အောင်မြင် ခြင်းနဲ့ ပျော်ရွှင် ခြင်းတို့ကို ကွီးတို့ ဘဝမှာ တစ်ပြိုင်နက်တည်း ပိုင်ဆိုင် နိုင်တယ်ဆိုရင် ယုံမှာလား။ တကယ်တော့ ထိုအရာနှစ်ခုကို တစ်ပြိုင်နက်တည်း ပိုင်ဆိုင်နိုင်ပါတယ်။ အဓိကကတော့ အခုဖော်ပြပေးမယ့် အချက်များကို မမေ့လျော့ဖို့ပါပဲ။
ဒီအချက်များကို သိထားမယ်ဆိုရင်တော့ ကွီးတို့ ဘဝမှာ အောင်မြင် ခြင်းနဲ့ ပျော်ရွှင် ခြင်းတို့ကို တစ်ပြိုင်နက်တည်း ပိုင်ဆိုင် နိုင်ပါပြီ။
ကျန်းမာခြင်းသည် လာဘ်တစ်ပါးဆိုတာကို သတိရပါ
ကွီးတို့ရဲ့ ရုပ်ပိုင်းဆိုင်ရာ ကျန်းမာရေးနဲ့ စိတ်ပိုင်းဆိုင်ရာ ကျန်းမာရေးတို့ကို လျစ်လျူရှုလိုက်မယ်ဆိုရင်တော့ နောက်ဆက်တွဲ ဆိုးကျိုးတွေ အများကြီးကို ခံစားရနိုင်ပါတယ်။ ကွီးတို့သည် ကိုယ်ရော စိတ်ပါ ကျန်းမာနေမယ်ဆိုရင်တော့ ကွီးတို့ ကြံစည်သမျှ အရာအားလုံးကို အောင်မြင်စွာ လုပ်ဆောင်နိုင်မှာပဲ ဖြစ်ပါတယ်။
ကွီးတို့ ချစ်ရသူတွေနဲ့ အတူတူ ပျော်ရွှင်စရာကောင်းတဲ့ အချိန်မျိုး ကုန်ဆုံးဖူးပါသလား
ဒါဆိုရင်တော့ ကွီးတို့လောက် ပျော်ရွှင်ရမယ့်သူ ကမ္ဘာပေါ်မှာ ရှိမှာ မဟုတ်ပါဘူး။ သူငယ်ချင်း မိတ်ဆွေ အပေါင်းအသင်းများ၊ မိသားစုများနဲ့ တန်ဖိုးရှိတဲ့ အချိန် ကုန်ဆုံးခြင်းအားဖြင့် အချိန်တစ်ခုရောက်မှ နောင်တရရတဲ့ အဖြစ်မျိုးကနေ ကင်းဝေးရမှာပဲ ဖြစ်ပါတယ်။
လူတိုင်းကို စိတ်ကျေနပ်အောင် လုပ်ပေးနေစရာမလိုပါဘူး
ကွီးတို့ရဲ့ တန်ဖိုး၊ ကွီးတို့ရဲ့ ဆုံးဖြတ်ချက်အတိုင်းသာ လုပ်ဆောင်ပါ။ ကိုယ့်ရဲ့ ရည်မှန်းချက် ပန်းတိုင်အတွက် ဘယ်လို ဆုံးဖြတ်ချက်မျိုးကို ချမှတ်ရမလဲဆိုတာ ကွီးတို့ ကိုယ်တိုင်သာ ဆုံးဖြတ်ရမှာပါ။ လူတိုင်းကို စိတ်ချမ်းသာအောင် လုပ်ပေးနေရမယ့် တာဝန် ကွီးတို့ဆီမှာ မရှိပါဘူး။ ဒါ့ကြောင့် ကိုယ့်ဘဝကို ပျော်ပျော်ကြီးသာ ဖြတ်သန်းပါ။ ဘယ်သူတွေ ထိန်းချုပ် ခြယ်လှယ်တာကိုမှ လက်မခံပါနဲ့။
အလုပ်နဲ့ ကိုယ်ပိုင်ဘဝ မျှခြေရှိပါစေ
ကွီးတို့ ကြိုက်နှစ်သက်တဲ့ အလုပ်ကို လုပ်ဖို့လည်း လိုအပ်ပါတယ်။ အလုပ်မှာ တာဝန် အကျေလွန်ပြီး ကိုယ်ပိုင်ဘဝ ပျောက်သွားတဲ့အထိလည်း မဖြစ်ပါစေနဲ့။ ကိုယ့်ရဲ့ အလုပ်အတွက် အချိန်သပ်သပ်၊ ကိုယ့်ရဲ့ ကိုယ်ပိုင်ဘဝအတွက် အချိန်သပ်သပ် ဖယ်ထားပါ။ ဒါမှသာလျှင် ကွီးတို့သည် ကိုယ်ရော စိတ်ပါ ကျန်းမာ ပျော်ရွှင်ရမှာဖြစ်ပြီး အောင်မြင်မှု အစစ်အမှန်ကို ပိုင်ဆိုင်နိုင်မှာပါ။
လေ့လာသင်ယူမှုကို ဘယ်တော့မှ မရပ်တန့်လိုက်ပါနဲ့
လောကမှာ ကွီးတို့ မသိသေးတဲ့ အရာတွေသည် အများကြီးပဲ ကျန်ရှိနေပါသေးတယ်။ ဒါ့ကြောင့် ငါသိ ငါတတ် ပြီဆိုတဲ့ စိတ်နဲ့ ဆရာကြီး အထာဖမ်းနေရင်တော့ အများနောက်မှာ နောက်ကောက်ကျ ကျန်ခဲ့မှာပါ။ ဒါ့ကြောင့် ကွီးတို့ ဘဝမှာ နေ့ရက်တိုင်း နေ့ရက်တိုင်းမှာ လေ့လာသင်ယူမှု အသစ် အသစ်တွေကို ပြုလုပ်ဖို့ လိုအပ်ပါတယ်။ ဒါမှသာ ကွီးတို့အတွက် အောင်မြင်ခြင်းနဲ့ ပျော်ရွှင်ခြင်းတို့ကို တစ်ပြိုင်နက်တည်း ပိုင်ဆိုင်နိုင်မှာပါ။
ကွီးတို့ရော အောင်မြင်ခြင်းနဲ့ ပျော်ရွှင်ခြင်းတို့ကို တစ်ချိန်တည်းမှာပဲ မပိုင်ဆိုင်ချင်ဘူးလား။
Source: Aurosign.com
Featured Image: Easy-skill.com
