ဖရန့်ဖွတ်အသင်းဟာ ဝက်စ်ဟမ်း ယူနိုက်တက်အသင်းကို အနိုင်ယူပြီး ယူရိုပါလိဂ် ဗိုလ်လုပွဲကို တက်ရောက်နိုင်မယ်လို့ မျှော်လင့်နေပြီး ကီဗင် ထရက်ပ် ဟာ ယနေ့ည ဆီမီးဖိုင်နယ်ပွဲစဉ်မှာ ပရီးမီးယားလိဂ်အသင်းကို ရပ်တန့်ဖို့အတွက် နောက်ထပ် စိတ်ဓာတ်ခွန်အားတစ်ခု ပေးခြင်းခံခဲ့ရပါတယ်။
Photo: Daily Star
အဲဒီအကြောင်းကို မကြာသေးမီက သိခဲ့ရတာဖြစ်ပြီး ဖရန့်ဖွတ် ဂိုးသမားဟာ ဝက်စ်ဟမ်း ယူနိုက်တက်အသင်းနဲ့ပွဲစဉ်မှာ ရှုံးနိမ့်ခဲ့မယ်ဆိုရင် ၎င်းနဲ့ စေ့စပ်ထားတဲ့ ဇနီးလောင်း မော်ဒယ် အစ်ဇ်ဘယ် ဂူးလာ့တ်နဲ့ ချစ်တင်းနှောခွင့် ပိတ်ပင်ခြင်းခံရမယ်လို့ သိရပါတယ်။ ဗစ်တိုးရီးယား ဆီးခရက် အလှမယ်ဟာ ၂၀၁၈ ခုနှစ်တုန်းက ပီအက်စ်ဂျီအသင်းအတွက် ကီဗင် ထရက်ပ် ကစားပေးနေတဲ့ဓာတ်ပုံကို မျှဝေခဲ့ပြီး ချစ်မြတ်နိုးနေမှုကို ပေါ်လွင်စေခဲ့တာ ဖြစ်ပါတယ်။
ဂူးလာ့တ်ဟာ နောက်တစ်နှစ်မှာ ဂျာမနီကို အပြီးသတ် ပြန်လည်ပြောင်းရွှေ့လာတဲ့ အသက် ၃၁ နှစ်အရွယ် ဂိုးသမားကို လူမှုကွန်ရက်မှာ followed လုပ်ခဲ့ပြီး ၎င်းတို့ရဲ့ အတောမသတ်နိုင်တဲ့ အိပ်ခန်းအတွင်းက အချစ်အချိန်ဇယားအကြောင်း ဖွင့်ဟခဲ့တာဖြစ်ပါတယ်။ Ralph Lauren နဲ့ Dolce & Gabbana တို့လို နာမည်ကြီး အမှတ်တံဆိပ်တွေအတွက် မော်ဒယ်လုပ်ပေးခဲ့တဲ့ အသက် ၃၇ နှစ်အရွယ် ဘရာဇီးလ် မော်ဒယ်ဟာ မကြာသေးခင်က The Sun ကို “ကီဗင်နဲ့ ကျွန်မ အများကြီး ချစ်တင်းနှောကြတယ်။ တစ်ပတ်ကို ၄ ကြိမ်၊ ၅ ကြိမ်လောက်ရှိမယ်”
Photo: Daily Star
“ဒါပေမယ့် သူ အရေးကြီးတဲ့ပွဲစဉ်တွေမှာ ကစားခဲ့ရပြီး သူ့အသင်းရှုံးနိမ့်ခဲ့ရင် ကျွန်မ ကိုယ့်ကိုကိုယ် လှအောင် လုပ်တယ်။ ကျွန်မ လက်သည်းတွေကို လက်သည်းနီဆိုးတယ်။ ကျွန်မရဲ့ အကောင်းဆုံး အတွင်းခံကို ဝတ်တယ်။ ပြီးတော့ သူ့ကို ချစ်တင်းနှောခွင့်မပေးဘူး”လို့ ပြောကြားခဲ့ပါတယ်။ ဘွန်ဒက်စ်လီဂါအသင်းဟာ ၃ နှစ်အတွင်း ဒုတိယအကြိမ်မြောက် ယူရိုပါလိဂ် ဆီမီးဖိုင်နယ်အဆင့်ကို ယှဉ်ပြိုင်သွားရမှာဖြစ်ပြီး အသင်းသမိုင်းတလျှောက် ဒုတိယအကြိမ် ယူရိုပါလိဂ်ဖလားကို ရရှိချင်နေတာဖြစ်ပါတယ်။
ဒါပေမယ့် ဝက်စ်ဟမ်းအသင်းကလည်း ယူရိုပါလိဂ်ဖလားကို အရယူပြီး လာမယ့်နှစ် ချန်ပီယံလိဂ်ဝင်ခွင့်ရရှိအောင်လုပ်ဖို့ စိတ်ပိုင်းဖြတ်ထားတာကြောင့် ပွဲကြီးပွဲကောင်းတစ်ပွဲဖြစ်လာတော့မှာဖြစ်သလို ကီဗင် ထရက်ပ်အတွက်လည်း ညစာငတ်မလား၊ ဂုဏ်ပြုညစာ စားရမလားဆိုတာ ရင်ခုန်ရတော့မှာဖြစ်ပါတယ်။
Featured Photo: Daily Star
