တစ်ခါတစ်ရံမှာ ကျွန်တော်တို့ဟာ စိတ်ကူးစိတ်သန်းကောင်းတွေ ဖန်တီးမှုစွမ်းရည်တွေ နိမ့်ကျပျောက်ဆုံးနေတယ်လို့ ခံစားတက်ကြပါတယ်။ တကယ်တော့ ဒါဟာသင့်တစ်ယောက်တည်း မဟုတ်ပါဘူး။ လူတိုင်းနီးပါးဟာ အခုလို ပြဿနာတွေကြုံတွေ့နေကြရစမြဲပါ။ သင့်အနေနဲ့ အခုလို စိတ်ကူးစိတ်သန်းကောင်းတွေ ဖန်တီးမှုစွမ်းရည်တွေ နိမ့်ကျပျောက်ဆုံးနေတယ်လို့ ခံစားရတဲ့အခါ အခုပြောမယ့် ရိုးရှင်းတဲ့အချက်လေးတွေက သင့်ရဲ့ စိတ်ကူးစိတ်သန်းတွေကို ပြန်လည်ကောင်းမွန်လာစေဖို့ အထောက်အကူဖြစ်စေမှာပါ။
(၁) သင့်ပတ်ဝန်းကျင်ကိုပြောင်းလဲပါ
Photo : Pxfuel
ပထမဆုံးသင်လုပ်ဆောင်ရမှာပါ နေသားကျနေတဲ့ သင့်ပတ်ဝန်းကျင်ကနေ ထွက်လိုက်ပြီး နေရာသစ်တစ်ခုဆီကို သွားဖို့ပါပဲ။ ပတ်ဝန်းကျင်အသစ် နေရာအသစ်တစ်ခုက သင့်အတွက် စိတ်ကူးစိတ်သန်းကောင်းတွေ ဆန်းသစ်တဲ့အတွေးအမြင်သစ်တွေရရှိဖို့ လှုံဆောက်ပေးနိုင်ပါတယ်။
(၂) အသစ်တစ်ခုခုလေ့လာပါ
အသစ်သစ်သောအရာတစ်ခုခုကို လေ့လာပြီး သင်ကန့်သတ်ထားတဲ့ ဘောင်ထဲကထွက်လိုက်ပါ။ ဘာသာစကားတစ်ခုခုဖြစ်စေ ၊ Skill အသစ်တစ်ခုဖြစ်စေ ၊ သင်ဝါသနာပါတဲ့ ပညာရပ်တစ်ခုခုဖြစ်စေ လက်တလောမှာ စိတ်အားထက်သန်နေတဲ့ အသစ်တစ်ခုခုကိုလေ့လာကြည့်ပါ။ ကောင်းမွန်တဲ့ စိတ်ကူးစိတ်သန်းတွေ ရလာမှာပါ။
(၃) သဘာဝနဲ့ထိတွေ့ပါ
Photo : Unsplash
စိတ်ကူးစိတ်သန်းအသစ်တွေရရှိဖို့ သဘာဝတရားကြီးရဲ့အလှအပတွေကလည်း များစွာအထောက်အကူ ဖြစ်စေပါတယ်။ သဘာဝအလှတရားတွေ ပေါင်းဆုံနေတဲ့နေရာတွေကို အလည်ပတ်ခရီးသွားတာမျိုး အနည်းဆုံးတော့ သင့်အိမ်ထဲကနေအပြင်ကိုထွက်ပြီး စိမ်းစိုလှပတဲ့ ပန်းခြံတစ်ခုခုမှာ အနားယူအပန်းဖြေတာမျိုး လုပ်သင့်ပါတယ်။
(၄) သင့်စိတ်ကို လှုံ့ဆော်ပေးနိုင်မယ့် အရာတွေရှာဖွေပါ
Photo : NCultura
စာကြောင်းတစ်ကြောင်း ၊ Youtube ဗီဒီယိုတစ်ခု ၊ ရုပ်ရှင်တစ်ကား ၊ သီချင်းတစ်ပုဒ် စတဲ့အရာတွေကနေလည်း ကျွန်တော်တို့အတွက် Inspiration တွေများစွာရနိုင်ပါတယ်။ အကျိုးမဲ့တဲ့အရာတွေအတွက် အချိန်ကုန်ခံမယ့်အစား သင့်ကိုစိတ်ကူးစိတ်သန်းကောင်းတွေရစေမယ့် စာအုပ်လေးတွေ ၊ Youtube ပေါ်က စိတ်ခွန်အားဖြည့် ဗီဒီယိုလေးတွေ ၊ ရုပ်ရှင်နဲ့သီချင်းလေးတွေ ရှာဖွေကြည့်ရှု့သင့်ပါတယ်။
(၅) သင့်အတွေးတွေကိုချရေးပါ
Photo : Counselling Directory
စိတ်ကူးစိတ်သန်းနဲ့ ဖန်တီးနိုင်မှုတွေကို လှုံ့ဆော်ဖို့ သင့်ရဲ့အတွေးတွေကို ချရေးထားဖို့လိုပါတယ်။ ပြီးခဲ့တဲ့အချိန်တွေမှာ သင်ဘာအောင်မြင်မှုတွေရအောင် စွမ်းဆောင်နိုင်ခဲ့လဲ ရှေ့ဆက်ပြီး ဘယ်လိုထူးခြားတဲ့ ရလဒ်တွေရအောင် စွမ်းဆောင်ချင်လဲဆိုတာကို သင့်အနေနဲ့ အရိုးသားဆုံး စာအုပ်မှာရေးချမှတ်သားထားကြည့်ပါ။ သစ်လွင်တဲ့စိတ်ကူးသစ်တွေနဲ့ ရည်မှန်းချက်ပန်းတိုင်တွေ ချမှတ်လာနိုင်ပါလိမ့်မယ်။
Featured Photo : Inc. Magazine