“ငါသာ အချိန်တွေကို နောက်ပြန်ရစ်လို့ရမယ်ဆိုရင်” “ငါ့မှာသာ အချိန်ခရီးသွားစက်ကြီးရှိမယ်ဆိုရင်” စတဲ့ စကားမျိုးကို လူတော်တော်များများ ပြောမိတတ်ကြပါတယ်။ သင်ကိုယ်တိုင်လည်း တစ်ကြိမ်တစ်ခါလောက်တော့ ပြောဖူးမယ်လို့ ထင်ပါတယ်။
အသက်အရွယ်ရလာမှ ငယ်ရွယ်စဉ်တုန်းက မလုပ်မိခဲ့လေခြင်းဆိုတဲ့ နောင်တမျိုး မရရလေအောင် ဒီဆောင်းပါးလေးကို ဝေမျှပေးချင်တာပဲဖြစ်ပါတယ်။
သင် ငယ်ရွယ်စဉ်မှာ ဘယ်လိုအရာတွေကို လုပ်သင့်သလဲဆိုတဲ့ အရေးကြီးတဲ့အချက်တွေပါပဲ။ ငယ်ရွယ်ပြီး အောင်မြင်တဲ့ဘဝကို ပိုင်ဆိုင်ချင်တဲ့ တကယ့်ယောကျာ်းများအတွက်ပါ။
ကိုယ့်ရဲ့အိပ်မက် (သို့) အနာဂတ်ရည်မှန်းချက်နဲ့ ပတ်သက်လာရင် အခုချက်ချင်း လုပ်ဆောင်ပါ
Photo Source: Unsplash.com
“နောက်မှ” ဆိုတာ မသေချာတဲ့အရာတစ်ခုပါ။ အနာဂတ်မှာ ဘာဖြစ်မလဲဆိုတာ ဘယ်သူမှ ကြိုမပြောနိုင်ပါဘူး။ သင် နောက်ရက်မှ လုပ်မယ်လို့ စီစဉ်ထားတဲ့ နေ့မှာပဲ အလုပ်ကိစ္စများလာတာမျိုး ဖြစ်နိုင်သလို သင် နေမကောင်း ဖျားနာတာမျိုးလည်း ဖြစ်နိုင်တာကြောင့် သေချာတဲ့ ပစ္စုပ္ပန်အချိန်မှာ ချက်ချင်းကောက်လုပ်လိုက်ပါ။
အနိုင်ရတဲ့အတွက်ကြောင့် သူတစ်ပါးကို အားနာရတာမျိုး မဖြစ်ပါနဲ့
Photo Source: Pexels.com
အခြားသူများနဲ့ မျှမျှတတယှဉ်ပြိုင်နေချိန်မှာ သင် အနိုင်ရသွားလို့ဆိုပြီး အပြစ်ရှိတဲ့စိတ်မျိုး၊ အားနာနေရတဲ့စိတ်မျိုး မခံစားပါနဲ့။ သင့်မှာ အရည်အချင်းရှိလို့သာ အနိုင်ရတာဖြစ်ပါတယ်။ တစ်ခုရှိတာကတော့ အများအမြင်မှာ ဆောင့်ကြွားကြွားပုံစံမျိုး၊ မာနထောင်လွှားတဲ့ပုံစံမျိုးမဖြစ်ဖို့တော့လိုတာပေါ့။
သင့်ပတ်ဝန်းကျင်ကို အံ့သြဖွယ်ရာလူများနှင့်သာ ဝန်းရံထားပါ
Photo Source: Pexels.com
ကိုယ်က ကိုယ့်ရဲ့ရည်မှန်းချက်များကို ပြည့်မြောက်ဖို့ ကြိုးစားနေချိန်မှာ ကိုယ့်ရဲ့ပတ်ဝန်းကျင်တွင် ပျင်းရိပျင်းတွဲနေတတ်သူများနဲ့ အတူတူနေရတဲ့အခါ သင်ရော ဘယ်လိုခံစားရပါမလဲ။ သေချာတာကတော့ သင့်ရဲ့ Motivation လည်း တဖြည်းဖြည်းကျဆင်းလာမှာဖြစ်ပြီး သင်သည်လည်းပဲ တဖြည်းဖြည်း ပျင်းရိပျင်းတွဲဖြစ်လာပါလိမ့်မယ်။ ဒါ့ကြောင့် သင့်ရဲ့ပတ်ဝန်းကျင်မှာ သင့်လိုပဲ ရည်မှန်းချက်ကြီးမားသူများနှင့်သာ ဝန်းရံထားသင့်ပါတယ်။
မကောင်းသော အကြံဉာဏ်များကို လျစ်လျူရှုထားပါ
Photo Source: Pexels.com
လူတိုင်းက သင့်ဘဝနဲ့ ပတ်သက်ပြီး ထင်မြင်ယူဆချက်တွေ တစ်ခုပြီးတစ်ခု ဝေဖန်လေကန်ရေး လုပ်ပါလိမ့်မယ်။ ကောင်းတဲ့ အကြံဉာဏ်တွေလည်း ရှိမှာဖြစ်သလို ကောင်းမယောင်နဲ့ ဆိုးတဲ့ အကြံဉာဏ်တွေလည်း ရှိနိုင်ပါတယ်။ ထိုအကြံဉာဏ်များကို သေချာစီစစ် တွေးတောပြီးမှသာ လက်ခံသင့်ပါတယ်။
Source: Realmenrealstyle.com
Featured Image Source: Airchartersjets.com