တစ်ကိုယ်တော် လက်သိုင်းကျင့်တာဟာ ဘေးကင်းပြီး လုံခြုံစိတ်ချရတဲ့ တစ်ကိုယ်ရည် လိင်စိတ်သာယာ ပျော်ရွှင်မှု ရှာဖွေတဲ့ နည်းလမ်းတစ်ခု ဖြစ်ပါတယ်။ ဒါပေမယ့် တစ်ခါတစ်လေမှာတော့ ကွီးတို့ သတိမထားမိတဲ့ လွဲမှားနေတဲ့ တစ်ကိုယ်ရည် အာသာဖြေခြင်းဆိုင်ရာ အမှားတွေကြောင့် သာယာမှုထက် ကွီးတို့ရဲ့ ညီလေးမှာ ဘေးထွက်ဆိုးကျိုးတွေ ပိုဖြစ်စေနိုင်တယ် ဆိုတာကိုလည်း သတိပြုမိဖို့ လိုပါမယ်။ ဒီတစ်ခေါက်မှာတော့ ကွီးတို့ သတိထားရှောင်ကြဉ်ရမယ့် တစ်ကိုယ်ရည် အာသာဖြေခြင်းဆိုင်ရာ အမှားတွေကို ပြောပြပေးချင်ပါတယ်။
(၁) အကြမ်းပတမ်း လုပ်ဆောင်ခြင်း
Photo : The Times of India
လိင်တံအရေပြားဟာ နုနယ်ပြီး ထိရှလွယ်ပါတယ်။ ကြမ်းကြမ်းတမ်းတမ်း တစ်ကိုယ်တော် လက်သိုင်းကျင့်မယ်ဆိုရင် ကွီးတို့ရဲ့ လိင်တံအရေပြားမှာ ပြင်းထန်စွာ စုတ်ပြဲတာ ၊ အရေပြား ပွန်းပဲ့ဒဏ်ရာ ရတာတွေ ဖြစ်စေနိုင်ပါတယ်။ လိင်တံ အရေပြားမှာ ဒဏ်ရာအနာတရ ဖြစ်သွားပြီဆိုရင် နောက်ဆက်တွဲအနေနဲ့ ဘက်တီးရီးယားနဲ့ ရောဂါပိုးမွှားတွေ အလွယ်တကူ ကူးစက်ခံရဖို့ သေချာသလောက် ရှိနေပါပြီ။
(၂) ထောင်မတ်နေစဉ်မှာ ဖိအားပြင်းပြင်း သက်ရောက်စေခြင်း
Photo : MensXP
လိင်တံ ထောင်မတ်နေစဉ် လိင်တံအပေါ် ဖိအားပြင်းပြင်း သက်ရောက်စေတာဟာ Penile Fracture လို့ခေါ်တဲ့ လိင်တံကျိုးခြင်းဆီ ဦးတည်စေတဲ့ အဓိက အကြောင်းအရင်းတစ်ရပ် ဖြစ်ပါတယ်။ တစ်ကိုယ်ရည် အာသာဖြေချိန်မှာဖြစ်စေ ၊ လိင်ဆက်ဆံစဉ်မှာပဲဖြစ်စေ လိင်တံအပေါ် ဖိအားပြင်းပြင်း သက်ရောက်တဲ့အခါ မတော်တဆ လိင်တံကျိုးမှု ဖြစ်စေတတ်ပါတယ်။ တစ်ကိုယ်ရည် အာသာဖြေချိန်မှာ လိင်တံကျိုးနိုင်ခြေဟာ ၆၀ ရာခိုင်နှုန်းခန့်ရှိပြီး လိင်ဆက်ဆံချိန်မှာတော့ လိင်တံကျိုးနိုင်ခြေ ၁၉ ရာခိုင်နှုန်းခန့် ရှိတယ်လို့ လေ့လာမှုစစ်တမ်းတွေက ဖော်ပြထားပါတယ်။
(၃) ပုံမှန်မဟုတ်တဲ့ အရာတွေအတွင်း ထိုးသွင်းခြင်း
Photo : Men’s Health
တစ်ကိုယ်ရည် အာသာဖြေချိန်မှာ အတက်စမ်းပြီး ဟိုအပေါက် ဒီအပေါက်တွေထဲ လိင်တံကို ထိုးသွင်းကြည့်ဖို့ စိတ်မကူး လိုက်ပါနဲ့။ ကွီးတို့ရဲ့ လိင်တံကို သံကွင်း / ကော်ကွင်း ၊ ပုလင်းအဝ ၊ ဗူး စတဲ့ အရာတွေထဲ ထိုးသွင်းပြီး အာသာဖြေမယ်ဆိုရင် လိင်တံမှာ ပြင်းထန်တဲ့ ဒဏ်ရာအနာတရ ဖြစ်ပွားစေနိုင်ပါတယ်။ စနစ်တကျ အသုံးပြုရတဲ့ လူကြီးကစားစရာ အရုပ်တွေကို မသုံးပဲ ပုံမှန်မဟုတ်တဲ့ ပစ္စည်းတွေနဲ့ တစ်ကိုယ်ရည် အာသာဖြေခြင်းဟာ လိင်တံ ၊ ကပ်ပယ်အိတ်နဲ့ လိင်တံ ဧရိယာ အရေပြားတဝိုက်မှာ ပြင်းထန်တဲ့ စုတ်ပြဲဒဏ်ရာ ၊ ပွန်းပဲ့ ဒဏ်ရာတွေ ဖြစ်စေနိုင်ပါတယ်။
Source : Men’s Health
Featured Photo : IFLScience
