မျိုးဆက်ပွား ကျန်းမာရေးဟာ အမျိုးသားတိုင်း အလေးထားရမယ့် ကိစ္စတစ်ခုပါပဲ။ ဒါပေမယ့် တော်တော်များများကတော့ နေ့စဉ်ဘဝထဲမှာ လိင်မှုဆိုင်ရာ ကျန်းမာရေးနဲ့ မျိုးဆက်ပွားမှုကို ထိခိုက်စေတဲ့ အလေ့အကျင့် အချို့ကို သိလို့ဖြစ်စေ ၊ မသိလို့ဖြစ်စေ လုပ်မိတက်ကြပါတယ်။ အချို့ အလေ့အကျင့်တွေဟာ ကွီးတို့ရဲ့ အိပ်ရာပေါ်က လိင်မှုစွမ်းဆောင်ရည် ၊ ကျားဟော်မုန်း ညီမျှမှုတွေကို ကျဆင်းစေရုံသာမက မျိုးဆက်ပွား ကျန်းမာရေးတွေ အပေါ်လည်း ဆိုးကျိုးများစွာ သက်ရောက်မှု ရှိစေပါတယ်။ ဒီဆောင်းပါးမှာတော့ ကွီးတို့ ရဲ့ မျိုးပွားမှု ကျန်းမာရေးကို အကြီးအကျယ် ထိခိုက်စေနိုင်တဲ့ အလေ့အကျင့်တွေအကြောင်း ပြောပါမယ်။
(၁) ကျန်းမာရေးနဲ့ မညီညွှတ်တဲ့ စားသောက်မှုပုံစံ ရှိခြင်း
Photo : LovePik
ကျန်းမာချင်ရင် ပါးစပ်အကျင့်ကို ပြင်ဖို့ လိုပါတယ်။ ကွီးတို့ စားလိုက်တဲ့ အစားအစာတွေဟာ ကျန်းမာရေးနဲ့ မညီညွတ်ရင် ခန္ဓာကိုယ်အလုံးစုံ ကျန်းမာရေးကိုရော လိင်မှုကျန်းမာရေးကိုပါ ထိခိုက်နိုင်ပါတယ်။ အထူးသဖြင့် ဆီကြော်စာတွေ ၊ ပြုပြင်ထားတဲ့ အသားတွေ ၊ အေးခဲစာတွေနဲ့ အချိုအငန်များတဲ့ အစားအစာတွေဟာ သုတ်ပိုးအရည်အသွေးကို ကျဆင်းစေပြီး မျိုးပွားမှု ကျန်းမာရေးကို ထိခိုက်စေနိုင်ပါတယ်။
(၂) ကိုယ့်သဘောနဲ့ကိုယ် ဆေးဝါးတွေ မှီဝဲခြင်း
Photo : MensXP
ဘာဆေးပဲသောက်သောက် ကိုယ့်သဘောနဲ့ကိုယ် အလွယ်လေးသောက်မိနေတဲ့ အကျင့်ရှိရင် ချက်ချင်ရပ်တန့်ပါ။ အချို့သော ဆေးဝါးတွေမှာ နောက်ဆက်တွဲ ဘေးထွက်ဆိုးကျိုးတွေ အများကြီး ရှိပါတယ်။ ဒါကို မသိပဲ သောက်မိရင် ပထမဆုံး ထိခိုက်မှာက ကွီးတို့ပါပဲ။ ဒါကြောင့် ဆေးဝါးမှီဝဲတော့မယ်ဆိုရင် အရင်ဆုံး နားလည်တက်ကျွမ်းတဲ့ ကျန်းမာရေး ဝန်ထမ်းတွေ ၊ ဆရာဝန်တွေနဲ့ တိုင်ပင်ဆွေးနွေးပြီး သူတို့ရဲ့ ညွှန်ကြားချက်ကို သေချာလိုက်နာဖို့ လိုပါမယ်။
(၃) လေ့ကျင့်ခန်း မလုပ်ခြင်း
Photo : British Wire
ကျန်းမာကြံ့ခိုင်တဲ့ Healthy Lifestyle တစ်ခုကို တည်ဆောက်ချင်ရင် ကိုယ်လက်လှုပ်ရှား လေ့ကျင့်ခန်းကတော့ အမြဲတမ်းပုံမှန် လုပ်ဖို့လိုပါတယ်။ အနည်းဆုံး တစ်ပတ်မှာ ၄ – ၅ ရက် ၊ တစ်ရက်ကို မိနစ် ၃၀ – ၄၅ မိနစ်ခန့် လေ့ကျင့်ခန်း ပြုလုပ်နိုင်ရင် လုံလောက်ပါတယ်။ လေ့ကျင့်ခန်းပုံမှန် လုပ်တာဟာ ကိုယ်ခံစွမ်းအားကို ကောင်းစေပြီး ရုပ်ရောစိတ်ပါ လန်းဆန်းတက်ကြွစေသလို အမျိုးသားတွေရဲ့ မျိုးပွားနိုင်စွမ်းကိုလည်း တိုးတက်ကောင်းမွန်စေပါတယ်။
(၄) လုံခြုံမှုမရှိတဲ့ လိင်မှုဆိုင်ရာ လှုပ်ရှားမှုတွေ လုပ်ဆောင်ခြင်း
Photo : Brilliant Tots
လိင်ကိစ္စလို့ ပြောလိုက်တာနဲ့ လုံခြုံစိတ်ချမှု ရှိဖို့ဟာ နံပါတ်တစ် ဦးစားပေး ဖြစ်ပါတယ်။ Safe မဖြစ်တဲ့ လိင်မှုဆိုင်ရာ လှုပ်ရှားမှုတွေ ဥပမာအားဖြင့် အကာအကွယ်မဲ့ လိင်ဆက်ဆံမှုပုံစံတွေဟာ လိင်မှတဆင့် ကူးစက်တက်တဲ့ ရောဂါတွေဆီ ဦးတည်နေပါတယ်။ STDs ဟာ မျိုးပွားမှုနှုန်း ကျဆင်းခြင်းနဲ့ ဆက်စပ်နေပြီး တင်ပါးဆုံ ရောင်ရမ်းခြင်းကနေ သားဥပြွန် ပိတ်ဆို့ခြင်းအထိ မျိုးပွားမှု ကျန်းမာရေးကို တနည်းမဟုတ်တနည်းနဲ့ ထိခိုက်စေနိုင်ပါတယ်။
Source : MensXP
Featured Photo : Muscle & Fitness
