ဂိမ်းတစ်ခုက Storylines သိပ်ကောင်းလွန်းရင် ရုပ်ရှင်ဇာတ်ကားတစ်ကား ကြည့်နေရသလို ဖီလင်မျိုး ပေးပါတယ်။ ပိုမိုက်တာတစ်ခုက ကစားတဲ့ သူတွေကိုယ်တိုင် ဇာတ်လမ်းထဲမှာ ပါဝင်စီးမြောနေရသလို Vibe မျိုးရစေတာပါ။ ဒီလို ဇာတ်လမ်းသွား အမိုက်စား ဂိမ်းတွေမှ ဆော့ချင်ပါတယ်ဆိုတဲ့ ကွီးတို့အတွက် ဒီဆောင်းပါးမှာတော့ စိတ်ဝင်စားဖို့ကောင်းတဲ့ Story ဂိမ်း အချို့ကို ပြောပြပေးပါမယ်။
(၁) Yakuza 0
Source : GameSpot Trailers
Yakuza 0 ကတော့ GTA ဂျပန်ဗားရှင်း ဂိမ်းလို့ ပြောမယ်ဆို ပြောလို့ရပါတယ်။ Crime Story ဂိမ်းတွေထဲမှာတော့ အကောင်းဆုံး ဂိမ်းတစ်ခုလို့ သတ်မှတ်ခံထား ရပါတယ်။ ဒီဂိမ်းက လူဆိုးဂိုဏ်းတွေကြားက ညီအစ်ကိုစိတ်ဓာတ် ၊ သစ္စာစောင့်သိမှု ၊ နောက်ကျောဓားထိုးမှုစတဲ့ သဘောတရားတွေကို အခြေခံထားပြီး စိတ်ဝင်စားဖို့ကောင်းတဲ့ ဇာတ်လမ်းသွားနဲ့ အထာကျကျ ဆော့ရမှာ ဖြစ်ပါတယ်။
(၂) Red Dead Redemption 2
Source : Rockstar Games
Red Dead Redemption 2 ကတော့ Cowboy စတိုင် အက်ရှင်စွန့်စားခန်း ဂိမ်း ဖြစ်ပြီး Arthur Morgan လို့ခေါ်တဲ့ ဇာတ်ကောင်နေရာကနေ ကစားရမှာ ဖြစ်ပါတယ်။ ဂိမ်းရဲ့အဓိက ဇာတ်ကောင်ဟာ Van der Linde ဂိုဏ်းရဲ့ အရေးပါသူတစ်ယောက်ဖြစ်ပြီး ရထားတွေနဲ့ ဘဏ်တွေကို လုယက်တာ ၊ ပြိုင်ဘက်လူဆိုးဂိုဏ်းတွေနဲ့ တိုက်ခိုက်ရတာတွေကို လုပ်ဆောင်ရမှာပါ။ ဂိမ်းရဲ့ဇာတ်လမ်းသွားက တော်တော်လေး စိတ်ဝင်စားဖို့ကောင်းသလို ခန့်မှန်းရခက်တဲ့အတွက် ကွီးတို့ကိုယ်တိုင်ပဲ စီးမြောခံစားကြည့်လိုက်ပါ။
(၃) Mass Effect Trilogy
Source : Mass Effect
Science-Fiction Fan တစ်ယောက်ဆိုရင် Mass Effect Trilogy ဂိမ်း ကို လုံးဝကြိုက်မှာ သေချာပါတယ်။ ဒီဂိမ်းရဲ့ ဇာတ်လမ်းက လုံးဝစိတ်ဝင်စားဖို့ ကောင်းတယ်လို့ ပြောရပါမယ်။ ခပ်မိုက်မိုက် ဂိမ်းဇာတ်ကောင်တွေ ၊ ထူးခြားဆန်းကြယ်တဲ့ဂြိုလ်တွေ ၊ ဘာသာရေး ၊ နိုင်ငံရေး ၊ လိင်နဲ့ လူသားတွေရဲ့ သဘောသဘာဝတွေကို ရောထွေးပြီး ဇာတ်အိမ်တည်ထားတာ ဖြစ်ပါတယ်။ ပုံမှန်ဆော့ဖူးနေကျ Science-Fiction ဂိမ်းတွေနဲ့မတူတဲ့ အတွေ့အကြုံအသစ်ကို ခံစားရမှာ အသေအချာပါပဲ။
(၄) The Last of Us
Source : PlayStation
တကယ်မိုက်တဲ့ Story ဂိမ်းတွေအကြောင်းပြောတဲ့အခါ The Last of Us ကမပါမဖြစ် ပြောရပါမယ်။ ဒီဂိမ်းက ကပ်ရောဂါဆိုးကြီး ထံကနေ အသက်ရှင်လွှတ်မြောက်လာတဲ့ Joel နဲ့ Ellie ဆိုတဲ့ ဇာတ်ကောင်၂ ဦးနဲ့ ဇာတ်အိမ်တည် ထားပါတယ်။ သူတို့လိုပဲ အခြားသော အသက်ရှင်ကျန်ရစ်သူတွေကို လိုက်လံကယ်တင်ရင်း သူတို့ ၂ ဦးကြားက ဖြစ်တည်လာတဲ့ ဆက်ဆံရေး ၊ ကြုံတွေ့ရမယ့် စိန်ခေါမှု အခက်အခဲတွေကို ရုပ်ရှင်ဆန်ဆန် စီးမြောခံစားရမှာ ဖြစ်ပါတယ်။ ဒီဂိမ်းက Storylines တော်တော်ကြီးကို ကောင်းသလို ရင်ခုန်စိတ်လှုပ်ရှားမှုအပြည့်နဲ့ ဆော့ကစားရမှာ ဖြစ်ပါတယ်။
Source : mxdwn Games
Featured Photo : Seasoned Gaming
