ရေချိုးခန်းထဲမှာ ချစ်တင်းနှောတဲ့အခန်းတွေကို အနောက်တိုင်း ရုပ်ရှင်တွေမှာ မကြာခဏ တွေ့ဖူးကြမယ် ထင်ပါတယ်။ ဒါဟာတကယ်ကိုပဲ ပုံမှန်အိပ်ရာထက်မှာနဲ့ မတူညီတဲ့ ဆန်းသစ်တဲ့ အတွေ့အကြုံအသစ် တစ်ခုပါပဲ။ ရင်ခုန်စိတ်လှုပ်ရှားဖို့ ကောင်းသလို အပြောင်းအလဲလည်း ဖြစ်စေတဲ့ ခံစားမှုအသစ်အဆန်းကို ရစေမှာပါ။ အကယ်၍များ ကွီးတို့အနေနဲ့ ရေချိုးခန်း ထဲမှာ ချစ်တင်းနှောဖို့ စိတ်ကူးရှိတယ် ၊ မတူတဲ့ ခံစားမှုအတွေ့အကြုံအသစ်ကို စမ်းကြည့်ချင်တယ်ဆိုရင်တော့ အခုပြောပြမယ့် အကြံပြုချက်လေးတွေက လက်တွေ့မှာ သေချာပေါက် အသုံးဝင်စေမှာပါ။
(၁) စိတ်လျှော့ထားပါ
Photo : Healthshots
အသစ်အဆန်းတစ်ခုခု စမ်းသပ်ကြည့်တဲ့အခါ ကျွန်တော်တို့အများစုမှာ စိတ်ဖိစီးမှုအနည်းငယ်တော့ ရှိတက်ကြတာ သဘာဝပါပဲ။ ရေချိုးခန်းထဲမှာ ချစ်တင်းနှော တာဟာ ပထမဆုံးအကြိမ် ဖြစ်နေမယ်ဆိုရင် အရမ်းကြီး လွယ်ကူနေမှာမဟုတ်ပဲ အသားမကျတာမျိုး ဖြစ်နိုင်ပါတယ်။ ဒါပေမယ့်လည်း တက်နိုင်သမျှ စိတ်ဖိစီးမှုတွေကို လျှော့ထားပြီး စမ်းကြည့်ပါ။ အကယ်၍ အရမ်းကြီး အဆင်မပြေဘူးဆိုရင် ပုံမှန်အတိုင်း အိပ်ရာထက်ကို ပြန်သွားပြီး ခရီးဆက်နိုင်ပါတယ်။ အဓိကကတော့ စိတ်ကိုပေါ့ပေါ့ပါးပါးထားပြီး စမ်းကြည့်ဖို့ပဲ လိုတာပါ။
(၂) ဆပ်ပြာ အသုံးပြုခြင်းကို ရှောင်ပါ
Photo : Healthline
ရေချိုးခန်း ထဲမှာ ချစ်တင်းနှောမယ်ဆိုရင် ရေချိုးဆပ်ပြာ ၊ Shower Gel တွေကို လုံးဝမသုံးသင့်ပါဘူး။ ရေချိုးဆပ်ပြာ ၊ Shower Gel တွေဟာ ဓာတ်မတည့်တာ ၊ ယားယံတာနဲ့ အခန့်မသင့်ရင် ချော်လဲတာတွေအထိ ဖြစ်နိုင်ပါတယ်။ ဒါ့အပြင် ဆပ်ပြာကို ချောဆီအစားထိုးလည်း အသုံးပြုလို့ မရဘူးဆိုတာ သိထားဖို့ လိုပါတယ်။
(၃) ကွန်ဒုံး သုံးပါ
Photo : Freepik
ချစ်တင်းနှော ပြီဆိုတာနဲ့ စိတ်ချလုံခြုံမှုရှိဖို့ကတော့ ပထမဆုံး ထည့်တွေးရမှာပါ။ ရေချိုးခန်း ထဲမှာ ချစ်တင်းနှောမယ်ဆိုရင်လည်း ကွန်ဒုံးကို သေချာပေါက်သုံးဖို့ လိုပါတယ်။ ရေချိုးခန်းထဲမှာ ချစ်တင်းနှောတာဟာ လိင်တံချော်ထွက်မှုကို ဖြစ်စေနိုင်တဲ့အတွက် ကွန်ဒုံးဝတ်ဆင်ခြင်းဟာ ဒီပြဿနာကို အထိအလျှောက် လျော့ချပေးနိုင်မှာ ဖြစ်ပါတယ်။
(၄) ချောဆီသုံးပါ
Photo : New York Post
ရေဟာ ချောဆီအနေနဲ့ လုပ်ဆောင်မပေးပါဘူး။ အလားတူ ရေချိုးဆပ်ပြာတွေဟာလည်း အတူတူပါပဲ။ ဒါကြောင့် ရေချိုးခန်း ထဲမှာ ချစ်တင်းနှော တဲ့အခါမှာ သာယာပျော်ရွှင်မှုကိုတိုးစေပြီး ဘေးကင်းစိတ်ချမှု ရှိစေဖို့ ချောဆီကိုတော့ သေချာပေါက် သုံးသင့်ပါတယ်။ ရေအခြေခံချောဆီ ၊ ဆီလီကွန်အခြေခံ ချောဆီ စသည်ဖြင့် နှစ်သက်ရာ ချောဆီအမျိုးအစားကို ရွေးချယ်သုံးနိုင်ပါတယ်။
Source : Durex
Featured Photo : Daily Update
