အမျိုးသားတွေ First Date မှာ လက်ရှောင်ရမယ့် ဖက်ရှင်စတိုင်လ်များ

ကွီးတို့ရဲ့ ချစ်သူကောင်မလေးနဲ့ ပထမဆုံးဒိတ်လုပ်တဲ့အခါ ဝတ်စားဆင်ယင်မှုကို သေချာလေးပြင်ဆင်သွားဖို့ လိုပါလိမ့်မယ်။ ဘာလို့ဆို မိန်းကလေးအများစုက လူတစ်ယောက်နဲ့ ပထမဆုံးအကြိမ်တွေ့ဆုံမှုမှာ ဝတ်စားဆင်ယင်မှုကို ကြည့်ပြီး အကဲဖြတ် အမှတ်ပေးလေ့ရှိတာကြောင့် တလွဲဖက်ရှင်တွေဝတ်မသွားမိဖို့ အထူးသတိပြုသင့်ပါတယ်။ ဒါကြောင့် ဒီတစ်ခေါက်မှာတော့ First Date မှာ ကွီးတို့လက်ရှောင်ရမယ့် ဖက်ရှင်စတိုင်လ်ကိုပြောပြပေးချင်ပါတယ်။

(၁) Hoodie ဖက်ရှင်

Photo : GQ

Hoodie ဖက်ရှင်တွေက လူငယ်ဆန်ပြီး အထာကျတယ်ဆိုပေမယ့် First Date မှာတော့ ရှောင်သင့်ပါတယ်။ ရာသီဥတုအေးမနေရင် ထူထူထည်ထည် Hoodie ဖက်ရှင်တွေက ပူအိုက်စေပြီး ကွီးတို့ကို အနေခက်စေမှာပါ။ Hoodie တွေအစား denim jacket ဝတ်ဆင်တာပိုပြီးအဆင်ပြေပါတယ်။

(၂) ခြေညှပ်ဖိနပ်

Photo : TheSmartLocal

ပြီးပြည့်စုံတဲ့ဖက်ရှင်စတိုင်လ်ရဖို့ ဖိနပ်တွေရဲ့အရေးပါမှုကိုလည်း မေ့ထားလို့မရပါဘူး။ အဝတ်အစားဘယ်လောက်ပဲ ကောင်းကောင်းဝတ်ဆင်ထားပါစေ သာမာန်ပေါပေါပဲပဲ ခြေညှပ်ဖိနပ်နဲ့ဆို ကွီးတို့ရဲ့စတိုင်လ်ကျမှုက အားနည်းနေမှာဖြစ်ပါတယ်။ ဒါကြောင့် First Date မှာ ရှုးဖိနပ်ကောင်းကောင်း စီးသွားဖို့မှာချင်ပါတယ်။

(၃) ဦးထုပ် / နေကာမျက်မှန်

Photo : Pinterest

ဦးထုပ်ဆောင်း နေကာမျက်မှန်အမဲကြီးတပ်ပြီး ကောင်မလေးကိုသွားတွေ့တာက အနည်းငယ် ရူးကြောင်ကြောင်နိုင်နေပါလိမ့်မယ်။ ကွီးတို့ဟာ စပိုင်တစ်ယောက်မဟုတ်သလို တစ်စုံတစ်ခုကို ဖုံးကွယ်ဖို့ ကြိုးစားနေတာမဟုတ်ရင် ဦးထုပ်နဲ့ နေကာမျက်မှန်တွေကိုအိမ်မှာပဲထားခဲ့လိုက်ပါ။ Hair Style သပ်သပ်ရပ်ရပ်နဲ့ ခပ်သန့်သန့်စတိုင်လ်နဲ့ပဲ ကောင်မလေးကိုသွားတွေ့သင့်ပါတယ်။

(၄) Accessories တွေ

Photo : Pinterest

Accessories ပစ္စည်းတွေ ရှုပ်ရှက်ခတ်နေအောင်ဆင်ထားမယ်ဆိုရင် ကွီးတို့ရဲ့ဖက်ရှင်စတိုင်လ်က ကြည့်လို့ အဆင်ပြေနေမှာ မဟုတ်ပါဘူး။ ကြိုးတွေအများကြီး တို့လို့တွဲလောင်း ဝတ်ထားတာမျိုး ၊ လက်ပတ်တွေအများကြီး ပတ်ထားတာမျိုး ရှောင်ကြဉ်သင့်ပါတယ်။ စတိုင်လ်ကျကျနဲ့ ကွီးတို့ကြည့်ကောင်းနေဖို့အတွက်ဆို လက်ပတ်နာရီကောင်းကောင်းတစ်လုံးဝတ်ထားရင်ပဲ လုံလောက်ပါပြီ။

(၅) ဟဲဗီးဖက်ရှင်ပုံစံများ

Photo : Focused Collection

ကောင်မလေးရဲ့အထင်ကြီးမှုရဖို့ ဖက်ရှင်ကို ဟဲဗီးဖြုတ်သွားတာမျိုးမလုပ်ပါ။ အကောင်းစား Suit ကြီးဝတ်မှ ကွီးတို့ကိုဖက်ရှင်ကျစေတာမဟုတ်ပါဘူး။ ပေါ့ပေါ့ပါးပါးနဲ့ ကိုယ့်ကိုယ်ကို ယုံကြည်မှုအပြည့်ရှိစေမယ့် တော်သင့်ရုံဖက်ရှင်မျိုး ရွေးချယ်တာ First Date အတွက်ပိုသင့်တော်ပါတယ်။

Featured Photo : The New Yorker