ကွီးတိုင်းမှာ ကိုယ်စီ အောင်မြင်ချင်တဲ့ ရည်မှန်းချက် အိပ်မက်တွေ ရှိကြပါတယ်။ ဒါပေမဲ့ အဲဒီ ရည်မှန်းချက်တွေကို လက်တွေ့အကောင်အထည်ဖော်ဖို့ ကြိုးစားတဲ့ အခါမှာ အခက်အခဲတွေနဲ့ ရင်ဆိုင်ရတတ်ပါတယ်။

စိတ်အားထက်သန်မှုတွေနဲ့ စတင်ခဲ့ပေမဲ့ အချိန်ကြာလာတာနဲ့အမျှ စိတ်ပျက်အားငယ်တာမျိုးတွေလည်း ဖြစ်လာနိုင်ပါတယ်။ ဒါကြောင့် ကိုယ့်ရဲ့ လက်ရှိအခြေအနေနဲ့ ကိုက်ညီပြီး လက်တွေ့ကျတဲ့ ပန်းတိုင်တွေ သတ်မှတ်တတ်ဖို့ အထူးပဲ လိုအပ်ပါတယ်။

၁။ ကိုယ်တကယ် လိုချင်တဲ့အရာကို အခြေခံပါ - တခြားလူတွေ လုပ်နေတာတွေကို လိုက်လုပ်မယ့် အစား ကိုယ်တကယ် စိတ်ဝင်စားတဲ့အရာကို သေချာစဉ်းစားပြီး ပန်းတိုင်သတ်မှတ်ပါ။

၂။ SMART နည်းလမ်းကို အသုံးပြုပါ - ရည်မှန်းချက်တွေကို တိကျမှုရှိဖို့၊ တိုင်းတာလို့ရဖို့၊ လက်တွေ့ဖြစ်နိုင်ခြေရှိဖို့၊ ကိုယ်နဲ့ သက်ဆိုင်မှုရှိဖို့၊ အချိန်ကာလတစ်ခု သတ်မှတ်ထားဖို့ လိုအပ်ပါတယ်။

၃။ အဆင့်သေးသေးလေးတွေ ခွဲခြားပါ - ကြီးမားတဲ့ ပန်းတိုင်ကို တစ်ခါတည်း ပြီးမြောက်အောင် လုပ်မယ့်အစား လုပ်ဆောင်ရမယ့် အဆင့်တွေကို အသေးစိတ် ခွဲခြားပြီး တစ်ဆင့်ချင်းစီ လုပ်ဆောင်ပါ။

၄။ ကိုယ့်ရဲ့ အချိန်နဲ့ အခြေအနေကို ထည့်သွင်းစဉ်းစားပါ - ကိုယ့်ရဲ့ နေ့စဉ် တာဝန်တွေနဲ့ အခက်အခဲတွေကို ထည့်တွက်ပြီးမှ လက်တွေ့လုပ်နိုင်မယ့် အစီအစဉ်ကို ဆွဲပါ။

၅။ ပုံမှန် လုပ်ရိုးလုပ်စဉ်တစ်ခု ဖန်တီးပါ - စိတ်ပါမှ လုပ်တာမျိုး မဟုတ်ဘဲ ပန်းတိုင်အတွက် အချိန်တစ်ခု သတ်မှတ်ပြီး ပုံမှန် လုပ်ဆောင်တဲ့ အလေ့အကျင့်ကို မွေးမြူပါ။

၆။ တိုးတက်မှုကို စောင့်ကြည့်ပြီး အောင်မြင်မှုသေးသေးလေးတွေကို အသိအမှတ်ပြုပါ - နေ့စဉ် လုပ်ဆောင်နိုင်ခဲ့တဲ့ အရာတွေကို မှတ်သားထားပြီး အောင်မြင်မှု သေးသေးလေးတွေအတွက်လည်း ကိုယ့်ကိုယ်ကိုယ် ဂုဏ်ယူပါ။

၇။ အခက်အခဲတွေဆီကနေ သင်ခန်းစာယူပါ - အစီအစဉ်အတိုင်း မဖြစ်လာတဲ့အခါ စိတ်ပျက်မယ့်အစား ဘာကြောင့်လဲ ဆိုတာကို သုံးသပ်ပြီး လိုအပ်သလို ပြောင်းလဲ လုပ်ဆောင်ပါ။

၈။ လိုအပ်လာရင် အကူအညီတောင်းပါ - အရာအားလုံးကို တစ်ယောက်တည်း ဖြေရှင်းမယ့်အစား မိတ်ဆွေတွေ၊ မိသားစုဝင်တွေ ဒါမှမဟုတ် ကျွမ်းကျင်သူတွေဆီကနေ အကြံဉာဏ်တွေ ရယူပါ။

၉။ ပန်းတိုင်တွေကို ပြန်လည်သုံးသပ်ပြီး ပြုပြင်ပြောင်းလဲပါ - အချိန်နဲ့အမျှ ပြောင်းလဲလာတဲ့ အခြေအနေတွေအပေါ် မူတည်ပြီး ကိုယ့်ရဲ့ ပန်းတိုင်နဲ့ အစီအစဉ်တွေကို ပုံမှန် ပြန်လည်သုံးသပ် ပြင်ဆင်ပါ။

Ref: immore