ကိုယ့်ထက် အသက်ကြီးတဲ့ မမတွေကိုမှ ကြိုက်တဲ့ ကွီးတို့ ရှိလား ? မမတွေကို တည်ငြိမ်ရင့်ကျက်တဲ့ နှလုံးသားပိုင်ရှင်တွေ ဖြစ်နေပြီမလို့ ငယ်ရွယ်သူတွေထက်စာရင် မမတွေရဲ့ အချစ်ကို ရနိုင်ဖို့က ပိုပြီး စိန်ခေါ်မှု များနိုင်ပါတယ်။ ဒါပေမယ့် မပူပါနဲ့။ ဒီဆောင်းပါးမှာတော့ မမ တွေနဲ့ ဒိတ်တော့မယ်ဆိုရင် အစစအရာရာ အိုကေမှာ စိုပြေစေဖို့ Tips လေးတွေ ပြောပြပေးပါမယ်။
(၁) Authentic ဖြစ်ရမယ်
Photo : The Modest Man
ကိုယ့်ရဲ့ ပုံစံအစစ် Authentic ဖြစ်ဖြစ် နေထိုင်ပြုမူတတ်သူတွေကို မမ တွေက ပိုပြီး သဘောကျ ကြပါတယ်။ မမတွေဆိုတာ ဖြတ်သန်းခဲ့တဲ့ ဘဝအတွေ့ အကြုံတွေ ၊ လူတွေအကြောင်း ကောင်းကောင်း နားလည်နေတတ်သူတွေဖြစ်လို့ ဘယ်သူက အတုအယောင်လဲ ၊ ဘယ်သူက အစစ်အမှန်လဲဆိုတာ ခွဲခြားသိမြင်နိုင်ကြပါတယ်။ ဒါကြောင့် စစ်မှန်တဲ့ ကိုယ့်ရဲ့ပုံစံအတိုင်းပဲ မမတွေအရှေ့မှာ ပြုမူနေထိုင်လိုက်ပါ။ ကွီးတို့အပေါ် သဘောကျစရာ ဖြစ်စေပါလိမ့်မယ်။
(၂) ကိုယ့်ကိုယ်ကိုယ် ယုံကြည်မှု အပြည့်ရှိရမယ်
Photo : VICE
ကိုယ့်ကိုယ်ကိုယ် ယုံကြည်မှုရှိခြင်းက ဆွဲဆောင်မှုတစ်ခုပဲ မဟုတ်ပါလား ? အသက်ငယ်သူဖြစ်စေ ၊ အသက်ကြီးသူဖြစ်စေ ကိုယ့်ကိုယ်ကိုယ် ယုံကြည်မှုအပြည့်နဲ့ နေထိုင်ပြောဆိုတတ်သူ တစ်ယောက်ဟာ တခြားလူတွေရဲ့ အမြင်မှာ ဆွဲဆောင်မှု ရှိနေစေတာ ငြင်းလို့မရတဲ့ အချက်တစ်ခုပါ။ ဒါပေမယ့် အိုဗာ ကွန်ဖီးဒန့် မဖြစ်စေဖို့တော့ ဂရုစိုက်ရပါမယ်။
(၃) စည်းဘောင်တွေကို လေးစားပေးရမယ်
Photo : The Modest Man
မမတွေက ပွင့်လင်းချင် ပွင့်လင်းမယ် ၊ လွတ်လပ်စွာပဲ နေထိုင်ရင် နေထိုင်မယ် သို့သော် Boundary တွေတော့ သတ်မှတ်ထားတတ် ကြတယ်ဆိုတာ သိထားရပါမယ်။ မမ တွေနဲ့ ပြောဆိုဆက်ဆံ ပေါင်းသင်းတဲ့အခါမှာ သူတို့ရဲ့ သတ်မှတ်ထားတဲ့ Boundary တွေကို သိအောင်လေ့လာသင့်ပြီး Boundary တွေကိုလည်း Respect ပေးဖို့ လိုပါမယ်။ စည်းဘောင်တွေကျော်ပြီး ပြောဆိုမိမယ်ဆိုရင်တော့ ကွီးတို့ Blacklist စာရင်းထဲ ပါသွားပါလိမ့်မယ်။
(၄) ကွဲလွဲမှုတွေကို နားလည်ပေးနိုင်ရမယ်
Photo : Boss Hunting
အသက်အရွယ် ကွာဟတဲ့ ဆက်ဆံရေးတစ်ခုမှာ ကွဲလွဲတဲ့ အမြင် ၊ အတွေးအခေါ် အယူအဆတွေ ရှိတတ်ကြစမြဲပါပဲ။ ကွဲလွဲမှုတွေက ပြဿနာ မဟုတ်ပါဘူး။ လူတိုင်းလူတိုင်း ကိုယ်စီကိုယ့်အတွေးအမြင် ၊ ကိုယ့်အယူအဆတွေကို လက်ကိုင်ထားခွင့် ရှိပါတယ်။ ဒါပေမယ့် ကိုယ့်အမြင်ကိုယ့်အတွေးနဲ့ မတူညီတာနဲ့ပဲ မှားတယ်မှန်တယ် ဝေဖန်သုံးလို့ မရပါဘူး။ ကွဲလွဲမှုတွေကို နားလည်လက်ခံနိုင်ခြင်းဟာ ဟန်ချက်ညီတဲ့ ဆက်ဆံရေးတစ်ခုကို တည်ဆောက်ရာမှာ အရေးပါတဲ့ သော့ချက်တစ်ခု ဖြစ်ပါတယ်။
Source : Men’s Health
Featured Photo : Boss Hunting
