ဆိုရှယ်မီဒီယာပေါ်မှာ မာကြီးရှည် ဆေးနည်းပေါင်း သောင်းခြောက်ထောင် ကြော်ငြာတွေကို ကွီးတို့ မကြာခဏ တွေ့ဖူးကြမှာပါ။ အရွယ်ရောက်ပြီးသား အမျိုးသားတစ်ယောက်ရဲ့ လိင်တံအရွယ်အစားဟာ အသက် ၂၀ နောက်ပိုင်း ဆက်လက်ဖွံ့ဖြိုးကြီးထွားခြင်း မရှိတော့ဘူးလို့ ယေဘုယျအားဖြင့် ပြောလို့ ရပါတယ်။ ဆိုတော့ ကြော်ငြာတွေမှာ မြင်ရတဲ့ လိမ်းဆေး ၊ သောက်ဆေး ၊ ထိုးဆေး စတဲ့ နည်းလမ်းပေါင်းများစွာက တကယ်ရော အလုပ်ဖြစ်နိုင်လား ?
Photo : Cheap Medicine Shop
အဖြေကတော့ နိုးပါ။ မာကြီးရှည် ဆေးနည်းတွေက အမျိုးသားတို့ရဲ့ လိင်တံကို ယာယီထောင်မတ်စေရုံကလွဲရင် သိသိသာသာ အရွယ်အစား ကြီးထွားလာစေနိုင်တဲ့ သက်ရောက်မှု မရှိနိုင်ပါဘူး။ ဒါကို ဆေးဘက်ဆိုင်ရာ ပညာရှင်တွေ ကိုယ်တိုင် လေ့လာဆန်းစစ်မှုတွေနဲ့ အတည်ပြု ပြောကြားပေးထားတာ ဖြစ်ပါတယ်။ နောက်တစ်ချက်က လိင်တံအရွယ်အစားကို ပြောင်းလဲစေနိုင်တဲ့ ဆေးဖက်ဝင် သစ်ဥသစ်ဖုတွေ ၊ ဆေးမြစ်တွေကလည်း တော်တော်လေး အမျိုးသားတွေကြားမှာ ရေပန်းစားပါတယ်။ ဒါပေမယ်လည်း ဘယ် ဆေးဖက်ဝင်အပင် ၊ ဘယ်သစ်ဥသစ်ဖု ဆေးမြစ်တွေကမှ အမျိုးသားတို့ရဲ့ လိင်တံအရွယ်အစားကို သိသိသာသာ ကြီးထွားပြောင်းလဲစေနိုင်တယ်ဆိုတဲ့ သက်သေအထောက်အထား မရှိပါဘူး။
အကယ်၍ ရှိသင့်ရှိထိုက်တဲ့ လိင်တံအရွယ်အစား ထက်ပိုပြီး သေးငယ်နေတဲ့ Micropenis လို့ခေါ်တဲ့ အရွယ်အစား သေးလွန်းတဲ့ လိင်တံ ရှိသူတွေအနေနဲ့တော့ လိင်တံရဲ့ လုံးပတ်/အရှည် အရွယ်အစားကို သိသိသာသာ ကြီးထွားလာစေဖို့ ခွဲစိတ်ကုသခြင်း နည်းလမ်းတစ်ခုတည်းကိုပဲ ရွေးချယ်နိုင်ပါတယ်။ ဆေးပညာအရ Penis Enlargement Surgery လို့ခေါ်ပြီး နားလည်လွယ်အောင် ပြောရရင် လိင်တံနဲ့ ဆီးခုံအရိုးကြား ဆက်ထားတဲ့ အရွတ်ကို ဖြတ်ထုတ်လိုက်ခြင်းဖြင့် လိင်တံရဲ့ အရှည်ကို နဂိုရှိရင်းစွဲထက် ပိုပြီး ရှည်ထွက်လာစေတာ ဖြစ်ပါတယ်။
Photo : Vitality Aesthetic & Regenerative Medicine
ဒီခွဲစိတ်ကုသနည်းဟာ ကြီးဆေးထိုးတာ ၊ ဆေးလိမ်းဆေးသောက် တာတွေထက်ပိုပြီး ထိရောက်မှု ရှိပါတယ်။ လွန်ခဲ့တဲ့ နှစ်အနည်းငယ်အတွင်းမှာ သုတေသနအသစ်တွေနဲ့ အမျိုးသားတွေရဲ့ လိင်တံကို ဆန့်ထုတ်ခြင်းနည်းနဲ့ အရှည်/လုံးပတ် အရွယ်အစားကို ကြီးထွားလာစေနိုင်တဲ့ ကိရိယာတွေလည်း ဖန်တီးလာခဲ့ ကြပါတယ်။ သေချာတာ တစ်ခုကတော့ လိင်တံ ဆန့်ထုတ်တဲ့ ကိရိယာတွေ သို့မဟုတ် ခွဲစိတ်မှုကုသမှုနည်းလမ်းတွေကို မပြုလုပ်မီမှာ နားလည်တက်ကျွမ်းတဲ့ ဆရာဝန်နဲ့ သေချာလေး တိုင်ပင်ဆွေးနွေးဖို့ လိုအပ်ပြီး ပညာရှင်တွေရဲ့ လမ်းညွှန်ချက်ကို သေချာလေး လိုက်နာဆောင်ရွက်ဖို့ လိုပါတယ်။
လိင်မှုကိစ္စမှာ အရွယ်အစားထက် ဆက်ဆံဖော် ပါတနာနဲ့ ဆက်သွယ်ပြောဆိုမှု ၊ ရင်းနှီးမှု ၊ အပေးအယူ မျှတမှုတွေကို ပိုအလေးထား ဆောင်ရွက်သင့်ပြီး သဘာဝအရွယ်အစားနဲ့ပဲ ပိုမိုသက်တောင့်သက်သာရှိတဲ့ ခံစားချက် ၊ သာယာပျော်ရွှင်ရတဲ့ လိင်မှုဘဝတစ်ခုကို တည်ဆောက်နိုင်တယ် ဆိုတာလည်း ကွီးတို့ အမြဲသတိရသင့်ပါတယ်။
Source : Men’s Health
Featured Photo : Men’s Health
