ကိုယ်ကလည်း အဲဒီကောင်မလေးကို အရမ်းကို သဘောကျနှစ်ခြိုက်နေပြီ။ ကောင်မလေးကလည်း ကိုယ့်ကို သဘောကျသလိုလို ရှိပေမယ့်လည်း တကယ်ဟုတ်မဟုတ် ဆန်းစစ်ချင်တယ်။ အိန္ဒြေရရ နောက်ပိုးပိုးချင်တာ ဘယ်လို ပိုးရမလဲလဲ မသိဘူးဆိုရင်တော့ ခရက်ရှ်ကောင်မလေးကို စည်းရုံးသိမ်းသွင်းလို့ရနိုင်မယ့် နည်းလမ်းလေးတွေ ပြောပြပေးမယ်နော်။
အပြုံးနဲ့ ညှို့ယူပါ
Photo : Freepik
ကောင်မလေးကို တွေ့လိုက်မိတိုင်း ပြုံးသွားရတယ်ဆိုတဲ့ ခံစားမှုမျိုးကို ကိုယ်ချည်းပဲ ကြိတ်ဖီးလ်မနေပါနဲ့။ ဒီလောက်ကောင်းတဲ့ ခံစားမှုမျိုးကို ကောင်မလေးကိုလည်း ခံစားခွင့်ပေးလိုက်ပါ။ ထုတ်မပြောပေမယ့်လည်း သူ့ကိုတွေ့တိုင်း ရှင် ပြုံးမိသွားတယ်ဆိုတဲ့ ခံစားမှုကို သူကလည်း သိပ်ကျေနပ်နေမှာပါ။
ယုံကြည်မှုရှိတဲ့လူတစ်ယောက်အဖြစ် နေထိုင်ပါ
Photo : Freepik
ဒါက အပြုအမူနဲ့မဆိုင်တော့ပါဘူး။ စိတ်ထားနဲ့ သက်ဆိုင်သွားပါပြီ။ ကိုယ့်ကိုယ်ကိုယ် ယုံကြည်မှုရှိတဲ့သူတွေကိုသာ ကောင်မလေးတွေက သဘောကျကြတာပါ။ ကိုယ့်ကိုယ်ကိုယ် ယုံကြည်မှုမရှိဘဲ တွေဝေငေးမောတတ်တဲ့ ကောင်လေးတွေကို အထင်မကြီးကြပါဘူး။ ဒီတော့ ကိုယ့်ကိုယ်ကိုယ် ယုံကြည်မှုရှိအောင် တည်ဆောက်ယူပါ။
မျက်လုံးချင်းစကားပြောပါ
Photo : Freepik
ဒီနည်းလမ်းက အလွန်ကို ရိုးရှင်းပြီး အရမ်းကို ထိရောက်တဲ့ နည်းလမ်းလေးပါ။ ကိုယ်ချစ်ရတဲ့ ကောင်မလေးကို ငေးပြီး စိုက်ကြည့်မနေချင်တဲ့ လူရယ်လို့ ရှိမယ်မထင်ပါဘူး။ ကောင်မလေးကို ချစ်ရည်ရွှန်းလဲ့နေတဲ့ မျက်ဝန်းလေးနဲ့ ငေးကြည့်ရင်း ကောင်မလေးရဲ့ ရှက်ပြုံးလေးကို လက်ဆောင်ရယူပါ။
စိတ်ဓာတ်ခိုင်မာတဲ့သူတစ်ယောက် ဖြစ်ပါစေ
Photo : Freepik
စိတ်ဓာတ်ကြံ့ခိုင်ပြီး ခွင့်လွှတ်သည်းခံတတ်ကာ ရည်ရွယ်ချက်ကြီးမားတဲ့ ယောကျ်ားတွေဟာ သူတို့ရဲ့ စိတ်ကို မျက်နှာပေါ်မှာ အထင်းသားပေါ်လွင်နေတတ်ပါတယ်။ အထင်ကြီးစရာပါပဲ။ ဒီလို ရုပ်သွင်နဲ့ စိတ်ထားမျိုးပိုင်ဆိုင်သူကို ပြန်လည် မခရက်ရှ်ချင်စရာအကြောင်းကို မရှိတာပါ။
လမ်းလျှောက်တဲ့ပုံစံကို သတိထားပါ
Photo : Freepik
ကိုယ့်ရဲ့ လမ်းလျှောက်မှုပုံစံဟာ ခါးကိုင်းပြီး သက်တောင့်သက်သာ မဖြစ်တဲ့ ပုံစံဖြစ်နေလား သတိထားပါ။ လမ်းလျှောက်တဲ့ဟန်ကို ကိုယ့်ကိုယ်ကိုယ် ယုံကြည်မှုရှိတဲ့ ပုံစံမျိုးဖြစ်အောင် လေ့ကျင့်မွေးမြူပါ။ အဲဒီလိုသာ လမ်းလျှောက်မယ်ဆိုရင် သင့်ခရက်ရှ်တင်မက ကောင်မလေးတော်တော်များများကပါ ကြွေဆင်းသွားပါလိမ့်မယ်။
