Honor ကတော့ ပြီးခဲ့တဲ့ နှစ်တုန်းက Honor 300 စီးရီးမှာ Lite ဗားရှင်းကို မထုတ်နိုင်ခဲ့ပေမယ့် ဒီနှစ်မှာတော့ Honor 400 Lite စမတ်ဖုန်းနဲ့အတူ Honor 400 စီးရီးကို စတင်မိတ်ဆက်လိုက်ပြီ ဖြစ်ပါတယ်။
Photo : GSMArena.com
Honor 400 Lite ဖုန်းမှာ ၆.၇ လက်မ Flat AMOLED Display တပ်ဆင်ပေးထားပြီး FHD+ Resolution နဲ့ 120Hz Refresh Rate ထောက်ပံ့ပေးထားပါတယ်။ မျက်နှာပြင်ဟာ 3,500 Nits Peak Brightness ထုတ်လုပ်ပေးထားပြီး Display အောက်မှာ Fingerprint Scanner ထည့်သွင်းပေးထားပါတယ်။ မျက်နှာပြင်ရဲ့ အပေါ်ဘက် ဗဟိုတည့်တည့်မှာ ဆေးတောင်ပုံ Cutout ပါဝင်လာပြီး ဆယ်လ်ဖီ ရိုက်ကူးဖို့အတွက် LED ဖလက်ရ်ှ မီး ၁ လုံးပါ တပ်ဆင်ပေးထားပါတယ်။
ထူးခြားချက်အနေနဲ့ ကျောဘက်မှာတော့ ယခင် Honor ဖုန်းတွေနဲ့ မတူတဲ့ တြိဂံပုံသဏ္ဍာန် ကင်မရာ Island ဒီဇိုင်းကို ယူဆောင်လာပေးပြီး 1/1.67-inch Sensor ၊ f/1.75 Aperture နဲ့ 3x Lossless Zoom ရတဲ့ 108MP Main ကင်မရာနဲ့အတူ 5MP Ultrawide ကင်မရာ ၁ လုံး တွဲဖက်တပ်ဆင် ပေးထားပါတယ်။
Photo : GSMArena.com
ဖုန်းရဲ့ ညာဖက်ခြမ်း ပါဝါခလုတ်အောက်မှာတော့ ဘက်စုံသုံး AI ကင်မရာခလုတ် ၁ ခု ထည့်သွင်းပေးထားပါတယ်။ ဒီခလုတ်ကနေ ကင်မရာ App ဖွင့်တာ ၊ ဓာတ်ပုံနဲ့ ဗီဒီယိုရိုက်ကူးတာ ၊ Zoom ဆွဲတာတွေကို လုပ်ဆောင်လို့ရမှာ ဖြစ်ပါတယ်။ ခလုတ်ကို ဖိထားပြီး ကိုယ့်အနီးပတ်ဝန်းကျင်က အရာဝတ္ထုတွေကို ရှာဖွေနိုင်မယ့် အမိုက်စား Visual Intelligence Features တွေလည်းပါပါတယ်။
Chipset အနေနဲ့ကတော့ Honor 400 Lite မှာ MediaTek Dimensity 7025-Ultra ကို မောင်းနှင်ပေးထားပြီး 8/12GB RAM နဲ့ 128/256GB Storage အတွဲအစပ်နဲ့လာမှာ ဖြစ်ပါတယ်။ Software ပိုင်းမှာတော့ Android 15 အခြေပြု MagicOS 9.0 ကို အသုံးပြုပေးထားပြီး 35W ကြိုးတပ် အားသွင်းစနစ် ထောက်ပံ့ပေးထားတဲ့ 5,230 mAh ဘက်ထရီကို တပ်ဆင်ထားပါတယ်။
Photo : GSMArena.com
Honor 400 Lite ကို အစိမ်းရောင် ၊ အနက်ရောင်နဲ့ မီးခိုးရောင်ဆိုပြီး ကာလာ ၃ မျိုး ရွေးချယ်စရာပေးထားပြီး 8/256GB ဗားရှင်းအတွက် ယူရို ၂၉၉ သတ်မှတ်ထားပါတယ်။ လက်ရှိ သြစတြီးယားနိုင်ငံအတွက် Pre-order စတင်လက်ခံနေပြီး Pre-order မှာယူသူတွေကတော့ ယူရို ၃၀ လျှော့ဈေးရရှိမှာ ဖြစ်ပါတယ်။ လာမယ့် ဧပြီ ၈ ရက်နဲ့ ၉ ရက်နေ့တွေမှာ စတင်ရောင်းချမယ်လို့ သိရပြီး မကြာမီအချိန်အတွင်း တခြားနိုင်ငံ ဈေးကွက်တွေမှာလည်း ဝယ်လို့ရမယ်လို့ မျှော်လင့်ရပါတယ်။
Source : GSMArena.com
Featured Photo : Gadgets 360
