ပေါ်တူဂီတိုက်စစ်မှူး Cristiano Ronaldo ဟာ ဆော်ဒီလိဂ်ပွဲစဉ်မှာ အယ်လ်ဒီရီယာအသင်းနဲ့ ကစားခဲ့တဲ့ပွဲမှာ အယ်လ်နာဆာအသင်းအတွက် ဂိုးထပ်သွင်းယူနိုင်ခဲ့ပါတယ်။ အဲဒီသွင်းဂိုးကြောင့် သူ့ရဲ့ကစားသမားဘဝ သွင်းဂိုးစုစုပေါင်း ၉၈၀ ဂိုးအထိ ရောက်ရှိလာခဲ့ပြီး သမိုင်းဝင်ဂိုး ၁၀၀၀ ပြည့်မြောက်ဖို့အတွက် ၂၀ ဂိုးသာ လိုတော့ပါတယ်။
အဲဒီပွဲမှာ Cristiano Ronaldo ဟာ ပွဲစပြီး ၂၃ မိနစ်မှာတင် ဂိုးသွင်းယူပေးခဲ့တာ ဖြစ်ပါတယ်။ ဂိုးသမား ပုတ်ထုတ်လိုက်တဲ့ ဘောလုံးကို အခွင့်အရေးယူပြီး အလွယ်တကူ သွင်းယူခဲ့တာဖြစ်ကာ အဲဒီသွင်းဂိုးက သူ့အသင်းကို ဦးဆောင်နိုင်ဖို့ အဓိက အထောက်အကူ ဖြစ်စေခဲ့ပါတယ်။
ပေါ်တူဂီလက်ရွေးစင်အသင်းမှာ ပါဝင်စဉ်က ဖြစ်ပွားခဲ့တဲ့ ပြဿနာတွေနဲ့ ဝေဖန်မှုတွေကြောင့် သတင်းတွေထွက်ပေါ်နေချိန်မှာပဲ အဲဒီလို တုံ့ပြန်ကစားနိုင်ခဲ့တာပါ။ အဲဒီနောက်မှာတော့ Cristiano Ronaldo ဟာ အယ်လ်နာဆာအသင်းနဲ့အတူ ရှေ့ဆက်မယ့်ပွဲတွေမှာ သွင်းဂိုးတွေ ဆက်ထိန်းသွားဖို့နဲ့ ဂိုး ၁၀၀၀ မှတ်တိုင်ဆီ ချဉ်းကပ်နိုင်ဖို့ အာရုံစိုက်နေပါတယ်။
Ref : Onefootball
