တစ်ချို့လူတွေက ညဘက်အိပ်ပျော်ဖို့အတွက် အခက်အခဲမရှိပေမယ့် တစ်ချို့အတွက်တော့ ညဘက်အိပ်ပျော်ဖို့ဆိုတာ ခက်ခဲတဲ့အလုပ်တစ်ခုဖြစ်နေပါတယ်။ အိပ်ချိန်မပြည့်ဝခြင်းက သင့်ခန္ဓာကိုယ်အတွက် ဆိုးကျိုးတွေရှိစေတယ်ဆိုတာ အားလုံးသိထားပြီးဖြစ်မှာပါ။ ဒါကြောင့် ဒီနေ့ဆောင်းပါးမှာ ညဘက် မြန်မြန်ဆန်ဆန်အိပ်ပျော်ဖို့အတွက် နည်းလမ်းကောင်းလေးတွေကို ဖော်ပြပေးလိုက်ပါတယ်။
(၁) စိတ်ဖိစီးမှုကို အတက်နိုင်ဆုံးရှောင်ပါ
Photo : Freepik
စိတ်ဖိစီးမှုများလာတာနဲ့ ကိုလက်စထရောပမာဏများလာပြီး အိပ်ပျော်ခြင်းကို ဖြစ်စေတဲ့ မယ်လတိုနင် (melatonin) ဟော်မုန်းဓာတ်ထုတ်လွှင့်မှုကို လျော့ချပစ်နိုင်ပါတယ်။ ဒါက သင့်ရဲ့အိပ်စက်မှုကို အနှောင့်အယှက်ဖြစ်စေနိုင်ပါတယ်။ တစ်နေ့တာမှာ စိတ်ဖိစီးမှုမရှိအောင် ယောဂကျင့်တာ၊ ပြေးတာ၊ တရားထိုင်တာ၊ စာအုပ်ဖတ်တာတွေ ပြုလုပ်ပေးသင့်ပါတယ်။
(၂) အခန်းအပူချိန်လျှော့ချပေးပါ
Photo : Freepik
လူတွေရဲ့ခန္ဓာကိုယ်က အိပ်နေစဉ်မှာ အပူချိန်ပြောင်းလဲမှုတွေရှိပါတယ်။ အိပ်နေချိန်မှာ ခန္ဓာကိုယ်က အေးလာပြီး အိပ်ယာနိုးပြီးထလာရင်တော့ နွေးလာပါတယ်။ အကယ်၍အခန်းအပူချိန်ကများနေမယ်ဆိုရင် အိပ်ပျော်ဖို့အတွက် အခက်အခဲရှိနိုင်ပါတယ်။ ကျွမ်းကျင်သူတွေရဲ့ ပြောကြားချက်အရတော့ အိပ်ပျော်စေဖို့အတွက် အကောင်းဆုံး အခန်းအပူချိန်ဟာ 60–67°F (15.6–19.4°C) မှာရှိသင့်ပါတယ်။
(၃) ဖုန်း/ကွန်ပျူတာသုံးတာ လျော့ပါ
Photo : Freepik
မှောင်သွားတဲ့အခါ ကျွန်တော်တို့ခန္ဓာကိုယ်က မယ်လတိုနင်ဓာတ်ကို စထုတ်လုပ်ပါတယ်။ ဖုန်းမျက်နှာပြင်၊ ကွန်ပျူတာမျက်နှာပြင်က အပြာရောင်အလင်းက ညဘက် အိပ်စက်ခြင်းကို ခက်ခဲသွားစေနိုင်ပါတယ်။ အိပ်ရာမဝင်ခင် အနည်းဆုံး(၁) နာရီကတည်းက ဖုန်း၊ ကွန်ပျူတာကို မသုံးဘဲနေသင့်ပါတယ်။
(၄) ညစာကို ပေါ့ပေါ့ပါးပါး စားပေးပါ
Photo : Freepik
ညဘက်ကို ဗိုက်အရမ်းပြည့်အင်အောင်ထိ အစာစားတာကို ရှောင်ရှားသင့်ပါတယ်။ ညစာ အများကြီးစားခြင်းက အစာမကြေခြင်းကို ဖြစ်စေပြီး သင့်အိပ်စက်ချိန်ကို အနှောင့်အယှက်ဖြစ်စေနိုင်ပါတယ်။ ဒါ့အပြင် အူက ဆီရိုတိုနင် (Serotonin) ဟော်မုန်းဓာတ်ထုတ်လုပ်ဖို့အတွက် အရေးကြီးပါတယ်။ ညစာအများကြီးစားလိုက်တာက ဆီရိုတိုနင်ထုတ်လုပ်မှုကို အဟန့်အတားဖြစ်စေနိုင်ပါတယ်။
