ကွီးတို့ ဆိုရှယ်မီဒီယာပေါ်မှာ မြင်တွေ့နေရတဲ့ လိင်တံကြီးထွားစေမယ့်နည်းပေါင်း သောင်းခြောက်ထောင်က အမှန်တကယ် အလုပ်ဖြစ်မယ် ထင်ပါသလား ? တိကျတဲ့ လေ့လာမှု စစ်တမ်းတွေအရ အမျိုးသားတွေဟာ အသက် ၂၀ နောက်ပိုင်းမှာ လိင်တံရဲ့ ဖွံ့ဖြိုးကြီးထွားမှုနှုန်း ရပ်တန့်သွားတယ်လို့ ဆိုပါတယ်။ နဂိုရှိရင်းစွဲ လိင်တံဆိုဒ်ထက် ပိုကြီးပိုကိတ်အောင် ဘယ်လိုနည်းလမ်းကမှ မလုပ်ပေးနိုင်ပါဘူး။ ဒါပေမယ့် ကွီးတို့ရဲ့ လက်ရှိ ဖွားဖက်တော် ဆိုဒ်ကိုပဲ အနည်းငယ် ပိုကိတ်လာတယ်လို့ ထင်ရစေမယ့် နည်းလမ်းတွေတော့ ရှိပါတယ်။ စိတ်ဝင်စားရင် ဆက်လေ့လာ ကြည့်လိုက်ပါဦး။
(၁) အမွှေးအမျှင်တွေ ရိတ်ပါ
Photo : MensXP
လိင်အင်္ဂါ အမွှေးအမျှင်တွေဟာ ဖွားဖက်တော်ကို ဖုံးကွယ်နေတဲ့အခါ ရှိရင်းစွဲ အရွယ်အစားအတိုင်း မပေါ်တော့ပါဘူး။ အမွှေးအမျှင်တွေကို ဖယ်ရှားရှင်းလင်း လိုက်မယ်ဆိုရင်တော့ လိင်တံရဲ့ အရွယ်အစားဟာ ပိုပြီး သိသိသာသာ ပေါ်လွင်လာမှာ ဖြစ်ပြီး မြင်နေကျ ဆိုဒ်ထက်ကို ပိုကြီးလာတယ်လို့ ထင်ရစေနိုင်ပါတယ်။
(၂) ကိုယ်အလေးချိန် လျှော့ချပါ
Photo : MensXP
အကယ်၍ ကွီးတို့က အဝလွန်နေတယ် ၊ ရှိသင့်ရှိထိုက်တဲ့ ကျန်းမာတဲ့ ကိုယ်အလေးချိန်ထက် ပိုများနေတယ်ဆို ဝိတ်ချဖို့ အကြံပေးချင်ပါတယ်။ ခန္ဓာကိုယ်က လိုတာထက် ဝိတ်ပိုများနေပြီး အထူးသဖြင့် ဝမ်းဗိုက်အောက်ပိုင်းနဲ့ ပေါင်ခြံတဝိုက်မှာ အဆီပိုတွေ ရှိနေရင် ကွီးတို့ရဲ့ ဖွားဖက်တော် အရွယ်အစားကို ပိုသေးသွားသယောင် ထင်ရစေပါတယ်။ ဒါကြောင့် နဂိုရှိရင်းစွဲဆိုဒ်ကို ပြန်မြင်ရဖို့ ကိုယ်အလေးချိန် လျှော့ချတဲ့နည်းလမ်းက အသုံးဝင်ပါတယ်။
(၃) စိတ်ဖိစီးမှု နည်းအောင်နေပါ
Photo : MensXP
စိတ်ဖိစီးမှုဟာ ဘာအတွက်မှ မကောင်းပါဘူး။ သေချာတာကတော့ စိတ်ဖိစီးမှုများရင် ရုပ်ပိုင်းဆိုင်ရာ / စိတ်ပိုင်းဆိုင်ရာ ကျန်းမာရေးကို ထိခိုက်လာစေနိုင်တဲ့အပြင် အမျိုးသားတွေရဲ့ လိင်မှုစွမ်းဆောင်ရည်နဲ့ လိင်စိတ်တက်ကြွမှုကို ကျဆင်းစေတက်ပါတယ်။ စိတ်ဖိစီးမှုကြောင့် လိင်တံဆီ သွေးကောင်းကောင်း မစီးဆင်းနိုင်တဲ့အခါ ထောင်မတ်မှု လျှော့ကျပြီး ရှိရင်းစွဲ ဖွားဖက်တော် ဆိုဒ်ထက် ပိုသေးတယ်လို့ ထင်ရနိုင်ပါတယ်။ ဒါကြောင့် ကျန်းမာတဲ့ လိင်မှုဘဝနဲ့ လိင်တံပြည့်ပြည့်ဝဝ ထောင်မတ်မှုရစေဖို့ နေ့စဉ်ဘဝထဲက စိတ်ဖိစီးမှုတွေကို တက်နိုင်သမျှ လျှော့ချပါ။
(၄) လိင်တံကို နှိပ်နယ်ပေးပါ
Photo : MensXP
လိင်တံကို ပုံမှန်နှိပ်နယ်ပေးတာဟာ ထောင်မတ်မှုကို အားကောင်းစေပြီး လိင်တံရဲ့ ရှိရင်းစွဲဆိုဒ်အတိုင်း ပြည့်ပြည့်ဝဝ ပေါ်လွင်စေပါတယ်။ တစ်နေ့ကို ၁ – ၂ ကြိမ်ခန့် ၊ တစ်ကြိမ်လျှင် ၁၀ – ၁၅ မိနစ်လောက် အချိန်ပေးပြီး လိင်တံကို အရင်းမှအဖျားသို့ ဆွဲဆန့်နှိပ်နယ်တဲ့ နည်းကိုသုံးရမှာ ဖြစ်ပါတယ်။ ကြမ်းကြမ်းတမ်းတမ်း သို့မဟုတ် ဖိအားပြင်းပြင်းသုံးဖို့ မလိုပါဘူး။ ဓာတုပစ္စည်းနဲ့ အမွှေးရနံ့တွေ မပါဝင်တဲ့ သဘာဝသံလွင်ဆီ သို့မဟုတ် မုန့်ညှင်းဆီကို လိင်တံမှာ လိမ်းကျံပြီး ညင်သာစွာ နှိပ်နယ်ပေးရမှာ ဖြစ်ပါတယ်။
Source : MensXP
Featured Photo : New York Post
