လူတိုင်းလူတိုင်းက လောဘ ဒေါသ မောဟစိတ်တွေနဲ့ ကိုယ့်လက်ရှိဘဝကို ကျေနပ်စရာမကောင်းဘူးလို့ထင်မြင်တက်ကြပါတယ်။အဲ့ဒီလိုကိုယ့်ဘဝကိုအားမလိုအားမရမကျေမနပ်ဖြစ် တဲ့သူတွေထဲမှာသင်ရောပါဝင်နေပါသလား။ဒါဆိုရင်ကိုယ့်ဘဝ ကိုယ်ကျေနပ်အောင်ဘာတွေလုပ်ဆောင့်သင့်လဲ။ဘယ်လိုအချက်တွေကသင့်ရဲ့ပျော်ရွှင်ကျေနပ်ဖွယ်ကောင်းတဲ့ဘဝလေးတစ်ခုဖန်တီးနိုင်ဖို့အထောက်အကူပြုမှာလည်းဆိုတာ သိချင်ရင်တော့ဆက်ဖတ်ကြည့်လိုက်ပါအုန်းနော်။
(၁) ကိုယ့်ကိုယ်ကိုချစ်ပါ
Source : verywellmind.com
လူအများစုရဲ့ တစ်နေ့တာဖြတ်သန်းမှုတွေထဲမှာ အလုပ်တာဝန်တွေ မိသားစုတာဝန်တွေ အိမ်ထောင်တာဝန်တွေနဲ့ လုံးလည်ခြာလည်ရိုက်ရင်းကိုယ့်ကိုယ်ကိုချစ်ဖို့ ကိုယ့်ကိုယ်ကိုအချိန်ပေးဖို့မေ့လျော့နေတက်ပါတယ်။တခြားသူတွေရဲ့ချစ်ခြင်းမေတ္တာကနွေးထွေးမှုကိုပေးတယ်ဆိုပေမယ့်လည်း ကိုယ့်ကိုယ်ကိုချစ် တဲ့အချစ်ထက်ဘယ်အရာမှပိုမသာနိုင်ပါဘူး။ဒါကြောင့်ကိုယ်စိတ်ပျော်ရွှင်စေမယ့်အရာတွေ ကိုယ်ပိုင်သီးသန့်အချိန်တွေကိုယ် ရဲ့ဝါသနာတွေပြုလုပ်ဖို့လည်းမမေ့ပါနဲ့။ဒီနေ့ကစပြီးကိုယ့်ကိုယ်ကိုအပြည့်ဝချစ်လိုက်ပါ။
(၂) အဆိပ်အတောက်ဖြစ်စေမယ့်အရာတွေဖယ်ရှားပါ
Source : Shutterstock
ကိုယ့်အတွက်အဆိပ်အတောက်ဖြစ်စေမယ့်အရာတွေမှန်သမျှဘဝထဲကမောင်းထုတ်လိုက်ပါ။ကိုယ့်အပေါ်မကောင်းတဲ့အပေါင်းအသင်းတွေ ကိုယ့်ကိုနားလည်မပေးနိုင်ပဲအမြဲပြဿနာရှာနေတဲ့ချစ်သူရည်းစားတွေ ဒါတွေဟာလည်းတစ်နည်းနည်း နဲ့တော့ကိုယ့်ဘဝအတွက် အဆိပ်အတောက်ဖြစ်နေစေမှာသေချာပါတယ်။ဒါကြောင့်ဒီလိုအဆိပ်အတောက်ဖြစ်စေမယ့်မကောင်းတဲ့အရာမှန်သမျှကို လက်မခံမထားသင့်ပါဘူး။ကိုယ့်ဘ ဝအတွက်ကောင်းမွန်တဲ့အရာတွေက အမြဲစောင့်ကြိုနေသေးတယ်ဆိုတာသတိရပါ။
(၃) ခေါက်ရိုးကျိုးဘဝထဲကရုန်းထွက်ပါ
Source : yourmission.org
နေ့စဉ်အလုပ်နဲ့အိမ် အိမ်နဲ့အလုပ်လိုခေါက်ရိုးနေတဲ့ဘဝကြီးက ငြီးငွေ့စရာကောင်းတယ်ဆိုတာ သေချာပါတယ်။ဒီလိုပုံစံခွက်ကြီးထဲမှာစက်ရုပ်လူသားတွေလိုနေ့စဉ်ရုန်းကန်လှုပ်ရှားနေရတဲ့သူတွေအားလုံးကလည်းမိမိတို့ရဲ့ဘဝကိုကျေနပ်မှာမဟုတ် ပါဘူး။မလွဲမရှောင်လို့သာလုပ်နေကြရတာဖြစ်သလို ခေါက်ရိုး ကျိုးဘဝကြီးကနေရုန်းထွက်ဖို့လမ်းစမတွေ့သေးတာလည်းဖြစ် နိုင်ပါတယ်။ဒါကြောင့်ဒီလိုခေါက်ရိုးကျိုးနေတဲ့ဘဝကရုန်းထွက်နိုင်ဖို့ ကိုယ့်ဘဝမှာတစ်ခါမှမလုပ်ခဲ့ဖူးသေးတဲ့အရာတွေလုပ်တာ မရောက်ဖူးတဲ့ဒေသတွေကိုခရီးထွက်တာ မသိသေးတဲ့ပညာရပ်တွေကိုလေ့လာတာစသည့်ဖြင့်အတွေ့အကြုံအသစ်တွေရနိုင်မယ့်အရာတွေများများပြုလုပ်ပါ။
(၄) ကျန်းမာရေးကိုအလေးထားပါ
Source : Runtastic
ကျန်းမာခြင်းသည်လာဒ်တစ်ပါးဆိုတာလူတိုင်းလက်ခံမယ်ထင်ပါတယ်။လူတစ်ယောက်မှာစိတ်ရဲ့ကျန်းမာရေးကအရေးကြီးသလိုခန္ဓာကိုယ်နဲ့ သက်ဆိုင်တဲ့ရုပ်ကျန်းမာရေးကလည်း အရမ်းကိုအရေးကြီးပါတယ်။ကျန်းမာရေးမကောင်းတဲ့လူတစ်ယောက်အနေနဲ့ဘယ်နည်းနဲ့မှစိတ်သွားတိုင်းကိုယ်မပါသလို ကျေနပ်စရာကောင်းတဲ့ဘဝလို့လည်းခံစားမိကြမှာမဟုတ်ပါဘူး။ဒါကြောင့်ကျန်းမာရေးနဲ့ပတ်သတ်ပြီးပုံမှန်ကစားလုပ်တာ မျိုး စိတ်အေးချမ်းမှုကိုဖြစ်စေဖို့တရားထိုင်တာမျိုး ခန္ဓာကိုယ် ကျန်းမာရေးကိုဆိုးရွှာစွာထိခိုက်စေတဲ့ အရက်နဲ့ဆေးလိပ် စတဲ့ အရာတွေကိုဖြတ်တာမျိုးစသည့်ဖြင့်ပြုလုပ်ပြီးမိမိကျန်းမာရေး အတွက်ဂရုစိုက်နေထိုင်သင့်ပါတယ်။
(၅) အကောင်းမြင်စိတ်ထားပါ
Source : Pinterest
အရာရာတိုင်းအပေါ်အကောင်းမြင်စိတ်ရှိမယ်ဆိုရင် ကျေနပ်စရာကောင်းတဲ့ဘဝတစ်ခုအဖြစ်ခံစားလို့ရစေမှာသေချာပါတယ်။ဒီလိုမှမဟုတ်ပဲ အမြဲမကောင်းမြင်စိတ်တွေကသင့်အပေါ်ကြီးစိုးနေမယ်ဆိုရင်တော့ ဘဝမှာပူလောင်မှုတွေကိုပဲ ခံစားနေရမှာဖြစ်ပါတယ်။မိမိကိုယ်ကိုယ်အကောင်းမြင်စိတ်ရှိဖို့လိုသလို မိမိပတ်ဝန်းကျင်ကလူတိုင်းကိုလည်းအကောင်းမြင်စိတ်လေးထားတက်ဖို့က လိုအပ်ပါတယ်။လူတိုင်းကိုအကောင်းမြင်စိတ်လေးနဲ့ကြည့်ပြီး အပြုံးနဲ့ဆက်ဆံခြင်းက ဘဝမှာအောင်မြင်မှုပိုရရှိနိုင်သလို စိတ်ချမ်းမြေ့စရာကောင်းတဲ့နေ့ရက်တွေကိုလည်း ပိုင်ဆိုင်ရမှာဖြစ်ပါတယ်။
