ကွီးတို့ရဲ့ ကန်သတ်ဧရိယာ တဝိုက်က မနေနိုင်အောင် ယားယံနေပြီလား ? အခုလို ချွေးထွက်များတဲ့ နွေရာသီမှာဆို ဒီလိုပြဿနာဟာ ပိုအဖြစ်များပါတယ်။ ဖွားဖက်တော်နဲ့ ပေါင်ခြံနေရာတဝိုက်ဟာ ချွေးအောင်းလွယ်ပြီး ဘတ်တီးရီးယားပိုးမွှားတွေ ပေါက်ဖွားလို့ ကောင်းတာကြောင့် ယားယံခြင်းကို ဖြစ်ပေါ်စေတက်ပါတယ်။ ဒီတစ်ခေါက်တော့ ကွီးတို့ရဲ့ ဟိုကြားဒီကြား ဖွားဖက်တော် ဧရိယာတဝိုက်မှာ ယားယံမှုကို ဖြစ်စေတဲ့ နောက်ကွယ်က အကြောင်းအရင်းတွေကို ပြောပြပေးပါမယ်။
(၁) ရေချိုးပျင်းလို့
Photo : BBC
နေ့စဉ် တစ်ကိုယ်ရည် သန့်ရှင်းရေးကို ကောင်းကောင်းမလုပ်ရင် ယားယံခြင်းတွေဖြစ်မှာ အသေအချာပါပဲ။ ဖွားဖက်တော် အနီးတဝိုက်က ဟိုကြားဒီကြား နေရာတွေဟာ ချွေးထွက်များပြီး ပူနွေးစိုစွတ်နေလေ့ ရှိပါတယ်။ ဒီအခြေအနေဟာ ဘက်တီးရီးယားတွေ ပေါက်ဖွားလို့ အကောင်းဆုံး ဖြစ်ပါတယ်။ ဒါကြောင့် တစ်ရက်ကို အနည်းဆုံး ၂ ကြိမ်တော့ ရေသေချာချိုးဖို့ လိုပြီး ချွေးအောင်းနိုင်တဲ့ နေရာတွေနဲ့ ကန့်သတ်ဧရိယာ တဝိုက်ကို ဂရုစိုက် ဆေးကြောသန့်စင်ပေးရမှာ ဖြစ်ပါတယ်။
(၂) တင်းကြပ်တဲ့ အတွင်းခံ / ဘောင်းဘီတွေကို ဝတ်လို့
Photo : Turq
Skinny Jeans လို့ ခပ်ကြပ်ကြပ် Bottom Wear တွေ ၊ ကြပ်ထုပ်လွန်းတဲ့ အတွင်းခံ ဘောင်းဘီတွေကို အခုလို နွေရာသီမှာ ရှောင်တာအကောင်းဆုံးပါပဲ။ ကြပ်လွန်းတဲ့ ဘောင်းဘီတွေကို ဝတ်တာဟာ ဖွားဖက်တော် ဧရိယာတဝိုက်မှာ ချွေးစေးတွေ ထွက်စေပြီး ယားယံခြင်းတွေကို ခံစားရစေနိုင်ပါတယ်။ အဲ့ဒီအစား လေဝင်လေထွက်ကောင်းတဲ့ ချည်သားဘောင်းဘီတွေ ၊ ပွပွချောင်ချောင်နဲ့ ချွေးခြောက်မြန်တဲ့ အတွင်းခံတွေကို ရွေးချယ်ဝတ်ဆင် သင့်ပါတယ်။
(၃) တစ်ကိုယ်ရည်သုံး ပစ္စည်းတွေ မျှဝေသုံးလို့
Photo : BedVoyage
အင်္ကျီအဝတ်အစား ကစလို့ ရေချိုးခန်းသုံး တဘက် ၊ မျက်နှာသုတ်ပုဝါ ၊ ဘောင်းဘီတို စတာတွေကို တခြားသူတွေနဲ့ ဘယ်တော့မှ မျှဝေမသုံးသင့်ပါဘူး။ ဒီလို တစ်ကိုယ်ရည်သုံး ပစ္စည်းတွေဆိုတာ တစ်ယောက်တည်းပဲ သီးသန့်အသုံးပြု သင့်တာပါ။ အခြားသူတွေနဲ့ မျှဝေသုံးစွဲမယ်ဆိုရင် မျက်စိနဲ့ မမြင်နိုင်တဲ့ မှိုနဲ့ ဘတ်တီးရီးယားပိုးမွှားတွေ ကူးစက်ပြန့်ပွား နိုင်ခြေများပြီး လိင်အင်္ဂါနဲ့ ကန့်သတ် နေရာတဝိုက်မှာ ယားယံတာ ၊ နီမြန်းတာနဲ့ အခန့်မသင့်ရင် အခြားသော ကူးစက်ရောဂါပိုးတွေ ကူးစက်ခံရနိုင်ပါတယ်။
(၄) အကာအကွယ်မသုံးပဲ လိင်ဆက်ဆံလို့
Photo : K-Y
လိင်မှုဆိုင်ရာ တက်ကြွသူ တစ်ယောက်ဆိုရင် ကွန်ဒုံး အကာအကွယ်ကတော့ မဖြစ်မနေ အသုံးပြုဖို့ လိုပါတယ်။ လိင်အင်္ဂါ အနီးတဝိုက်နဲ့ ဟိုကြားဒီကြား ယားယံတာဟာ လိင်မှတဆင့်ကူးစက်တက်တဲ့ ရောဂါပိုးမွှားတွေ ကူးစက်ခံရခြင်း သို့မဟုတ် လိင်အင်္ဂါ မှိုစွဲခြင်းရဲ့ လက္ခဏာရပ်တွေထဲမှာ ပါပါတယ်။ အကာအကွယ်မဲ့ လိင်ဆက်ဆံတာဟာ အန္တရာယ်ရှိတဲ့ လိင်မှုဆိုင်ရာ လှုပ်ရှားမှု တစ်ရပ်ဖြစ်ပြီး လိင်မှတဆင့် ကူးစက်တက်တဲ့ ရောဂါတွေအပြင် မမျှော်လင့်ပဲ ကိုယ်ဝန်ရနိုင်တဲ့ ရာခိုင်နှုန်းလည်း များပါတယ်။
Source : Times of India
Featured Photo : Health Digest
