Jeans ဖက်ရှင် တွေထဲမှာ ကွီးတို့ အဝတ်အများဆုံးအမျိုးအစားတွေက Slim Fit နဲ့ Skinny Fit ဖြစ်မယ်လို့ ထင်ပါတယ်။ Regular Fit လို ဖက်ရှင်မျိုးကတော့ အခုနောက်ပိုင်း သိပ်ပြီး ဝတ်တာ မတွေ့ရတောပါဘူး။ ဒါပေမယ့်လည်း လူလတ်ပိုင်းနဲ့ နည်းနည်းပိုကြီးတဲ့ အရွယ်တွေမှာတော့ ဝတ်ဆဲပါပဲ။

အခုနောက်ပိုင်းမှာက Slim Fit နဲ့ Skinny Fit ဖက်ရှင်တွေက လူကြိုက်ပိုများလာပါတယ်။ Skinny Fit ဆိုတာ နာမည်အတိုင်း ခြေသလုံးသား နဲ့ ခြေကျင်းဝတ်တွေမှာ ကပ်နေတဲ့ Fitting မျိုးပါ။ Slim Fit ကတော့ ခြေထောက်နေရာတွေမှာ နည်းနည်း Space ပိုထားပြီး အရမ်းကြီး အသားမကပ်လို့ သက်တောင့်သက်သာရှိမှုနဲ့အတူ လေဝင်လေထွက်ပါ ကောင်းပါတယ်။

Photo: Forbes

Slim Fit တွေက Straight-Leg Jeans တွေနဲ့ ဆင်ပြီး ခြေထောက်နေရာမှာ ပိုကျဉ်းပါတယ်။ ပုံမှန် Regular Jeans တွေထက် Baggy မဖြစ်ဘူး။ သပ်ရပ်ပြီး လူကို Slim Down ဖြစ်သွားစေပါတယ်။ Slim Fit တွေရဲ့ အားသာချက်က လှုပ်ရှားရ လွတ်လပ်ပြီး ‌ဘော်ဒီဖရိမ် ပုံစံပိုကျစေပါတယ်။ အသားသိပ်ကပ်မနေဘဲ ဘော်ဒီပိုချိုး ပိုကျစေပါတယ်။ သက်တောင့်သက်သာရှိပြီး Stylish ဖြစ်စေပါတယ်။

Slim Fit နဲ့ ဝတ်သင့်တဲ့ ဖက်ရှင်အနေနဲ့ သပ်သပ်ရပ်ရပ် ဝတ်ချင်ရင် Blazer နဲ့ Dress Shirt ကို ဝတ်နိုင်ပြီး Casual ဆိုရင် T-Shirt လောက်နဲ့ ဖြစ်ပါတယ်။ ရှပ်တွေ Fit ဖြစ်နေဖို့ကတော့ သိပ်အရေးကြီးပါတယ်။ Slim Fit တွေက Skinny တွေထက် ခြေဝ Leg Opening ပိုကျယ်တာကလည်း ပိုအဆင်ပြေပါတယ်။ ဒါပေမယ့်လည်း Skinny ဝတ်မယ်ဆိုလည်း မှားစရာမရှိပါဘူး။

Photo: mainlinemenswear

Skinny တွေက များသောအားဖြင့် ဆွဲဆန့်နိုင်တဲ့ Stretch သားနဲ့လာလို့ ပွနေတာ ၊ ခန္ဓာကိုယ်နဲ့ ပုံမကျတာတွေ အဖြစ်နည်းပါတယ်။ Slim Fit တွေထက် ပိုကျပ်ပေမယ့် Skinny တွေကလည်း Comfy ဖြစ်ပါတယ်။ Jeans ဖက်ရှင်မှာတော့ ယောင်္ကျားလေးတွေနဲ့ ပိုလိုက်ဖက်တာက Skinny ထက် Slim Fit Type ဖြစ်ပါတယ်။

ဘောင်းဘီအပြင် တခြားတီရှပ်နဲ့ ဂျက်ကတ်ဖက်ရှင်တွေရဲ့ Fitting ကျမှုနဲ့ ပွ/ကျပ်တာကိုလည်း ထည့်စဉ်းစားရလို့ ဖြစ်ပါတယ်။ Body နဲ့ ကပ်နေတဲ့ Jeans တွေ Pant တွေ ကြိုက်ရင် Skinny Fit မျိုး ရွေးသင့်ပြီး Slim စတိုင်ကိုမှ သိပ်အကျပ်ကြီး မဝတ်ချင်ရင် Slim Fit ဝတ်ဖို့ ပြောချင်ပါတယ်။

Featured Photo: HiConsumption