Weight တက်တာကို ဘယ်သူမှ ကြိုက်မှာ မဟုတ်ပါဘူး။ ဝိတ်မတက်ချင်ရင် အစားအသောက် မလွန်ကဲအောင် ထိန်းချုပ်ဖို့က အဓိကကျပါတယ်။ ဒါကြောင့် စားသောက်ချင်စိတ်ကို ထိန်းချုပ်နိုင်မယ့် နည်းလမ်းလေးတွေ မျှဝေပေးလိုက်ပါတယ်။
(၁) ပီကေဝါးပါ
Photo: webmd
Chewing Gum ဝါးတာက ဆာလောင်မှုကို လျော့ပါးစေပြီး Junk-Food စားချင်စိတ်ကို ကျဆင်းစေပါတယ်။
(၂) ကျန်းမာရေးနဲ့ညီတာ အရင်စားထားပါ
Photo: webmd
ဗိုက်ဆာလာရင် ကျန်းမာရေးနဲ့မညီတဲ့ ဝိတ်တက်စေမယ့် အစားအသောက်တွေ မစားဘဲ အရွက်သုတ်လိုမျိုး ၊ အယ်လ်မွန်လို သစ်ကြားသီးလို အစေ့အဆံတွေကို အရင်စားကြည့်လိုက်ပါ။
(၃) Cooking Show တွေ မကြည့်ပါနဲ့
Photo: webmd
TV က လာတဲ့ အစားအသောက်အစီအစဉ်တွေ ကြည့်တာ ၊ Facebook မှာ Food Blogger တွေရဲ့ Video တွေထဲ ဝင်ကြည့်မိတာမျိုးက အစားအသောက်ကို လိုတာထက် ပိုစားချင်စိတ် ပေါက်နိုင်လို့ ရှောင်ထားပါ။
(၄) အပြာရောင် ပန်းကန်တွေ သုံးပါ
Photo: webmd
ဟင်းခွက်ပန်းကန်တွေရဲ့ အရောင်ကလည်း လူတစ်ယောက်ကို အများကြီး စားမိခြင်း မစားမိခြင်းကို လွှမ်းမိုးနိုင်ပါတယ်။ အပြာရောင် ဟင်းခွက်ပန်းကန်တွေနဲ့ စားတာက ပန်းကန်အရောင် နဲ့ စားစရာ အရောင်ကွဲတာကြောင့် အများကြီး မစားမိအောင် ထိန်းချုပ်ဖြစ်မှာပါ။ နောက်ပြီး ပန်းကန်ခွက်ယောက်တွေကိုလည်း အရွယ်အစား ခပ်သေးသေးပဲ သုံးဖို့ အကြံပေးချင်ပါတယ်။
(၅) ဖြည်းဖြည်းစား ရေများများသောက်ပါ
Photo: webmd
ဗိုက်ထဲ သိပ်ဆာတယ် ထင်ရင် ၅ မိနစ် ၁၀ မိနစ်လောက် တခြားဟာ လုပ်နေပါ။ ဆာတဲ့စိတ် နည်းနည်းသက်သာသွားပါလိမ့်မယ်။ အဆာလျော့သွားတဲ့အချိန်မှာ စားတာက လွန်ကဲတဲ့ စားသောက်မှုမျိုး မဖြစ်အောင် ဟန့်တားနိုင်ပါတယ်။ စားပြီဆိုရင်လည်း အချိန်ပေးပြီး ဖြည်းဖြည်းပဲ စားပါ။ စားနေရင်း ရေသောက်ပါ။ ဒါဆို အစားစားသောက်မှု မလွန်ကဲအောင် လျှော့ချပေးနိုင်မှာပါ။
Featured Photo: webmd
