မိုက်ကယ် အိုဝင် ရဲ့ သမီးဖြစ်သူ ဂန်မာ အိုဝင် ဟာ ဖခင်ဖြစ်သူရဲ့ ပိုက်ဆံတွေကို သုံးဖြုန်းနေတယ်လို့ စွပ်စွဲပြောဆိုခြင်းခံခဲ့ရပြီးနောက် ကိုယ်ပိုင်လုပ်ငန်းကို မိတ်ဆက်လိုက်ပြီး ဝေဖန်သူတွေကို ပြန်လည် တုံ့ပြန်ခဲ့ပါတယ်။
Photo: The Sun
GB အသင်းအတွက် အောင်မြင်တဲ့ ဝတ်စုံ ချန်ပီယံဖြစ်တဲ့ ဂန်မာ အိုဝင် ဟာ ပြီးခဲ့တဲ့အပတ်က ကိုယ်ပိုင် စီးပွားရေးလုပ်ငန်းသစ်တစ်ခုကို စွန့်စွန့်စားစား တည်ထောင်ခဲ့ပြီး သူမရဲ့ OG ကမ်းခြေဝတ် ဝတ်စုံ collection တွေကို မိတ်ဆက်ခဲ့ပါတယ်။ အသက် ၁၈ နှစ်အရွယ်ရှိပြီဖြစ်တဲ့ ဂန်မာ အိုဝင်ဟာ စီးပွားရေးလောကထဲမှာ အလုပ်လုပ်နေတာက ဖခင်ဖြစ်သူဆီကနေ ပိုက်ဆံလိုသလို တောင်းသုံးလို့ ရနေကြောင့်ဆိုတဲ့ အဓိပ္ပာယ်မဟုတ်ဘူးလို့ ပြောကြားခဲ့ပြီး ပိုက်ဆံလိုတိုင်း တောင်းသုံးလို့ တစ်ခါမှ မရခဲ့ဖူးဘူးလို့ ဖွင့်ဟပြောဆိုသွားခဲ့တာ ဖြစ်ပါတယ်။
အသက် ၁၈ နှစ်အရွယ်ရှိပြီဖြစ်တဲ့ ဂန်မာ ဟာ ဖခင်ဖြစ်သူ အိုဝင် က သူမရဲ့ စီးပွားရေးလုပ်ငန်းကို ငွေကြေး ထောက်ပံ့ပေးနေတယ်ဆိုတဲ့ စွပ်စွဲချက်တွေနဲ့အတူ အပျက်သဘောဆောင်တဲ့ မှတ်ချက်တွေနဲ့ ရိုင်းပျတဲ့ မက်ဆေ့ချ်တွေကြောင့် ခံစားခဲ့ရတယ်လို့ ထုတ်ဖော် ပြောကြားခဲ့ပါတယ်။ “ကျွန်မ အပျက်သဘောဆန်တဲ့ မှတ်ချက်တွေနဲ့ ရိုင်းပျတဲ့ မက်ဆေ့ချ်တွေ ရရှိခဲ့ပါတယ်။ ကျွန်မ ဝတ်စုံ ကောင်းကောင်း လုပ်နိုင်ရင် ‘မင်းအဖေက မင်းကို စျေးကြီးတဲ့ မြင်းကြီးဝယ်ထားပေးလို့သာ မင်း ကောင်းကောင်း လုပ်နိုင်နေတာပါ “ဆိုတဲ့ မှတ်ချက်မျိုး ရတယ်။ ပြီးတော့ ကိုယ်ပိုင်လုပ်ငန်းတည်ထောင်ဖို့ ကြိုးပမ်းတဲ့အခါကျတော့လည်း ‘မင်း အဖေရဲ့ ပိုက်ဆံတွေကို သုံးနေတာလား’ဆိုတဲ့ မှတ်ချက်မျိုး ရပြန်တယ်”
Photo: Sportmob
“အဲဒီမှတ်ချက်တွေက အဆက်အပြတ်ဖြစ်လာပေမယ့် ကျွန်မရဲ့ စီးပွားရေးနဲ့ ပတ်သက်ပြီး လူတွေကို ရှင်းရှင်းလင်းလင်း သိစေချင်တာက ပိုက်ဆံက လိုသလို တောင်းသုံးလို့ ရနေခဲ့တာ မဟုတ်ပါဘူး။ ကျွန်မ မွေးနေ့အတွက်တော့ ပိုက်ဆံအချို့ ရခဲ့ပြီး အဲဒါက ကျွန်မရဲ့ ဘတ်ဂျက်ပါ။ အဲဒီပိုက်ဆံတွေက လျင်လျင်မြန်မြန်ပဲ ကုန်သွားခဲ့ပြီး ကျွန်မရဲ့ အမှတ်တံဆိပ်နဲ့ ပတ်သက်ပြီး လုပ်ချင်တာတွေ နောက်ထပ်အများကြီးရှိနေသေးပေမယ့် အခုဆိုရင် ပိုက်ဆံတွေ ပြန်ဝင်လာမယ့်အချိန်အထိ ကျွန်မ ထိုင်စောင့်ရတော့မှာပါ”
“ကျွန်မက အရမ်းကို ကံကောင်းပေမယ့် ကျွန်မအဖေက တကယ်တော့ အရမ်း လက်ပေါက်ကပ်တဲ့ သူမျိုးမဟုတ်ဘူးလို့ ပြောရပါလိမ့်မယ်။ ဒါပေမယ့် သူက နည်းနည်းတော့ ပြတ်တယ်။ သူက ဒါ သမီးရဲ့ ဘတ်ဂျက်ပဲ။ ဒီစီးပွားရေးအတွက် အဖေ ပိုက်ဆံထုတ်ပေးမှာ မဟုတ်ဘူးလို့ ပြောခဲ့ပါတယ်”လို့ ဂန်မာက ရေးသားခဲ့ပါတယ်။ ဂန်မာ အိုဝင်ဟာ မိုက်ကယ် အိုဝင်ရဲ့ ငယ်ချစ်ဦး ဇနီးဖြစ်သူ လူးဝိစ်နဲ့ ရရှိခဲ့တဲ့ ကလေး ၄ ယောက်ထဲက အကြီးဆုံး သမီးဖြစ်ပါတယ်။
Featured Photo: Chesterstandard
