ကျွန်တော်တို့ဟာ နေ့တိုင်းပဲ ကိုယ့်ကိုယ်ကိုယ် ပြုပြင်နေရတာပါ။ ရုပ်ပိုင်းဆိုင်ရာအရ ပြုပြင်မှုဖြစ်တဲ့ Personal Care နဲ့ ပတ်သက်ပြီး နေ့တိုင်းလုပ်နေကြပေမယ့် တချို့တွေရဲ့ တစ်ကိုယ်ရည်လှပသန့်ရှင်းရေးဆိုင်ရာ အလေ့အထတွေက အားနည်းချက်တွေ ရှိနေကြဆဲပါ။ ဒီတစ်ခေါက်မှာတော့ လှအောင်ပြင်ရင်း လူအထင်သေးသွားကြတဲ့ Grooming အလေ့အထတွေအကြောင်း ပြောပြချင်ပါတယ်။
(၁) မျက်ခုံးကို အလွန်အမင်း ပြုပြင်ခြင်း
Photo: mensxp
မျက်ခုံးထူထူ မျက်လုံးလှလှ အမျိုးသားတွေဆို မိန်းကလေးတွေ ကြွေကြတာ မှန်ပါတယ်။ ဒါပေမယ့်လည်း ယောင်္ကျားတန်ဖို့ မျက်ခုံးထူအောင် မျက်ခုံးရိတ်တာ ၊ မျက်ခုံးဆေးခြယ်တာမျိူးကတော့ မလှတဲ့အပြင် အထင်ပါ သေးတတ်ကြပါတယ်။
(၂) ရေမွှေးဆွတ်လွန်းခြင်း
Photo: mensxp
ဘယ်သူမဆို ရေမွှေးနံ့သင်းသင်းလးကို သဘောကျတတ်ကြပေမယ့် ရေမွှေးတွေ နင်းကန်ဆွတ်ထားပြီး မွှန်ထူနေရင် ဘယ်သူမှ ကြိုက်ကြမှာ မဟုတ်ပါဘူး။ ရေမွှေးနံ့ တထောင်းထောင်း ဆွတ်လာတဲ့လူကို အားလုံးက အထင်အမြင်သေးတာ သဘာဝပါပဲ။
(၃) Gel ပုံနေအောင် လိမ်းခြင်း
Photo: mensxp
ဒီ Grooming အမှားကတော့ ယောင်္ကျားလေး အတော်များများ လုပ်ဖူးကြပါတယ်။ Gel သုံးပြီး Hairstyle ပြင်ရာမှာ အများစုက Gel ကို လိုအပ်တဲ့ပမာဏထက် ပိုသုံးမိတတ်ကြပါတယ်။ ဆံပင်မှာ Gel တွေ ပုံနေအောင် လိမ်းတာဟာ အရုပ်လည်း ဆိုးသလို ဆံပင်လည်း ပျက်စီးစေပါတယ်။
(၄) နှုတ်ခမ်းမွေး ကျိုးတိုးကျဲတဲ ထားခြင်း
Photo: mensxp
မုတ်ဆိတ်တို့ နှုတ်ခမ်းမွေးတို့ဆိုတာ လူတိုင်းတစ်ပုံစံတည်း လာတာမဟုတ်ပါဘူး။ တချို့တွေကျတော့ မုတ်ဆိတ်နဲ့ နှုတ်ခမ်းမွေးက သဘာဝအတိုင်း ကြည့်ကောင်းတတ်ပြီး တချို့တွေကျတော့ မုတ်ဆိတ်ပေါက်တာ မညီဘဲ ကြည့်ရဆိုးတတ်ပါတယ်။ တကယ်လို့ ကိုယ့်က နှုတ်ခမ်းမွေးပုံစံ သိပ်မလှတဲ့အထဲမှာ ပါနေရင်တော့ သပ်သပ်ရပ်ရပ်သာ ရိတ်သင်ထားတာ အကောင်းဆုံးပါပဲ။
Featured Photo: philips
