နက်ခ်တိုင်ဝတ်ဆင်ကာ စမတ်ကျကျဖက်ရှင်မျိုး ဖန်တီးချင်တဲ့ ယောကျာ်းများအတွက် ရှပ်အင်္ကျီနှင့် နက်ခ်တိုင်အတွဲအစပ်ဖက်ရှင်

ရုံးတက်ရုံးဆင်းဖက်ရှင်များကို စမတ်ကျကျ ဝတ်ဆင်ချင်တဲ့ ယောကျာ်းများအတွက် နည်းလမ်းကောင်းတစ်ခုရှိပါတယ်။ ထိုနည်းလမ်းကောင်းကတော့ တီရှပ်၊ စတိုင်လ်ဘောင်းဘီတို့ကို နက်ခ်တိုင်နဲ့ တွဲဖက်ဝတ်ဆင်ခြင်းပဲဖြစ်ပါတယ်။

နက်ခ်တိုင်သည် မြန်မာနိုင်ငံရှိ အမျိုးသားများ ဝတ်ဆင်နေကျမဟုတ်တဲ့အတွက်ကြောင့် နက်ခ်တိုင် ရွေးချယ်တဲ့အခါ မှန်ကန်တဲ့ နက်ခ်တိုင်မျိုး ရွေးချယ်ဖို့လည်း လိုအပ်ပါတယ်။

ဒါဆိုရင် နက်ခ်တိုင်ကို ဘယ်လိုဖက်ရှင်မျိုးနဲ့ လိုက်ဖက်ညီအောင် ဝတ်ဆင်သင့်သလဲဆိုတာ ဆက်လေ့လာကြည့်လိုက်ရအောင်။

အဖြူရောင် တီရှပ်နဲ့ အစင်းကျား နက်ခ်တိုင်ကို တွဲဖက်ဝတ်ဆင်ပါ

တီရှပ်နဲ့ ပတ်သက်လာရင်တော့ အဖြူရောင် တီရှပ်သည် Basic အကျဆုံး တီရှပ်တစ်မျိုးဖြစ်ပါတယ်။

မည်သည့်ဘောင်းဘီအရောင်နဲ့မဆို လိုက်ဖက်တာကြောင့် နံပါတ်တစ်ဦးစားပေးအနေနဲ့ ရွေးချယ်သင့်ပါတယ်။

ပန်းရောင်တီရှပ်နှင့် ဝိုင်နီရောင် ဗြောင်နက်ခ်တိုင်

ပန်းရောင်တီရှပ်သည် အမျိုးသားများ ဝတ်ဆင်ရမှာ ကြောက်ရွံ့ကြတဲ့အရောင်တစ်မျိုးဖြစ်ပါတယ်။

ဒါပေမဲ့ တကယ်တမ်း ဝတ်ဆင်ကြည့်တဲ့အခါ ဘယ်လောက်တောင် ဖက်ရှင်ကျစေသလဲဆိုတာကို ကွက်ကွက်ကွင်းကွင်းတွေ့မြင်သွားပါလိမ့်မယ်။

အပြာနုရောင် တီရှပ်နှင့် ခရမ်းရောင် နက်ခ်တိုင်

အပြာနုရောင်တီရှပ်ကတော့ အမျိုးသားတိုင်းနဲ့ လိုက်ဖက်တဲ့ အရောင်တစ်မျိုးဖြစ်ပါတယ်။

ထိုတီရှပ်ကို ခရမ်းရောင် နက်ခ်တိုင်နဲ့ တွဲဝတ်ရင်တော့ အလိုက်ဖက်ဆုံးဖြစ်သွားပါလိမ့်မယ်။

အစင်းကျား နက်ခ်တိုင်နှင့် ဒေါင်လိုက် အစင်းကျား ရှပ်အင်္ကျီ

အစင်းကျားရှပ်အင်္ကျီများကို နက်ခ်တိုင်နဲ့ တွဲဝတ်တဲ့အခါ အနည်းငယ် သတိထားဖို့တော့လိုအပ်ပါလိမ့်မယ်။ အမှားအယွင်း မရှိချင်ဘူးဆိုရင်တော့ အရောင်ရင့်ရင့် ဗြောင်နက်ခ်တိုင်မျိုးကို ရွေးချယ်သင့်ပါတယ်။