အသစ်အသစ်သော တီထွင်ဖန်တီးမှုများသည် ကမ္ဘာလောကကြီးထဲတွင် အချိန်နှင့်အမျှ ထွက်ပေါ်နေတာဖြစ်ပါတယ်။ ထိုကဲ့သို့ အသစ်တီထွင်ဖန်တီးမှုများထဲတွင် အနုပညာကဏ္ဍရဲ့ တီထွင်ဆန်းသစ်မှုတွေကိုလည်း မေ့ထားလို့မရပါဘူး။ လူငယ်တွေရဲ့ အနုပညာချစ်မြတ်နိုးပြီး ရူးသွပ်မှု Level အလိုက် သူတို့ရဲ့သီချင်းတွေရဲ့ ခံစားသက်ဝင်မှုသည်လည်း ကွာခြားသွားပါတယ်။ အခုမှ အနုပညာအလုပ်ကို စလုပ်တဲ့ တက်သစ်စ လူငယ် အဆိုတော် တွေနဲ့ သူတို့ရဲ့ သီချင်း တွေကို သေချာနားဆင်ခံစားကြည့်မယ်ဆိုရင် သူတို့သည် တစ်ချိန်ချိန်မှာ ကမ္ဘာကျော်လာမယ့်သူတွေ ဖြစ်လာမယ်ဆိုတာကို ခံစားသိနိုင်ပါတယ်။
Wallice
Wallice သည် အသက် ၂၂ နှစ်အရွယ်မှာ သီချင်းစတင်ရေးနေပြီဖြစ်ပြီး သူရေးတဲ့ သီချင်းများသည် အသည်းကွဲသီချင်းများ၊ နာကျင်ခံစားမှုဝေဒနာများအကြောင်း ရေးဖွဲ့ထားတာဖြစ်ပါတယ်။ အသက် ၂၃ အရွယ်ကျမှ သီချင်းများ စတင်သီဆိုခဲ့တာဖြစ်ပါတယ်။ သူ(မ)သည် ၂၀၂၀ တုန်းက ကျောင်းထွက်ခဲ့ပြီး ကျောင်းထွက်ခဲ့တဲ့ တစ်နှစ်တာလုံးလုံး အရှုံးသမားတစ်ယောက်လို ခံစားရတာဖြစ်ကြောင်း အင်တာဗျူးတစ်ခုတွင် ပြောပြခဲ့ပါတယ်။
သူ(မ)ရဲ့ နောက်ဆုံးထွက်ရှိထားတဲ့ သီချင်းကတော့ Wisdom Tooth ဖြစ်ပါတယ်။ တက်သစ်စ လူငယ် အဆိုတော် တစ်ဦးရဲ့ သီချင်း ကောင်းတစ်ပုဒ်ကို နားဆင်ခံစားချက်တယ်ဆိုရင်တော့ ဒီသီချင်းကို အရင်ဦးဆုံး နားထောင်လိုက်ပါ။
Paris Texas
ကွီးတို့အနေနဲ့ Heavy Metal သီချင်းတွေကို ကြိုက်နှစ်သက်တယ်ဆိုရင်တော့ ဒီအဖွဲ့ကို အားပေးသင့်ပါတယ်။ သူတို့ရဲ့ သီချင်းသီဆိုပုံတွေသည်လည်း ဝါရင့်အဆိုတော်တွေလိုမျိုးပဲ အထာကျနေတာကို တွေ့မြင်ရမှာပါ။
EKKSTACY
သူကတော့ ၂၀၂၁ ကမှ ၁၉ နှစ် ပြည့်ထားတာဖြစ်ပါတယ်။ သူ့ရဲ့ပွဲဦးထွက်အယ်လ်ဘမ်အတွက် အချိန်တော်တော်ယူခဲ့ရတာဖြစ်ကြောင်း သီချင်းခွေထွက်ရှိလာတဲ့ခဲ့နောက်မှာလည်း Spotify လို Music Platform တစ်ခုမှာ ပရိသတ်တွေရဲ့ အားပေးမှုကြောင့် ဝမ်းသာခဲ့၇ကြောင်း အင်တာဗျူးတစ်ခုမှာ ဖြေကြားထားခဲ့ပါသေးတယ်။
သူ့သီချင်းလေးက မြူးမြူးကြွကြွလေးနဲ့ နားထောင်လို့ကောင်းပြီး သူမတူတဲ့သီဆိုဟန်ကလည်း သူ့ရဲ့ပင်ကိုစတိုင်လ်ကို ပေါ်လွင်စေတာကို တွေ့မြင်ခံစားရမှာပါ။
PinkPantheress
သူ(မ)ကတော့ အနုပညာလောကထဲကို ၂၀၂၁ ခုနှစ်က စတင် ဝင်ရောက်လာခဲ့တာဖြစ်ပါတယ်။ သူ့ရဲ့သီချင်းတစ်ပိုင်းတစ်စကို TikTok ပေါ်တွင် တင်ထားရတာ လူကြိုက်များပြီး နာမည်ကြီးလာတာဖြစ်ပါတယ်။
R&B သီချင်းလေးတွေကို ကြိုက်နှစ်သက်သူတွေအနေနဲ့ သူ(မ)ရဲ့သီချင်းလေးတွေကို နားဆင်ခံစားရင်း သူ(မ)ကို အားပေးနိုင်ပါတယ်။
spill tab
သူ(မ)ကတော့ အသံချိုချိုလေး ပိုင်ဆိုင်ထားပြီး Spotify မှာ သီချင်းချစ်သူတွေ အများဆုံး နားထောင်ဖြစ်ကြတဲ့ သီချင်းကတော့ Velcro ဆိုတဲ့ သီချင်းလေးပဲဖြစ်ပါတယ်။
နောက်ဆုံးထွက်ရှိထားတဲ့ Cotton Candy သီချင်းသည်လည်းပဲ သီချင်းချစ်သူတွေကြားထဲမှာ တရိပ်ရိပ်နဲ့ နားထောင်သူတွေ များလာတာကို တွေ့ရပါလိမ့်မယ်။
ကွီးတို့အနေနဲ့ အခုဖော်ပြသွားတဲ့ တက်သစ်စ လူငယ် အဆိုတော် များနဲ့ သူတို့ရဲ့ သီချင်း တွေအပေါ် ဘယ်လိုထင်မြင်ယူဆမိပါသလဲ။ တစ်နေ့နေ့တစ်ချိန်ချိန်မှာ ကမ္ဘာကျော်လာပြီး အောင်မြင်လာမယ်လို့ ယူဆပါသလား။
Source: Complex
