နည်းပညာတွေ အရှိန်အဟုန်နဲ့ တိုးတက်လာတာနဲ့အမျှ လူသားတို့အတွက် ဘက်ပေါင်းစုံကနေ အကျိုးပြုလျက် ရှိနေပါတယ်။ တိုးတက်လာတဲ့ နည်းပညာထဲမှာ AI နည်းပညာကလည်း အပါအဝင်ဖြစ်ပြီး ဒီနေ့ခေတ်ဟာ AI ခေတ်လို့ ပြောလို့ရပါတယ်။ AI နည်းပညာကို နယ်ပယ်ပေါင်းစုံမှာ အသုံးချနေသလို Chatbots တွေမှာလည်း အသုံးချလာကြပါတယ်။ AI Chatbots ဆိုတာကတော့ လွယ်လွယ်ကူကူပြောရရင် အလွန်အဆင့်မြင့်သော (AI) ဥာဏ်ရည်တုပုံစံတစ်ခုဖြစ်ပြီး ၎င်းမှာ ဘာသာစကားနားလည်နိုင်စွမ်း၊ အလိုအလျောက်ရှာဖွေမှုနှင့် တုံ့ပြန်မှုအင်္ဂါရပ်များ စသည်တို့ ပေါင်းစပ်ပါတယ်။ နယ်ပယ်အလိုက် အသုံးပြုနိုင်တဲ့ Chatbots တွေကလည်း အများအပြားပါပဲ။ ဒီနေ့မှာတော့ ကွီးတို့အတွက် စမ်းသုံးကြည့်ပြီး လေ့လာနိုင်စေဖို့ ဒီအမိုက်စား AI Chatbots တွေကို ဝေမျှပေးလိုက်ပါတယ်။
Chat GDP
Photo : Brookings Institution
အခုအချိန်မှာ ရေပန်းအစားဆုံးဖြစ်တဲ့ Chat GDP ကိုတော့ လူတိုင်းသိကြမှာပါ။ Chat GDP ကတော့ GPT-3.5 နှင့် GPT-4 မှ ပံ့ပိုးထားသော OpenAI ရဲ့ Conversational Chatbot တစ်ခု ဖြစ်ပါတယ်။ ChatGPT သည် ကြီးမားသောဒေတာစုဆောင်းမှုတွင် ကြိုတင်လေ့ကျင့်ထားသောကြောင့်၊ ၎င်းသည် ဘဏ္ဍာရေး၊ ကျန်းမာရေးစောင့်ရှောက်မှု၊ ဖောက်သည်ဝန်ဆောင်မှုနှင့် အခြားနယ်ပယ်အသီးသီးရှိ အကြံပြုချက်များမှ သက်ဆိုင်ရာ တုံ့ပြန်ချက်များကို ထုတ်ပေးနိုင်ပါတယ်။ သုံးစွဲသူနဲ့ အပြန်အလှန် စကားပြောခြင်းအပြင် သင်္ချာပုစ္ဆာများ ဖြေရှင်းခြင်း၊ ကုဒ်ရေးခြင်းနှင့် အမှားရှာခြင်းများကိုလည်း ကူညီဖြေရှင်းပေးနိုင်ပါတယ်။
ChatSpot
Photo : Markezing Blog
ChatSpot ဆိုတာကတော့ HubSpot ရဲ့ Conversational CRM bot အသစ်တစ်ခု ဖြစ်ပါတယ်။ ၎င်းမှာ ChatGPT ရဲ့ စွမ်းရည်များကို လုပ်ငန်းတိုးတက်စေရန်အတွက် ထူးခြားသောဒေတာရင်းမြစ်များနှင့် ပေါင်းစပ်ထားဖန်တီးထားပါတယ်။ ၎င်းမှာ ကိုယ်ပိုင်မေးခွန်းများကို ထည့်သွင်းနိုင်ခြင်း သို့မဟုတ် အကြောင်းအရာရေးသားခြင်း၊ သုတေသနပြုခြင်း၊ စူးစမ်းရှာဖွေခြင်းနှင့် အခြားအရာများအတွက် ဖြေရှင်းချက်များကို ရှာဖွေရမှာ ကူညီပေးနိုင်ပါတယ်။
Google Bard
Photo : Hinduja Global Soluions
Google Bard ကလည်း ChatGPT ကဲ့သို့ အခြားသော AI Chatbot တစ်ခုဖြစ်ပါတယ်။ ၎င်းကို Google ရဲ့ LAMDA မှ ဖန်တီးထားသည့် စမ်းသပ် AI စကားဝိုင်းဝန်ဆောင်မှုတစ်ခု ဖြစ်ပါတယ်။ ဒီ Chatbot က တုံ့ပြန်မှုများကို ခန့်မှန်းရန် ကူညီပေးပြီး စကားဝိုင်းတစ်ခုကို ဆက်လက်ထိန်းသိမ်းထား နိုင်စေပါတယ်။ ChatGPT ကို အသုံးပြုရတာ စိတ်ဝင်စားတယ်ဆိုရင် ဒီကောင်လေးကိုလည်း စမ်းသုံးကြည့်နိုင်ပါတယ်။
Perplexity
Photo : Elegant Themes
GPT-3.5 ဖြင့် ဖန်တီးထားတဲ့ Perplexity က စကားပြောဆိုမှုဆိုင်ရာ ရှာဖွေရေးအင်ဂျင်အဖြစ် လုပ်ဆောင်သည့် AI chatbot တစ်ခုဖြစ်ပါတယ်။ ၎င်းရဲ့ အဓိကလုပ်ဆောင်ချက်က အင်တာနက်ပေါ်တွင် တွေ့ရှိရသည့် အချက်အလက်များကို စုစည်းပြီး ၎င်းရဲ့အရင်းအမြစ်အကြောင်းအရာသို့ လင့်ခ်များ ပံ့ပိုးပေးခြင်းဖြင့် သုံးစွဲသူများရဲ့ မေးခွန်းများအတွက် ရိုးရှင်းသော အဖြေများပေးရန် ဒီဇိုင်းထုတ်ဖန်တီးထားပါတယ်။ ဒါ့အပြင် အလွယ်တကူဝင်ရောက် အသုံးပြုနိုင်အောင်လည်း ပံ့ပိုးပေးထားပါတယ်။
Tidio Lyro
Photo : Analytics Insight
Lyro ကတော့ အသေးစားနှင့် အလတ်စားစီးပွားရေးလုပ်ငန်းများဖြင့် ဖန်တီးထားသော စကားပြောဆိုနိုင်သော AI chatbot တစ်ခုဖြစ်ပါတယ်။ Lyro က သုံးစွဲသူရဲ့ ကုမ္ပဏီမှ အသိပညာအခြေခံကို ချက်ချင်းလေ့လာနိုင်သောကြောင့် ဖောက်သည်ပြဿနာများကို ချက်ချင်းဖြေရှင်းနိုင်ဖို့ ကူညီပေးနိုင်ပါတယ်။ စီးပွားရေးအတွက် အမှန်တကယ်အသုံးဝင်သော Chatbot တစ်ခုလည်း ဖြစ်ပါတယ်။
နည်းပညာကို မျက်ခြေမပြတ်ချင်တဲ့ ကွီးတို့ရေ ဒီအမိုက်စား AI Chatbots တွေကို စမ်းကြည့်လိုက်ပါ။
Source : Hub Spot
Featured Photo : ESIC
