ချစ်တင်းနှောတဲ့အခါ ကွီးတို့ ရှောင်ရမယ့် လုပ်ရပ်အမှားလေးတွေ ရှိပါတယ်။ တစ်ကြိမ်တစ်ခါ အမှားလောက်ကတော့ မပြောပပေမယ့် အတူနေချိန်တိုင်း တူညီတဲ့ အမှားတွေကို ဆက်တိုက်လုပ်မိရင် ကွီးတို့ရဲ့ ချစ်သူပါတနာ စိတ်ကွက်သွားနိုင်ပါတယ်။ ဒီဆောင်းပါးမှာတော့ အတူနေချိန်မှာ ဝီးမန်း တို့ လုံးဝ(လုံးဝ) မကြိုက်တဲ့ အရာတွေအကြောင်း ပြောပြပေးပါမယ်။
(၁) နှူးနှပ်တဲ့ အဆင့်ကို ကျော်ပစ်တာ
Photo : MattressNextDay
ဝီးမန်းတို့အတွက် လိင်စိတ်နိုးကြားမှုမရှိပဲ တန်းပြီး ချစ်တင်းနှောတာဟာ မဟာအမှားကြီး တစ်ခုပါပဲ။ ချစ်တင်းနှောရင် ဘယ်တော့မှ Foreplay အဆင့်ကို ကျော်ချသွားလို့ မဖြစ်ပါဘူး။ အတူနေချိန်မှာ သူမကို စိတ်ပါလာအောင် ၊ လိင်စိတ်ပိုပြီး နှိုးကြားတက်ကြွလာအောင် ပွတ်သပ်နှိုးဆွမှု ကောင်းကောင်းပေးဖို့ဟာ အရေးကြီးဆုံး ပထမဆုံးအဆင့် ဖြစ်ပါတယ်။
(၂) သူမရဲ့ ပျော်ရွှင်မှုထက် ကွီးတို့ရဲ့ စွမ်းဆောင်ရည်ကိုပဲ ဦးစားပေးတာ
Photo : Sunday Citizen
အမျိုးသားတိုင်းကတော့ အိပ်ရာထဲမှာ စွမ်းဆောင်ရည်ကောင်း ပြချင်ကြသူတွေချည်းပါ။ ဒါပေမယ့် လိင်ကိစ္စဟာ တစ်ဦးနဲ့တစ်ဦး အပေးအယူ မျှမျှတတ သွားမှသာ သာယာပျော်ရွှင်တဲ့ ခံစားချက်ကို ရနိုင်မှာပါ။ ကွီးတို့ ဘယ်လောက် ကြမ်းပြကြမ်းပြ ၊ ဘယ်လောက်ပဲ စကေးပြချင်ပြချင် အပေးအယူ မမျှပဲ တစ်ကိုယ်ကောင်းဆန် နေသ၍တော့ လိင်စိတ်သာယာ ကျေနပ်မှုကို ပေးနိုင်မှာ မဟုတ်ပါဘူး။
(၃) သူမရဲ့ အကြိုက်တွေကို မမေးတာ
Photo : Tuft and Needle
ဝီးမန်း တစ်ယောက်နဲ့တစ်ယောက် အကြိုက်တွေ ၊ နှစ်သက်မှုတွေဟာ မတူနိုင်ပါဘူး။ ကိုယ့်ပါတနာ ဘာကြိုက်လဲ ၊ ဘယ်လိုအရာတွေ နှစ်သက်လဲဆိုတာ အရင်ဆုံး လေ့လာဆန်းစစ်သင့်ပါတယ်။ ကွီးတို့ ပေးတာနဲ့ သူမအကြိုက်နဲ့ လွဲနေရင်လည်း အလကားပါပဲ။ ဒါကြောင့် ကွီးတို့ ချစ်သူပါတနာရဲ့ အကြိုက်တွေကို လေ့လာပါ ၊ ပွင့်ပွင့်လင်းလင်း မေးပါ။
(၄) အတွေ့အကြုံအသစ်တွေကို စမ်းကြည့်ဖို့ ကြောက်တာ
Photo : Your Coffee Break
လိင်မှုကိစ္စဟာ ရင်ခုန်စိတ်လှုပ်ရှားစရာ ဖြစ်နေသင့်တယ်မဟုတ်လား ? အမြဲတမ်း ပုံမှန်လုပ်နေကြအရာတွေနဲ့ လမ်းဟောင်းကြီးကို တအိအိမောင်းနေရင် ပျင်းရိငြီးငွေ့စရာ ဖြစ်လာနိုင်ပါတယ်။ ဒါကြောင့် စုံတွဲတွေအနေနဲ့ ဆန်းသစ်မှုလေးတွေ ၊ မတူညီတဲ့ အတွေ့အကြုံအသစ်တွေကို နှစ်ဦးသား ပွင့်ပွင့်လင်းလင်း တိုင်ပင်ပြီး စမ်းသပ်လုပ်ဆောင် ကြည့်သင့်ပါတယ်။
Source : MensXP
Featured Photo : CNN
