ်ကိုယ် ယုံကြည်ပါ

Source: kainosedge.com

ငါက ဘာမို့လို့လဲ ငါ့အကြံတွေက ဘာတွေ ဖြစ်ထွန်းမှာမို့လို့လဲဆိုတဲ့ အတွေးတွေရှိနေရင် ဝဲပစ်လိုက်ပါ။ ကိုယ့်ကိုယ်ကိုယ် ယုံကြည်ပါ။ ကိုယ့်ရဲ့ အတွေးအခေါ် အကြံအစည်ကိုလည်း ယုံကြည်ပါ။ ကိုယ့်အကြံဥာဏ်အတိုင်း ဖြစ်ပေါ်လာတဲ့ ရလာဒ်တွေဟာ ဘာနဲ့မှမတူအောင် ကျေနပ်စရာကောင်းတဲ့ ခံစားချက်ကို ခံစားကြည့်ပါ။

ကိုယ့် စိတ်ကူးဥာဏ်တွေကို လက်တွေ့ အသုံးချပါ

Source: complexitylabs.io

စိတ်ကူးတွေးထားပြီး လက်တွေ့ မကျင့်သုံးဖြစ်ဘူးဆိုရင်လည်း ဘာမှ ဖြစ်လာမှာ မဟုတ်ပါဘူး။ ဒီတော့ တွေးခေါ်ပါ။ ကြံစည်ပါ။ ပြီးရင် လက်တွေ့အသုံးချ လုပ်ဆောင်ပါလို့ တိုက်တွန်းပါရစေ။