ခန္ဓာကိုယ် တက်ကြွလန်းဆန်းနေဖို့နဲ့ အခြေခံအကျဆုံး ဇီဝကမ္မ လုပ်ဆောင်ချက်တွေကို လုပ်ဆောင်နိုင်ဖို့အတွက် အဆီတွေကို ကယ်လိုရီအဖြစ် ချေဖျက်ရပါတယ်။ ဒါပေမယ့် လောင်ကျွမ်းနိုင်တဲ့ ကယ်လိုရီထက် ပိုစားမိရင်တော့ ခန္ဓာကိုယ်က ပိုလျှံနေတဲ့ အဆီတွေကို သိုလှောင်ထားတဲ့အတွက် ကိုယ်အလေးချိန်တက်လာမှာ ဖြစ်ပါတယ်။ အခုပြောပြပေးမှာကတော့ ခန္ဓာကိုယ်ထဲက ပိုလျှံနေတဲ့ အဆီ တွေကို လောင်ကျွမ်း စေဖို့ စားသင့်တဲ့ အစားအစာ (၅) မျိုး အကြောင်း ဖြစ်ပါတယ်။
(၁) လက်ဖက်စိမ်း – Green Tea
Photo : Organic Authority
Green Tea ဟာ လေ့လာမှုအများဆုံးလုပ်ထားတဲ့ သောက်စရာတွေထဲက တစ်ခုပါ။ လေ့လာချက် အထောက်အထားတွေအရ Green Tea သောက်သုံးခြင်းက ခန္ဓာကိုယ် အဆီ ကျခြင်းနဲ့ ဇီဝဖြစ်စဉ်ဆိုင်ရာ သတ်မှတ်ချက်တွေရဲ့ တိုးတက်မှုတွေနဲ့ ဆက်စပ်နေတယ်လို့ အကြံပြုထားပါတယ်။ Green Tea မှာ အထူးသဖြင့် ဇီဝကမ္မလုပ်ဆောင်မှု မြင့်မားစေတဲ့ Polyphenols ဓါတ် ၊ အမိုင်နိုအက်ဆစ်နဲ့ တက်ကြွလန်းဆန်းစေတဲ့ ကဖိန်းဓာတ်တွေ ပါဝင်ပါတယ်။
(၂) ဂျင်း – Ginger
Photo : MSN
ဂျင်းမှာ ရောင်ရမ်းမှုကို ဆန့်ကျင်တဲ့ ဂုဏ်သတ္တိတွေနဲ့ အင်ဆူလင် အာရုံခံနိုင်စွမ်းကို တိုးမြင့်ပေးနိုင်တဲ့ ဒြပ်ပေါင်းဖြစ်တဲ့ Gingerols ပါဝင်တဲ့အတွက် အဝလွန်ခြင်းကို ဆန့်ကျင်တဲ့ အာနိသင်တွေ ရှိတယ်လို့ သုတေသီတွေ ဆိုပါတယ်။ Gingerols က သွေးတွင်းသကြားဓာတ်ကို ထိန်းညှိပေးနိုင်ပြီး ကိုယ်အလေးချိန် ထိန်းညှိရာမှာ အထောက်အကူ ဖြစ်စေနိုင်ပါတယ်။ ဒါ့အပြင် ဂျင်းဟာ အစာခြေစနစ်ကို ကောင်းမွန်အောင် ကူညီပေးကြောင်း ပြသထားပါတယ်။
(၃) ရက်စ်ဘယ်ရီ – Raspberry
Photo : Snapwire
Raspberry သီးတွေက အမျှင်သိပ်သည်းမှု အများဆုံးပါဝင်တဲ့ အသီးအမျိုးအစား တစ်ခုဖြစ်ပါတယ်။ ဒါ့အပြင် Raspberry သီးတွေမှာ သကြားဓါတ်အနည်းငယ်ပဲပါဝင်ပြီး အမျှင်ဓာတ်များစွာပါဝင်တဲ့အပြင် ဇီဝကမ္မဖြစ်စဉ် ကျန်းမာရေးနဲ့ ခန္ဓာကိုယ် ဖွဲ့စည်းမှုအပေါ် ကောင်းမွန်တဲ့အကျိုးသက်ရောက်မှုတွေရှိတဲ့ အန်သိုဆိုက်ယာနင်လိုဓါတ်တွေလည်း များစွာပါဝင်တာကြောင့် ခန္ဓာကိုယ်တွင်း အဆီ တွေကို လျှော့နည်းစေပါတယ်။
(၄) အမျှင်ဓာတ်များတဲ့ အစားအစာတွေ – Fiber-Dense Foods
Photo : Healthline
နှမ်းကြတ်ပင်စေ့ ၊ Chia စေ့နဲ့ ရောင်စုံ ဟင်းသီးဟင်းရွက်တွေဖြစ်တဲ့ ခရမ်းရောင်ဂေါ်ဖီထုပ်၊ Zucchini ၊ ပန်းဂေါ်ဖီ ၊ ကညွှတ် ၊ မုလာဥနီတွေမှာ အမျှင်ဓာတ်ပါဝင်မှုမြင့်မားပြီး ကယ်လိုရီနဲ့ Glycemic တန်ဖိုးပါဝင်မှုနည်းတဲ့ အာဟာရဓာတ်ကြွယ်ဝတဲ့ အစားအစာ တွေ ဖြစ်ပါတယ်။ အမျှင်ဓာတ်များတဲ့ အစားအစာတွေက အခြားအစားအစာတွေမှာပါဝင်တဲ့ ကယ်လိုရီနဲ့ အဆီ စုပ်ယူမှုကို လျော့ကျစေပြီး သွေးတွင်းသကြားဓာတ်ကို လျော့ပါးစေကာ အင်ဆူလင်ပမာဏကိုလည်း လျှော့ချပေးနိုင်ပါတယ်။
(၅) ပန်းသီးရှာလကာရည် – Apple Cider Vinegar
Photo : The Prairie Homestead
ပန်းသီးရှာလကာရည်မှာပါဝင်တဲ့ Acetate (Short-Chain Fatty Acids) ဓါတ်က အူလမ်းကြောင်းအတွင်းမှာရှိတဲ့ အူမကြီးဆဲလ်တွေကို လှုံ့ဆော်ပေးပြီး အူလမ်းကြောင်းဆိုင်ရာ ကြံ့ခိုင်မှုကို မြှင့်တင်ပေးခြင်းအပါအဝင် ကျန်းမာရေးအကျိုးကျေးဇူးတွေ များစွာရှိပါတယ်။ ဒါ့အပြင် ပန်းသီးရှာလကာရည်ကို အစာမစားမီ နဲ့ အစာစားချိန် သို့မဟုတ် အစာစားပြီးနောက်မှာ စားသုံးပေးမယ်ဆိုရင် သွေးတွင်းသကြားဓာတ်မြင့်တက်မှု လျှော့ချနိုင်တာကို တွေ့ရှိရပါတယ်။
Featured Photo : Healthline
