မန်ချက်စတာစီးတီးနည်းပြ ပက်ဂွါဒီယိုလာကတော့ ဗုဒ္ဓဟူးနေ့မှာ ဘန်လေနဲ့ ကစားသွားမယ့် ပရီးမီးယားလိဂ်အိမ်ကွင်းပွဲစဉ်အတွင်း တိုက်စစ်မှူး ဟာလန်း တစ်ယောက် ပြန်လည်ကစားခွင့်ရရှိမှာဖြစ်တယ်လို့ အတည်ပြု ပြောကြားလိုက်ပါတယ်။
Photo : The Independent
နည်းပြ ပက်ဂွါဒီယိုလာဟာ ဟာလန်းအနေနဲ့ ဒဏ်ရာအခြေအနေ ပြန်လည်သက်သာလာပြီး ယခုတစ်ပတ်ထဲမှာ ဘောလုံးပြန်ကစားနိုင်ဖို့ မျှော်လင့်ကြောင်း စပါးနဲ့ ကစားခဲ့တဲ့ အက်ဖ်အေဖလား စတုတ္ထအဆင့်ပွဲစဉ် မတိုင်မီကတည်းက ပြောကြားခဲ့တာပါ။
ဟာလန်းဟာ ပြီးခဲ့တဲ့ ဒီဇင်ဘာ ၆ ရက်နေ့က အက်စတွန်ဗီလာကို ၁ – ၀ ဂိုးနဲ့ ရှုံးနိမ့်ခဲ့တဲ့ ပွဲစဉ်အတွင်းမှာ ခြေထောက်ဒဏ်ရာရရှိခဲ့တာ ဖြစ်ပြီး မန်စီးတီးအသင်း နောက်ဆုံးကစားခဲ့တဲ့ ပြိုင်ပွဲစုံ ပွဲစဉ် ၁၀ ပွဲလုံးကို လွဲချော်ခဲ့ပါတယ်။
” ဟာလန်း က ကျွန်တော်တို့အတွက် အရေးကြီးတဲ့ ကစားသမားတစ်ယောက်ဆိုတာ သေချာပါတယ်။ နှစ်လလောက် နားလိုက်ရပေမယ့် သူအခု ပြန်သက်သာနေပါပြီ။ ဒီနေ့ နေ့လည်မှာ အသင်းနဲ့လေ့ကျင့်ရေး ပြန်ဆင်းထားပြီး နက်ဖြန်မှာတော့ ကျွန်တော်တို့ အားလုံးနဲ့ သူ အတူတူရှိနေမှာပါ” လို့ ဂွါဒီယိုလာက ပြောကြားခဲ့ပါတယ်။
ဖေဖော်ဝါရီလထဲမှာ ပရီးမီးယားလိဂ် ၊ ချန်ပီယံလိဂ်နဲ့ အက်ဖ်အေဖလား ပွဲစဉ် ၇ ပွဲကစားရမယ့် ပွဲကြပ်ကာလအတွင်း ဟာလန်း ပြန်လာနိုင်တာဟာ မန်စီးတီးအသင်းအတွက်တော့ အတော်လေး အထောက်အကူ ဖြစ်စေမှာ သေချာပါတယ်။ အသက် ၂၃ နှစ်အရွယ် တိုက်စစ်မှူး ဟာလန်းဟာ ဒီရာသီမှာ မန်စီးတီးအသင်းအတွက် ပြိုင်ပွဲစုံ ၂၂ ပွဲကစားထားပြီး သွင်း ၁၉ ဂိုး သွင်းယူပေးထားကာ ဒဏ်ရာမရရှိခင် ပရီးမီးယားလိဂ် ၁၅ ပွဲလုံးကို ပွဲထွက် ကစားခွင့်ရခဲ့ပါတယ်။
Photo : Evening Standard
မန်စီးတီးဟာ လက်ရှိ ပရီးမီးယားလိဂ် အမှတ်ပေးဇယားရဲ့ ဒုတိယနေရာမှာ ရပ်တည်နေပြီး အမှတ်ပေးဇယားထိပ်ဆုံးက လီဗာပူးလ်အသင်းရဲ့နောက် ၅ မှတ်အကွာ တစ်ပွဲလျော့ ကစားထားပါတယ်။
Featured Photo : The Athletic
