အိပ်မပျော်တဲ့ညတွေကို အဆုံးသတ်နိုင်မယ့် နည်းလမ်းများ

လက်တလော COVID – 19 ကာလမှာ တော်တော်များများရင်ဆိုင်နေရတဲ့ ပြ ဿနာက ညဘက်တွေအိပ်မပျော်တာပါ။ ညဘက်တွေမှာအိပ်ရခက်သလောက် မနက်ဘက်ကျမထချင်ဘဲ နေ့နဲ့ညမှားနေကြတာဖြစ်ပါတယ်။ ဒီလိုအိပ်စက်မှုပုံစံမှားနေခြင်းက ကြာလာရင်သင့်ကိုဆိုးရွှားတဲ့ကျန်းမာရေးပြဿနာတွေနဲ့ ကြုံတွေ့ရစေနိုင်တာကြောင့် အိပ်မပျော်တဲ့ညတွေကုန်ဆုံးဖို့ နည်းလမ်းကောင်းတစ်ချို့ကိုမျှဝေပေးချင်ပါတယ်။

(၁) နေ့လည်နေ့ခင်းအိပ်စက်ခြင်းကိုလျော့ချပါ

Source : Freepik

နေ့လည်နေ့ခင်းမှာ ခဏတဖြုတ်အိပ်စက်အနားယူခြင်းက ဦးနှောက်စွမ်းဆောင်ရည်နဲ့ ခန္ဓာကိုယ်စွမ်းအင်တွေကို မြှင်တင်ပေးနိုင်တယ်ဆိုပေမယ့် နာရီဝက်ပိုပြီးအိပ်စက်မယ်ဆိုရင်တော့ ညဘက်အိပ်စက်ချိန်ကိုအနှောက်ယှက်ပေးနိုင်ပါတယ်။ဒါကြောင့် နေ့လည်နေ့ခင်း ခဏတဖြုတ်အိပ်စက်မယ်ဆိုရင် နာရီဝက်ထက်ပိုမအိပ်ပါနဲ့။

(၂) ပုံမှန်အိပ်စက်ချိန်တစ်ခုသတ်မှတ်ထားပါ

Source : impeccablehealth.com

ည ၉ နာရီမှာအိပ်မယ်လို့ သတ်မှတ်ထားရင် ၁၀ နာရီမထိုးခင် ၅ မိနစ်လောက်အလိုမှာ သင့်အနေနဲ့ အိပ်ယာထဲရောက်နှင့်နေဖို့လိုပါတယ်။ အိပ်ယာရောက်တာနဲ့ ဖုန်းတွေ အလုပ်ကိစ္စတွေ အားလုံးကို ပိတ်ကားချပြီး အိပ်ပျော်သွားဖို့ကိုပဲ အာရုံစိုက်ထားပါ။ ဒီလိုမျိုး တစ်ပတ်လောက်သေချာလေ့ကျင့်ပြီး ပုံမှန်အိပ်စက်ချိန်တစ်ခုထားခြင်းက သင့်ရဲ့ အိပ်စက်မှုစက်ဝန်းကို မှန်ကန်စေမှာဖြစ်ပါတယ်။

(၃) စိတ်ကိုအကောင်းဆုံးဖြေလျော့ထားပါ

Source : GhMediaHub

စိတ်ဖိစီးစရာအကြောင်းအရာတွေက သင့်ရဲ့ အိပ်စက်ခြင်းကို အကြီးအကျယ်အနှောက်အယှက်ပေးနိုင်တဲ့ အရာတစ်ခုပါ။ဒါကြောင့် ညဘက်ရောက်တဲ့အခါ စိတ်ဖိစီးစရာတွေ စိုးရိမ်စိတ်များတာတွေ အတွေးလွန်တာတွေကိုအကောင်းဆုံးဖြေလျော့ထားပြီး စိတ်တည်ငြိမ်အေးချမ်းစေမယ့် တရားထိုင်ခြင်း သာယာငြိမ့်ညောင်းတဲ့တေးသီချင်းလေးတွေ ခပ်တိုးတိုးဖွင့်ထားခြင်း စသည်တဲ့အရာလေးတွေကိုလုပ်ဆောင်ပေးသင့်ပါတယ်။

(၄) လေ့ကျင့်ခန်းပုံမှန်ပြုလုပ်ပါ

Source : Healthline

လေ့ကျင့်ခန်းပြုလုပ်ခြင်းက သင့်ရဲ့ အိပ်စက်ခြင်းကိုအကောင်းဆုံး ကူညီပေးနိုင်ပါတယ်။ နေ့စဉ်ပုံမှန်အချိန်ပေးပြီးလေ့ကျင့်ခန်းပြုလုပ်ပေးမယ်ဆိုရင် ခန္ဓာကိုယ်ဇီဝဖြစ်စဉ်ကိုတိုးတက်စေပြီး ကောင်းစွာအိပ်ပျော်ကူညီပေးမှာဖြစ်ပါတယ်။ ဒါပေမယ့် သတိထားရမှာတစ်ခုက လေ့ကျင့်ခန်းကို မနက်ခင်းနဲ့ ညနေခင်းတွေမှာပဲလုပ်ဆောင်ရမှာဖြစ်ပြီး အိပ်ချိန်နဲ့ နီးမှလေ့ကျင့်ခန်းလုပ်တာမျိုးကိုတော့ လုံးဝရှောင်ကျဉ်သင့်ပါတယ်။