လိင်မှတဆင့် ကူးစက်တတ်တဲ့ ရောဂါတွေသည် ချစ်တင်းနှောနေရင်းနဲ့ ကူးစက်နိုင်ခြေ အများဆုံးပဲဖြစ်ပါတယ်။ ပါးစပ်နဲ့တဆင့် (သို့) စအိုကနေ တဆင့် (သို့) မျိုးပါးအင်္ဂါကနေ တဆင့်၊ ပုံစံမျိုးစုံကနေ ချစ်တင်းနှော ရင်းနဲ့ ရောဂါ တွေ ကူးစက်သွားတာပဲဖြစ်ပါတယ်။ လိင်မှတဆင့် ကူးစက်တတ်တဲ့ ရောဂါများသည် ချက်ချင်း ကုသမှု ခံယူသင့်တဲ့ ရောဂါများပဲဖြစ်ပါတယ်။ ကိုယ်ခံအားကို ထိခိုက်တတ်တဲ့ ဗိုင်းရပ်စ်ပိုးတစ်မျိုးဖြစ်တဲ့ HIV ကျပြန်တော့ ကုရာနတ္ထိ ဆေးမရှိသေးတဲ့ ရောဂါဖြစ်ပြီး ကွီးတို့ရဲ့ အသက်အန္တရာယ်ကိုတောင် ခြိမ်းခြောက်နိုင်ပါသေးတယ်။
လိင်မှတဆင့် ကူးစက်တတ်တဲ့ ရောဂါတွေက ဘာတွေလဲ
Hepatitis B လို့ခေါ်တဲ့ အသည်းရောင် အသားဝါ ဘီရောဂါ၊ Herpes ခေါ် ရေယုန်ရောဂါ၊ HIV လို့ခေါ်တဲ့ ခုခံအား ကျဆင်းတဲ့ရောဂါ၊ Human Papillomavirus (HPV) ၊ လိင်အင်္ဂါ ကြွက်နို့ရောဂါ၊ ကာလသားရောဂါ အစရှိတဲ့ ရောဂါများပဲဖြစ်ပါတယ်။ အချို့ရောဂါများက ပျောက်ကင်း ကုသနိုင်ပေမယ့် အချို့ရောဂါများကတော့ အသက်ရှင်နေသမျှ ကာလပတ်လုံး ကုသပျောက်ကင်းနိုင်မှာ မဟုတ်ပါဘူး။ ဒါ့ကြောင့်မို့လို့ ချစ်တင်းနှော ရင်းနဲ့ ဒီ ရောဂါ တွေ မကူးစက်ဖို့အတွက် အကာအကွယ် အသုံးပြုသင့်ပါတယ်။ ဒါ့အပြင် တစ်ယောက်ထက် ပိုတဲ့ ဆက်ဆံဖော် များလွန်းခြင်းကိုလည်း ရှောင်ကြဥ်သင့်ပါတယ်။
မတော်လို့ ကူးစက်ခံရတဲ့အခါ ရောဂါ လက္ခဏာတွေ ဘယ်လိုပြသလဲ
ရောဂါ လက္ခဏာများကတော့ ရောဂါ အမျိုးအစား တစ်ခုနဲ့ တစ်ခုပေါ် မူတည်ပြီး ပြောင်းလဲသွားတတ်ပါတယ်။ ဒါပေမဲ့ ယေဘုယျအားဖြင့်တော့ အခုဖော်ပြမယ့် လက္ခဏာများကို ခံစားရလေ့ရှိကြပါတယ်။
- မျိုးပွားအင်္ဂါ၊ ပါးစပ်နှင့် စအို တစ်ဝိုက်တွင် အနီကွက်များ၊ ရောင်ရမ်းခြင်းများ ဖြစ်ပေါ်တတ်ခြင်း
- မျိုးပွားအင်္ဂါ တစ်ဝိုက် ရောင်ရမ်းခြင်းနှင့် မခံမရပ်နိုင်အောင် ယားယံခြင်း
- ညီလေးမှတဆင့် ပုံမှန်မဟုတ်သော အရည်များ ထွက်ခြင်း
- မျိုးပွားအင်္ဂါက အနံ့အသက် ဆိုးရွားလွန်းခြင်း
- ချစ်တင်းနှောစဥ်တွင် မခံမရပ်နိုင်အောင် နာကျင်ခြင်း
- အပေါ့သွားတဲ့အခါ နာကျင်လွန်းခြင်း
- လိုအပ်သည်ထက်ပိုပြီး မကြာခဏ ဆီးသွားခြင်း
- အမျိုးသမီးများဆိုလျှင်လည်း ရာသီမလာဘဲနဲ့ မျိုးပွားအင်္ဂါမှ သွေးဆင်းခြင်း
အထက်ဖော်ပြပါ လက္ခဏာများကတော့ လိင်အင်္ဂါတစ်ဝိုက်မှာ တွေ့ရတတ်တဲ့ လက္ခဏာများပဲဖြစ်ပါတယ်။ ကွီးတို့ ခန္ဓာကိုယ်ပေါ်မှာလည်း လက္ခဏာများ ပြလေ့ရှိပါတယ်။ ထိုလက္ခဏာများကတော့
- အရေပြား နီမြန်းခြင်း
- ကိုယ်အလေးချိန် သိသိသာသာ ကျဆင်းသွားခြင်း
- ဝမ်းပျက် ဝမ်းလျှောခြင်း
- ညဘက်တွင် အလွန်အမင်း ချွေးထွက်ခြင်း
- နာကျင်ကိုက်ခဲခြင်း၊ ချမ်းစိမ့်စိမ့်နှင့် အမြဲဆိုသလို အဖျားတက်နေခြင်း
အစရှိတဲ့ လက္ခဏာများကို ကြုံတွေ့ရတတ်ပါတယ်။
အခြား ဘယ်လိုနည်းနဲ့ရော ကူးစက်နိုင်သေးသလဲ
ချစ်တင်းနှော နေစဥ်မှာ အကာအကွယ် အသုံးပြုသည့်တိုင် လိင်မှတဆင့် ကူးစက်တတ်တဲ့ ရောဂါ များကို ခံစားနေရပြီဆိုရင်တော့ အခုဖော်ပြပေးမယ့် အချက်များကြောင့်လည်း ဖြစ်နိုင်ပါတယ်။
- တက်တူး ထိုးရင်းနဲ့ ကူးစက်သွားခြင်း
- နားဖောက်ခြင်းမှတဆင့် ကူးစက်ခြင်း
- တစ်ခါသုံး ဆေးထိုးအပ်များကို အသုံးမပြုဘဲ ဆေးထိုးအပ်များကို ဝေမျှကာ အသုံးပြုခြင်း အစရှိသည်တို့ကြောင့်ပဲဖြစ်ပါတယ်။
HIV ကူးစက်ခံရပြီဆိုရင် HIV ကနေတဆင့် AIDS အဖြစ်သို့ ပြောင်းလဲဿွားတတ်ပါတယ်။ ဒါ့အပြင် ဆစ်ဖလစ်ရောဂါသည်လည်း ကွီးတို့ရဲ့ ကိုယ်တွင်း အင်္ဂါများနှင့် အာရုံကြော စနစ်များကို ထိခိုက်ပျက်စီးစေနိုင်ပါတယ်။ ဒါ့အပြင် အမျိုးသားများဆိုရင် ဆီးပြွန်နှင့် ဆီးလမ်းကြောင်း ပိုးဝင်ခြင်း၊ ဖွားဖက်တော် ရောင်ရမ်းခြင်း၊ မျိုးမအောင်ခြင်း အစရှိသည်တို့ကို ခံစားရနိုင်ပါတယ်။
ဒါ့ကြောင့်မို့လို့ ကွီးတို့သည် ချစ်တင်းနှော တဲ့အခါမှာလည်း အကာအကွယ် အသုံးပြုရမှာဖြစ်ပြီး တစ်ခါသုံး ဆေးထိုးအပ်များကိုသာ အသုံးပြုသင့်ပါတယ်။ ဘယ်အရာမဆို မပေါ့ဘဲနဲ့ သေချာဂရုစိုက်မှသာလျှင် ကွီးတို့ရဲ့ တစ်ဘဝလုံး အေးချမ်းရမှာပါ။
Source: Clevelandclinic
Featured Image: Thecaremd
