ကွီးတို့ အိပ်ရာထဲမှာ အချိန်ကြာကြာ အစွမ်းပြနိုင်ဖို့ ဘေးထွက်ဆိုးကျိုးများတဲ့ ဆေးဝါးအကူအညီတွေ မလိုပါဘူး။ ထိရောက်မှန်တဲ့ ကိုယ်လက်လှုပ်ရှားမှုအချို့ လုပ်တယ်ဆိုရင်ပဲ ကွီးတို့ရဲ့ လိင်မှုစွမ်းဆောင်ရည်ကို မြှင့်တင်နိုင်ပါတယ်။ ဒီတစ်ခေါက်တော့ ကွီးတို့ရဲ့ ခန္ဓာကိုယ် ကြံ့ခိုင်မှုနဲ့အတူ လိင်မှုစွမ်းဆောင်ရည်ကိုပါ မြင့်တက်စေပြီး အိပ်ရာထဲမှာ အချိန်အကြာကြီး အစွမ်းပြနိုင်ဖို့ ကူညီပေးမယ့် လေ့ကျင့်ခန်းနည်းတချို့ကို ပြောပြပေးပါမယ်။
(၁) ဝိတ်မခြင်း
Photo : Men’s Journal
Weight Lifting ကစားတာဟာ ကွီးတို့ရဲ့ သက်လုံစွမ်းအားနဲ့ ကြံ့ခိုင်မှုကို တိုးစေပါတယ်။ ပုံမှန်ဝိတ်မခြင်းဟာ အမျိုးသားတွေရဲ့ လိင်စိတ်တက်ကြွမှုနဲ့ လိင်မှုစွမ်းဆောင်ကို မြင့်တက်စေပြီး အိပ်ရာထဲမှာ အချိန်ကြာကြာ စွမ်းဆောင်ရည်ကောင်း ပြသနိုင်ဖို့အတွက် ကူညီပေးနိုင်ပါတယ်။
(၂) ယောဂကစားခြင်း
Photo : Skill Yoga – Blog
စိတ်နဲ့ခန္ဓာကို ချိတ်ဆက်ပေးတဲ့ ယောဂလေ့ကျင့်ခန်းတွေဟာ လိင်မှုကျန်းမာရေးကို အကျိုးပြုတယ်ဆိုတာ ကွီးတို့ သိပါသလား ? ယောဂလေ့ကျင့်ခန်း အများစုက အသက်ရှုသွင်းရှုထုတ်နည်းကို အခြေခံပြီး ခန္ဓာကိုယ် စိတ်ပိုင်းဆိုင်ရာနဲ့ ရုပ်ပိုင်းဆိုင်ရာကို ဟန်ချက်ညီမျှအောင် ထိန်းညှိပေးပါတယ်။ ဒါကြောင့် စိတ်ဖိစီးမှုတွေကို လျှော့ကျစေတဲ့ အကောင်းဆုံး ကိုယ်လက်လှုပ်ရှားမှုတစ်ခု ဖြစ်ပြီး ခန္ဓာကိုယ်ရဲ့ Flexibility ကိုလည်း တိုးတက်ကောင်းမွန်စေကာ အိပ်ရာထဲမှာ အချိန်အကြာအကြီး နဲ့ မြင့်မားတဲ့ လိင်မှုစွမ်းဆောင်ရည်ကို ပြသဖို့အတွက် အထောက်အကူ ဖြစ်စေပါတယ်။
(၃) ရေကူးခြင်း
Photo : Pexels
သက်လုံစွမ်းအားနဲ့ ခန္ဓာကိုယ်ကြံ့ခိုင်မှုကို တိုးစေမယ့် လေ့ကျင့်ခန်းတွေထဲမှာ ရေကူးခြင်းဟာ တစ်ခုအပါအဝင်ပါ။ ရေကူးတာဟာ Stamina ၊ Strength နဲ့ Endurance ၃ ခုလုံးကို တစ်ချိန်တည်းမှာပဲ Boost လုပ်ပေးတဲ့ Full Body Exercise တစ်ခု ဖြစ်ပါတယ်။ ဒါ့အပြင် ခန္ဓာကိုယ်မှာရှိတဲ့ ကြွက်သားတွေရဲ့ တင်းမာမှုကို ပြေလျော့စေပြီး ကောင်းမွန်တဲ့ လိင်စိတ်ခံစားမှုကို မြှင့်တင်ပေးတဲ့ အကောင်းဆုံး လေ့ကျင့်ခန်းလို့လည်း ပြောလို့ရပါတယ်။
(၄) နှလုံးသွေးကြောဆိုင်ရာ လေ့ကျင့်ခန်းများ လုပ်ဆောင်ခြင်း
Photo : Men’s Health
ပြေးတာ ၊ စက်ဘီးနင်းတာ ၊ ကခုန်တာ အပါအဝင် ခန္ဓာကိုယ်ကို လှုပ်လှုပ်ရှားရှား ကစားရတဲ့ Cardiovascular Exercises တွေဟာ အရေးကြီးတဲ့ ကိုယ်အင်္ဂါအစိတ်အပိုင်းတွေ ဖြစ်တဲ့ အဆုတ် ၊ နှလုံးတို့ရဲ့ လုပ်ဆောင်ချက်ကို ကောင်းမွန်စေပြီး သက်လုံစွမ်းအားနဲ့ ခံနိုင်ရည်ကို တိုးတက်စေပါတယ်။ ခန္ဓာကိုယ်တွင်း သွေးစီးဆင်းမှုကို မြှင့်တင်ပေးတဲ့အတွက် လိင်အင်္ဂါရဲ့သန်စွမ်းမှု ၊ လိင်မှုစွမ်းဆောင်ရည် အားလုံးကို တိုးတက်စေပြီး အိပ်ရာထဲမှာ အချိန်အကြာကြီး စွမ်းဆောင်ရည်ကောင်း ပြသနိုင်ဖို့ ကူညီပေးပါတယ်။
Source : MensXP
Featured Photo : OAD
