ပေါင်းသင်းဆက်ဆံရေးမှာကျွမ်းကျင်ပြီး ခင်စရာကောင်းတဲ့လူတွေဟာ ပတ်ဝန်းကျင်မှာ အမြဲထင်ပေါ်လေ့ရှိကြသူတွေ ဖြစ်ပါတယ်။ ဘယ်သူမဆို ဒီလိုခင်မင်ဖို့ကောင်းတဲ့လူတွေနဲ့ပဲ မိတ်ဆွေဖြစ်ချင်ကြတာမဟုတ်လားဗျ။ ဒါကြောင့် ဒီတစ်ခေါက်ဆောင်းပါးလေးမှာတော့ ခင်ဖို့ကောင်းတဲ့ သူတွေမှာတွေ့ရတဲ့ ကိုယ်ရည်ကိုယ်သွေးတွေကို စာဖတ်သူတို့လေ့လာအတုယူနိုင်ဖို့ တင်ဆက်ပေးချင်ပါတယ်။
(၁) အမြဲပြုံးနေလေ့ရှိတယ်
Photo : Freepik
ခင်စရာကောင်းတဲ့သူတွေရဲ့ ထူးခြားမှုတစ်ခုက အမြဲလိုလိုပြုံးနေတက်တာပါပဲ။ အပြုံးဟာ ကိုယ်တိုင်လည်း ဆွဲဆောင်မှုရှိစေသလို ဘေးပတ်ဝန်းကျင်ကလူတွေကိုလည်း ဆွဲဆောင်နိုင်တယ်လို့ Psychology Today ရဲ့ လေ့လာမှုတစ်ခုမှာ ဖော်ပြထားပါတယ်။ သင်ဆိုရင်ရော မျက်နှာရှစ်ခေါက်ချိုးနေသူတွေနဲ့ အမြဲပြုံးရွှင်ပြီး ပျော်ပျော်နေတက်သူမှာ ပြုံးနေတဲ့ လူတစ်ယောက်နဲ့ပဲ မိတ်ဆွေဖြစ်ချင်မှာ မဟုတ်လားဗျ။
(၂) စကားပြောကောင်းကြတယ်
Photo : Freepik
ခင်ဖို့ကောင်းတဲ့သူတွေကို ကြည့်လိုက်ပါ အားလုံးလိုလိုက စကားပြောကျွမ်းကျင်ပြီး တစ်ဖက်လူနားထောင်ချင်စရာကောင်းအောင် သိမ်သိမ်မွေမွေ ၊ နူးနူးညံ့ညံ့ပြောဆိုတက်ကြသူတွေဖြစ်ပါတယ်။ စိတ်ဝင်စားဖို့ကောင်းတဲ့စကားတွေ နားလည်လွယ်မယ့်စကားလုံးတွေနဲ့ နားထောင်သူတွေရဲ့ စိတ်အာရုံကို ဖမ်းစားနိုင်ကြသူတွေ ဖြစ်ပါတယ်။
(၃) နားထောင်ကောင်းသူတွေဖြစ်တယ်
Photo : Freepik
တစ်ဖက်လူရဲ့ ပြောစကားတွေကို သေချာဂရုတစိုက်နားထောင်ပေးတက်ခြင်းကလည်း ပေါင်းသင်းဆက်ဆံရေးမှာ အခရာကျတဲ့အရာတစ်ခုလို့ ဆိုနိုင်ပါတယ်။ စကားပြောတက်ဆိုတက် ကျွမ်းကျင်ရုံနဲ့မကပဲ တစ်ဖက်သားရဲ့ ပြောစကား ၊ တုန့်ပြန်မှုတွေကို သေချာဂရုတစိုက် နားထောင်ပေးတက်ခြင်းကလည်း ပေါင်းသင်းဆက်ဆံရေးမှာ အဓိကအရေးကြီးတဲ့ သော့ချက်တစ်ခုပဲဖြစ်ပါတယ်။
(၄) လိုက်ရောညီထွေ နေတက်ကြတယ်
Photo : Freepik
ပတ်ဝန်းကျင်နဲ့ လိုက်ရောညီထွေနေတက်ဖို့ကလည်း အရေးကြီးတာပဲ မဟုတ်လား။ ကောင်းမွန်တဲ့ ပေါင်းသင်းဆက်ဆံရေးတစ်ခုတည် ဆောက်ရာမှာ တစ်ဖက်လူအကြောင်း ကောင်းကောင်းသိနားလည်ပြီး လိုက်ရောညီထွေဖြစ်အောင် ပြောင်းလဲနေတက်မယ်ဆိုရင် လူချစ်လူခင်များပြီး ခင်စရာကောင်းတဲ့သူတစ်ယောက် ဖြစ်နေမှာအသေအချာပါပဲ။
(၅) အိုင်ဒီယာကောင်းတွေရှိတယ်
Photo : Freepik
ခင်စရာကောင်းတဲ့သူတွေဟာ စိတ်ကူးစိတ်သန်းကောင်းပြီး အိုင်ဒီယာကောင်းတွေအမြဲ ထွက်လေ့ရှိသူတွေဖြစ်ပါတယ်။ ဗဟုသုတကြွယ်ဝပြီး လေ့လာစူးစမ်းလိုစိတ်လည်း များကြပါတယ်။ အကြံဉာဏ်ကောင်းတွေ ၊ အိုင်ဒီယာအသစ်အဆန်းတွေလည်း အမြဲပေးလေ့ရှိတာကြောင့် သူငယ်ချင်းအပေါင်းအသင်းတွေကြားမှာတော့ ဆရာကြီးအဖြစ်အမြဲနေရာပေးခံရလေ့ရှိသူတွေပဲ ဖြစ်ပါတယ်။
Featured Photo : Freepik
