vivo ကတော့ အထာကျတဲ့ ဘောင်ပြားဒီဇိုင်းနဲ့ V40 Lite စမတ်ဖုန်း အသစ်ကို မကြာမီရက်ပိုင်းအတွင်း အင်ဒိုနီးရှားနိုင်ငံမှာ မိတ်ဆက်သွားတော့မယ်လို့ သိရပါတယ်။ V40 Lite မှာ ပါဝင်လာတဲ့ အဓိက Features တွေကို ကုမ္ပဏီရဲ့ဝဘ်ဆိုဒ်မှာ တင်ထားပြီး ဖြစ်ပြီး လာမယ့်စက်တင်ဘာ ၂၅ ရက် ဗုဒ္ဓဟူးနေ့မှာတော့ တရားဝင်ကြေညာသွားမှာ ဖြစ်ပါတယ်။
Photo : GSMArena.com
V40 Lite စမတ်ဖုန်းကို သေသပ်လှပတဲ့ Flat Frame ဒီဇိုင်းနဲ့ ထုတ်ထားပြီး 120 Hz Refresh Rate ထောက်ပံ့ပေးထားတဲ့ AMOLED မျက်နှာပြင်နဲ့ လာပါတယ်။ ကျောဘက်မှာ 50 MP Main ကင်မရာနဲ့အတူ 8 MP Ultra-Wide ကင်မရာ ၂ လုံး တွဲဖက် တပ်ဆင်ထားပြီး အရှေ့ဘက်မှာတော့ Punch Hole အတွင်း 32 MP ဆယ်လ်ဖီ ကင်မရာကို ထည့်သွင်းပေးထားပါတယ်။
V40 Lite မှာ အမိုက်စား ဓာတ်ပုံ Editing Features တွေ ပါဝင်လာပြီး AI နဲ့ Background Object တွေ ဖျောက်တာ ၊ Document Scanning နဲ့ Focus Enhancement လို ရေလည်မိုက်တဲ့ လုပ်ဆောင်ချက်တွေ အသုံးပြုနိုင်မှာ ဖြစ်ပါတယ်။
ကုမ္ပဏီဘက်ကနေ Battery Health နဲ့ပတ်သတ်ပြီး ၄ နှစ်အာမခံ ပေးထားပြီး 1,600 Charging Cycles နောက်ပိုင်းမှာ 80% အထိ ဘက်ထရီ Capacity ကို ထိန်းသိမ်းထားနိုင်မယ်လို့ ကြေညာထားပါတယ်။ ဘက်ထရီကတော့ 80W FlashCharge ထောက်ပံ့ပေးထားတဲ့ 5,000 mAh ဘက်ထရီကို တပ်ဆင်ပေးထားပြီး ဘက်ထရီ ရာခိုင်နှုန်း 0 to 45 % ကို မိနစ်အတွင်း အားသွင်းနိုင်မှာ ဖြစ်ပါတယ်။
Photo : The Tech Outlook
ဖုန်းရဲ့ ကိုယ်ထည်ကတော့ ၈ မီလီမီတာအောက် ပါးလွှာသလို အလေးချိန်ကလည်း ၁၉၀ ဂရမ်သာ ရှိပါတယ်။ ပြောရရင် လုံးဝ ပါးပါးကျစ်ကျစ် ၊ ပေါ့ပေါ့ပါးပါးနဲ့ လက်ထဲမှာ ကိုင်ထားရတဲ့ Hand On ဖီလင်က တော်တော်လေး မိုက်နေမှာပါ။
RAM / Storage ပိုင်းမှာတော့ 8 GB RAM နဲ့ 128 GB Storage ပါရှိပြီး 5G ချိတ်ဆက်မှုလည်း ရမှာ ဖြစ်ပါတယ်။ ဖုန်းရဲ့ကာလာတွေကတော့ နေရောင်အောက်မှာ အစိမ်းဘက်ကို ပြောင်းသွားမယ့် Titanium Silver တစ်ရောင် ၊ နေထိတာနဲ့ ခရမ်းနက်ရောင် အရောင်ပြေးတွေ ပေါ်လာမယ့် Pearl Violet နဲ့ Carbon Black ၂ ရောင် စုစုပေါင်း အရောင် ၃ မျိုး ရွေးချယ်နိုင်မှာ ဖြစ်ပါတယ်။ vivo V40 Lite ရဲ့ ဈေးနှုန်းနဲ့ အသေးစိတ် အချက်အလက်တွေကိုတော့ မကြာမီ ရက်ပိုင်းအတွင်း သိရမှာပဲ ဖြစ်ပါတယ်။
Source : GSMArena.com
Featured Photo : GSMArena.com
