အချိန်ဆိုတာလူတွေအတွက် အလွန်အရေးကြီးတဲ့အရာတစ်ခုဖြစ်ပြီး အချိန်ကို ကောင်းမွန်စွာ စီမံခန့်ခွဲတက်ဖို့လိုအပ်ပါတယ်။ ဒီဆောင်းပါးလေးမှာတော့ ဘာကြောင့်အချိန်ကို ကောင်းမွန်စွာစီမံခန့်ခွဲတက်ဖို့ က အရေးကြီးတာလဲဆိုတဲ့ အကြောင်းရင်းတွေကို ပြောပြပေးမှာပါ။
(၁) စိတ်ကြည်လင် လန်းဆန်းစေတယ်
Photo : AskMen
ထိရောက်တဲ့ အချိန်စီမံခန့်ခွဲမှုဆိုတာဟာ သင်လုပ်ချင်တဲ့အရာတွေနဲ့ပတ်သတ်လို့ အကောင်းဆုံးအခြေအနေမှာ လုပ်ဆောင်တာဖြစ်ပါတယ်။ ရလဒ်တစ်ခုရရန်အတွက် အာရုံစူးစိုက်လာတဲ့အခါ ခက်ခဲတဲ့အလုပ်တွေအတွက် လုပ်ဆောင်ရပိုလွယ်လာပြီး ရလဒ်ကိုရောက်ရှိဖို့ သင့်စိတ်အားထက်သန်နေပါလိမ့်မယ်။
(၂) ပန်းတိုင်နဲ့ပိုမို နီးကပ်စေတယ်
Photo : Psychology Today
အချိန်စီမံခန့်ခွဲမှုကိုနားလည်လာတဲ့အခါ လက်တွေ့လုပ်ဆောင်မှုတွေမှာ ပိုပြီးတက်ကြွမှုရှိလာပါလိမ့်မယ်။ ကိုယ့်ရဲ့ ရည်မှန်းချက်ပန်းတိုင်သို့ရောက်အောင် ဆောင်ရွက်ရမယ့်လုပ်ငန်းဆောင်တာတွေကို ပိုနားလည်လာပြီး သင့်ပန်းတိုင်နဲ့မကိုက်ညီတဲ့ အရာတွေမှာအချိန်ဖြုန်းမိတာတွေကိုလဲ ဖယ်ရှားနိုင်လာပါလိမ့်မယ်။
(၃) အလုပ်ပြီးမြောက်စေတယ်
Photo : Washington Post Jobs
ဘယ်လောက်ခွဲခြမ်းစိတ်ဖြာပါစေ အချိန်ဆိုတာလူတစ်ယောက်အတွက် တစ်ရက်ကို၂၄ နာရီစီပဲရတာပါ။ အလုပ်လုပ်တဲ့အခါ အချိန်ကိုကန့်သတ်လုပ်ဆောင်တဲ့အတွက် အာရုံစူးစိုက်နိုင်စွမ်းလဲတိုးတက်လာပါတယ်။ အလုပ်ပြီးမြောက်ဖို့ ပိုပြီးမြန်မြန်ဆန်ဆန်လုပ်ဆောင်တာကြောင့် အလုပ်လုပ်ရတာသင့်အတွက် ပိုပေ့ါပါးသွက်လက်နေပါလိမ့်မယ်။
(၄) ဆုံးဖြတ်နိုင်စွမ်း တိုးတက်လာစေတယ်
Photo : Freepik
ကန့်သတ်ထားတဲ့အချိန်အတွင်း လုပ်ဆောင်တဲ့အခါ ပိုကောင်းမွန်တဲ့ဆုံးဖြတ်ချက်တွေကို ချနိုင်လာတာတွေ့ရပါ တယ်။ ဒါဟာ သင့်အနေနဲ့ ဆုံးဖြတ်ချက်ချဖို့ဖိအားပေးခံရတဲ့အခါ ရွေးချယ်မှုတိုင်းရဲ့ရလဒ်တွေကို တွေးကြောက် ဖို့အချိန်မရှိတော့တာကြောင့် ဖြစ်ပါတယ်။ တဖြည်းဖြည်းသင့်ကိုသင်လည်း ပိုယုံကြည်မှုရှိလာပါလိမ့်မယ်။
Featured Photo : ProofHub
