ဈေးကွက်ထဲမှာ Skincare ထုတ်ကုန်တွေ ရွေးရခက်လောက်အောင် အများကြီး ရှိပေမယ့် ကိုယ့်ရဲ့ အသားအရေနဲ့ ကိုက်ညီမှုရှိတဲ့ အမျိုးအစားတစ်ခုကို မှန်မှန်ကန်ကန် ရွေးချယ်နိုင်ဖို့ကတော့ ခက်ပါတယ်။ အချို့ ဓာတုပစ္စည်း ပါဝင်တဲ့ Products တွေဆိုရင် ကွီးတို့ရဲ့ အသားအရေကို နဂိုထက်တောင် ပိုပြီး ဆိုးဆိုးရွားရွား ပျက်စီးသွားစေနိုင်ပါတယ်။ တကယ်တော့ အသားအရေ ထိန်းသိမ်းဖို့အတွက် ဈေးကြီးတဲ့ ထုတ်ကုန်တွေ သုံးမှမဟုတ်ပါဘူး။ ကွီးတို့ အိမ်မှာရှိတဲ့ ဈေးမကြီး တဲ့ အသီးအနှံတွေလို သဘာဝပါဝင်ပစ္စည်းတွေဟာလည်း အသားအရေး ကျန်းမာရေးကို အထိုက်အလျောက် အကျိုးပြုနိုင်တဲ့ ကောင်းကျိုးတွေ ရှိပါတယ်။ ဒီဆောင်းပါးမှာတော့ အသားအရေ ထိန်းသိမ်းဖို့အတွက် အကောင်းဆုံး အသီးအခွံ အချို့ကို ပြောပြပေးပါမယ်။
(၁) အသားခြောက်သူတွေအတွက် ငှက်ပျောသီးအခွံ
Photo : Business Insider
Dry Skin သမားတွေဆိုရင် ငှက်ပျောသီးအခွံဟာ ဈေးမကြီး တဲ့ အကောင်းဆုံး အသားအရေထိန်း ထုတ်ကုန်တစ်ခုလို့ သတ်မှတ်လို့ ရပါတယ်။ ငှက်ပျောသီးအခွံဟာ အသားအရေကို နက်ရှိုင်းစွာ အစိုဓာတ်ဖြည့်တင်းပေးပြီး အသားအရေ ခြောက်သွေ့မှုကို ကာကွယ်တားဆီးပေးပါတယ်။ ကွီးတို့ရဲ့ မျက်နှာကို ဆေးကြောသန့်စင်ပြီး ငှက်ပျောသီးအခွံနဲ့ မိနစ်အနည်းငယ်ခန့်ကြာအောင် ညင်သာစွာ ပွတ်ပေးပါ။ အစိုဓာတ်ပြည့်ဝပြီး ကြည်လင်လန်းဆန်းတဲ့ မျက်နှာအသားအရေကို ပိုင်ဆိုင်နိုင်ပါလိမ့်မယ်။
(၂) အသားအရေ နုပျိုချင်သူတွေအတွက် သင်္ဘောသီးအခွံ
Photo : Garden Collage
ကြည်လင်ဝင်းပပြီး ငယ်ရွယ်နုပျိုတဲ့ အသားအရေကို ပိုင်ဆိုင်ချင်တယ် ဆိုရင်တော့ ဈေးမကြီး တဲ့ သင်္ဘောသီးအခွံ ဟာ နံပါတ်တစ် ရွေးချယ်စရာပါ။ သင်္ဘောသီးအခွံမှာ Papain လို့ခေါ်တဲ့ အင်ဇိုင်းပါဝင်တာကြောင့် အရေပြားဆဲလ် အသစ်တွေကို တဖန်ပြန်လည် မွေးဖွားပေးပြီး အသားအရေကို နုပျိုစေပါတယ်။ သင်္ဘောသီးအခွံကို ကျေညှက်အောင် ကြိတ်ချေကာ ဒိန်ချဉ် ၊ ပျားရည်တို့နဲ့ ရောစပ်ပြီး Mask အဖြစ်နဲ့ မျက်နှာပေါ်မှာ လိမ်းကျံပေးရပါမယ်။ ၁၅ မိနစ်လောက် ထားပြီးရင် ရေဆေးချလိုက်လို့ ရပါပြီ။ တစ်ပတ်ကို ၂ ကြိမ်ခန့် ပြုလုပ်ပေးမယ်ဆိုရင် သိသိသာသာ နုပျိုဝင်းပတဲ့ အသားအရေကို ပိုင်ဆိုင်နိုင်မှာ ဖြစ်ပါတယ်။
(၃) ဝက်ခြံ အသားအရေအတွက် လိမ္မော်သီးအခွံ
Photo : Homegrown Organic Farms
Citric အသီးတွေမှာ အဆီပြန်ပြီး ဝက်ခြံထွက်တတ်တဲ့ အသားအရေအတွက် ကုစားနိုင်တဲ့ အာနိသင်တွေ ပါပါတယ်။ ဈေးမကြီး ပဲ ကွီးတို့ အနီးအနား ပတ်ဝန်းကျင်မှာ အလွယ်တကူဝယ်လို့ ရနိုင်တာကတော့ လိမ္မော်သီးပါပဲ။ လိမ္မော်သီးအခွံကို အခြောက်ခံပြီး အမှုန့်ကြိတ်ကာ သံပုရာရည်နဲ့ Rose Water အနည်းငယ် ရောစပ်ပြီး DIY မျက်နှာ Scrub အနေနဲ့ အသုံးပြုနိုင်ပါတယ်။ လိမ္မော်သီးအခွံဟာ အဆီပြန်ခြင်း ၊ ဝက်ခြံထွက်ခြင်း စတဲ့ အသားအရေ ပြဿနာတွေကို သက်သာစေပြီး ဝက်ခြံကင်းစင်တဲ့ မျက်နှာအသားအရေကို ရရှိနိုင်ပါလိမ့်မယ်။
Source : MD GLAM
Featured Photo : Dapper and groomed
