ဒီနှစ်ထဲမှာ အမျိုးသားတွေအတွက် အထူးရေပန်းစားတဲ့ ဆံပင်စတိုင်တွေ အများကြီး ပေါ်ထွက်လာပါတယ်။ ခပ်တိုတို ခပ်ပါးပါးနဲ့ Stylish ဖြစ်စေတဲ့ ဆံပင်ပုံစံတွေကနေ သပ်သပ်ရပ်ရပ်နဲ့ လူကြီးလူကောင်းဆန်တဲ့ ဆံပင်စတိုင်တွေ ရွေးချယ်စရာအများကြီး ရှိပါတယ်။ ဒီဆောင်းပါးလေးမှာတော့ ရာသီဥတုနဲ့လည်း ကိုက်ညီပြီး ဆော်ကြည်ဘဲတစ်ယောက်ဖြစ်စေမယ့် အလန်းစား ဆံပင်စတိုင် တချို့ကို ရွေးချယ်တင်ဆက်ပေးချင်ပါတယ်။
(၁) Spiky Hair
Photo : The Trend Spotter
၉၀ ခုနှစ်တွေမှာ လူကြိုက်များ ရေပန်းစားခဲ့တဲ့ ဆံပင်စတိုင်တစ်ခုပါ။ ရှင်းရှင်းသန့်သန့်နဲ့ ယောကျာ်းဆန်တဲ့ Look ကို ပေးပါတယ်။ ဘေးဘက်ကို ခပ်ပါးပါးညှပ်ထားပြီး အပေါ်ကို မတိုမရှည် အနေအထား ထားရပါတယ်။ ဆံပင်ပုံစံကိုက သီးသန့်ပုံသွင်းစရာမလိုပဲ သဘာဝဆန်ဆန်နဲ့ ကြည့်ကောင်းစေတဲ့ ဆံပင်စတိုင် ဖြစ်ပါတယ်။
(၂) Bald Fade
Photo : The Trend Spotter
ခပ်ဂေါ်ဂေါ် ဘဲတွေ ရွေးချယ်သင့်တဲ့ ဆံပင်စတိုင် တစ်ခုဖြစ်ပါတယ်။ စမတ်ကျပြီး သန့်သန့်ပြန့်ပြန့်နဲ့ ကြည့်ကောင်းတဲ့ အသွင်အပြင်ကို အပြည့်အဝ ပေးပါတယ်။ ဘေးနဲ့အနောက်ဘက်ကို အပြောင်ရှိတ်ထိုးပြီး အပေါ်ဆံပင်ကိုတော့ နောက်ကိုလှန်ဖြီးထားတဲ့ ပုံစံပါ။ လူငယ်/လူလတ်ပိုင်း ကွီးတို့တွေနဲ့ ပိုလိုက်ဖက်ပြီး ခေတ်ဆန်ဆန်နဲ့ အထာကျစေမှာ ဖြစ်ပါတယ်။
(၃) Undercut
Photo : The Trend Spotter
ပြီးခဲ့တဲ့ နှစ်တွေအတွင်း အမျိုးသားတွေကြားမှာ ရေပန်းအစားဆုံး ဆံပင်အတိုစတိုင်တွေထဲက တစ်ခုကတော့ Undercut ဆံပင်စတိုင် ပါပဲ။ ဘေး/နောက် ဆံပင်ကို အပြောင်နီးပါး ခပ်တိုတိုညှပ်ထားပြီး အပေါ်ကိုတော့ Pompadours ၊ Quiffs နဲ့ Fringe စတိုင်များ အပါအဝင် ပုံစံအမျိုးမျိုး နှစ်သက်သလို ပုံသွင်းလို့ရပါတယ်။
(၄) Shaved Sides
Photo : The Trend Spotter
Shaved Sides ဆံပင်စတိုင် ကတော့ ရှင်းရှင်းသန့်သန့်နဲ့ ယောကျာ်းဆန်တဲ့ ဆံပင်ပုံစံတစ်ခုပါ။ ဆံပင်ရဲ့ဘေးဘက်ခြမ်းနဲ့အတူ မုတ်ဆိတ်ကိုလည်း ခပ်ပါးပါး ရှိတ်ထိုးထားရမှာ ဖြစ်ပါတယ်။ အပေါ်ကိုတော့ ခပ်တိုတိုအထောင်စတိုင်မျိုးပါ။ အခုလို ပူအိုက်တဲ့ နွေရာသီနဲ့ လိုက်ဖက်ပြီး ကြည့်လိုက်တာနဲ့ အေးမြလန်းဆန်းတဲ့ စတိုင်ကို ပေးစွမ်းပါတယ်။
(၅) Mullet
Photo : The Trend Spotter
Mullet ကေကတော့ လူငယ်တွေကြားထဲမှာ အရမ်းကို အညှပ်များနေတဲ့ ဆံပင်စတိုင် တစ်ခုပါပဲ။ အဓိကအားဖြင့် အရှေ့ဘက် ဆံသားထိပ်ဖျားနဲ့ အနောက်ဘက်ဆံပင်အောက်ဖျားကို အရှည်ပုံစံထားရပြီး အပေါ်နဲ့ ဘေးနှစ်ဖက်အောက်ပိုင်းကိုတော့ ခပ်တိုတို ၊ ခပ်ပါးပါး ညှပ်ထားပါတယ်။ ဒီဆံပင်ပုံစံက အမျိုးသားတိုင်းနဲ့ လိုက်ဖက်မှုရှိမှာမဟုတ်ပေမယ့် ကိုယ့်ရဲ့မျက်နှာကျအတိုင်း ဆံပင်အတိုအရှည်ကိုတော့ ညှိပြီး ထားလို့ရပါတယ်။ လူငယ်ဆန်ဆန် ၊ အထာကျကျ ဂေါ်ချင်ရင်တော့ Mullet ဆံပင်စတိုင်က သေချာပေါက် ရွေးချယ်သင့်တဲ့အထဲမှာ ပါပါတယ်။
ကွီးတို့ရော ဒီနှစ်ထဲမှာ ဘယ်လို ဆံပင်စတိုင်တွေကို သဘောတွေ့နေပါသလဲ???
Featured Photo : Men’s Hairstyles Today
