ချစ်တင်းနှောဖို့ အကောင်းဆုံး အချိန်က မနက်ခင်း လား ? ညခင်းလား ? တကယ်တော့ ချစ်တင်းနှောဖို့အတွက် အကောင်းဆုံး အချိန်ရယ်လို့ သီးခြား သတ်မှတ်ထားတာ မရှိပါဘူး။ လူတစ်ဦးတစ်ယောက်စီရဲ့ အကြိုက်ပေါ်ပဲ မူတည်ပါတယ်။ ဒါပေမယ့် မနက်ခင်းမှာ ချစ်တင်းနှော မယ်ဆိုရင်တော့ အခုပြောပြမယ့် ကောင်းကျိုးတွေ ကွီးတို့ ရနိုင်မှာ ဖြစ်ပါတယ်။
(၁) စိတ်ဖိစီးမှု နည်းသွားစေတယ်
Photo : Everyday Health
မနက်ခင်းမှာ ချစ်တင်းနှော ခြင်းဟာ စိတ်ဖိစီးမှုနဲ့ စိုးရိမ်ပူပန်မှုတွေကို အတက်နိုင်ဆုံး လျော့ပါးသက်သာ စေနိုင်တဲ့ အကောင်းဆုံး သဘာဝ နည်းလမ်းတစ်ခု ဖြစ်ပါတယ်။ အော်ဂဇင်ရရှိခြင်းကြောင့် စိတ်ကြည်လင်လန်းဆန်းမှုကို ဖြစ်ပေါ်စေပြီး တစ်နေ့တာ ရင်ဆိုင်ရမယ့် ဖိအားတွေ ၊ စိတ်ဖိစီးမှုတွေကို အကောင်းဆုံး ကိုင်တွယ်ဖြေရှင်းနိုင်မှာ ဖြစ်သလို အကောင်းမြင်စိတ်ကိုလည်း တိုးပွားစေဖို့ ကူညီပေးနိုင်ပါတယ်။
(၂) ရုပ်ပိုင်းဆိုင်ရာ ကြံ့ခိုင်မှု တိုးစေတယ်
Photo : Christie Cobb, M.D.
ချစ်တင်းနှော တာဟာ ကိုယ်လက်လှုပ်ရှား လေ့ကျင့်ခန်း တစ်ခုပါပဲ။ မနက်ခင်းမှာ လေ့ကျင့်ခန်း ပြုလုပ် သကဲ့သို့ ကျန်းမာရေး အကျိုးကျေးဇူးတွေ ရနိုင်ပါတယ်။ ခန္ဓာကိုယ်မှာရှိတဲ့ ကယ်လိုရီတွေကို အများကြီး လောင်ကျွမ်းစေနိုင်သလို ကြံ့ခိုင်မှုကိုလည်း တိုးစေပြီး ကျစ်လစ်သန်မာတဲ့ ဘော်ဒီကို ရရှိစေနိုင်မှာပဲ ဖြစ်ပါတယ်။
(၃) ကိုယ်ခံအား ကောင်းစေတယ်
Photo : South China Morning Post
မနက်ခင်း ချစ်တင်းနှော တဲ့အခါ ခန္ဓာကိုယ် ကနေ Immunoglobulin လို့ခေါ်တဲ့ ကိုယ်ခံအားစနစ်အတွက် အထောက်အပံ့ပေးတဲ့ ဓာတ်တစ်မျိုး ထုတ်လွှတ်ပေးပါတယ်။ Immunoglobulin ဟာ ဖျားနာခြင်းကို ဖြစ်စေတဲ့ ဗိုင်းရပ်ပိုးတွေကို ခုခံတိုက်ထုတ်ပေးပြီး ကိုယ်ခံအားစနစ် ကောင်းမွန်နေစေဖို့ ကူညီပေးပါတယ်။
(၄) ကျေနပ်စရာ လိင်မှုဘဝကို ပိုင်ဆိုင်နိုင်စေတယ်
Photo : Charleston Christian Counseling
မနက်ခင်းမှာ အမျိုးသားတွေရဲ့ တက်စတိုစတီရုန်း ပမဏဟာ အမြင့်ဆုံး ရောက်ရှိနေတဲ့အတွက် ကောင်းမွန်တဲ့ လိင်မှုစွမ်းဆောင်ရည်ကို ပြသနိုင်စေမှာ ဖြစ်ပါတယ်။ ဒါကြောင့် မနက်ခင်း ချစ်တင်းနှောတဲ့အခါမှာ သင်ရော သင့်ပါတနာပါ ကျေနပ်စရာကောင်းတဲ့ လိင်မှုဘဝအတွေ့အကြုံကို ရရှိစေမှာ ဖြစ်ပြီး သာယာပျော်ရွှင်တဲ့ အိမ်ထောင်ရေး သုခကို ခံစားနိုင်မှာ ဖြစ်ပါတယ်။
Source : My Fit Brain
Featured Photo : Lifeandtrendz
