PornHub လို ထိပ်တန်း ညစ်ညမ်းဝက်ဘ်ဆိုဒ်တွေက တစ်ကမ္ဘာလုံးအတိုင်းအတာ ကြည့်ရှုသူတွေကို လွှမ်းမိုးထားပါတယ်။ နှစ်စဉ် PornHub ကနေ ညစ်ညမ်းဗီဒီယို နာရီပေါင်း ၄ .၆ ဘီလီယံ ဝန်းကျင် Streaming လုပ်နေပြီး ပျှမ်းပျှ လူတစ်ယောက်ကို ဗီဒီယို ၁၃ ပုဒ်ဝန်းကျင် ကြည့်ရှုခွင့်ရအောင် ဖန်တီးပေးနေပါတယ်။ ဒီကိန်းဂဏန်းတွေအရ PornHub မှာ ဝင်ရောက်ကြည့်ရှုသူ အရေအတွက်ဟာ နေ့စဉ်သန်းနဲ့ချီ ရှိနေပြီး ဒီထဲမှာ ညစ်ညမ်းရုပ်ရှင် စွဲလမ်းသူတွေလည်း များစွာပါဝင်နေနိုင်ပါတယ်။ သုတေသီတွေကတော့ ကွီးတို့ Porn စွဲမစွဲ ဆိုတာကို သိနိုင်မယ့် ၅ မိနစ်ကြာ စမ်းသပ်မှုတစ်ခု ပြုလုပ်ခဲ့ပါတယ်။ ဒီစမ်းသပ်မှုမှာ မေးခွန်းစုစုပေါင်း ၁၀ ခု ပါဝင်ပြီး မေးခွန်း ၁ ခုနဲ့ ကိုက်ညီပါက စွဲလမ်းမှုလုံးဝ မရှိတဲ့အဆင့် ၊ မေးခွန်း ၂ ခုနဲ့ ကိုက်ညီပါက စွဲလမ်းမှုမရှိတဲ့အဆင့် ၊ မေးခွန်း ၃ ခုနဲ့ ကိုက်ညီပါက ရံဖန်ရံခါ ကြည့်တဲ့အဆင့် ၊ မေးခွန်း ၄ ခုနဲ့ ကိုက်ညီပါက တစ်ခါတစ်ရံ ကြည့်တဲ့အဆင့် ၊ မေးခွန်း ၅ နဲ့ ကိုက်ညီပါက မကြာခဏ ကြည့်တဲ့အဆင့် ၊ မေးခွန်း ၆ ခုနဲ့ ကိုက်ညီပါက ပုံမှန်ကြည့်တဲ့အဆင့် ၊ မေးခွန်း ၇ ခုနဲ့အထက် ကိုက်ညီပါက စွဲလမ်းတဲ့အဆင့်ဆိုပြီး အဆင့် ၇ ဆင့် သတ်မှတ်ထားပါတယ်။
Photo : Yahoo Canada Style
(၁) Porn က နေ့စဉ်ဘဝရဲ့ အရေးကြီးတဲ့ အစိတ်အပိုင်းတစ်ခုလို့ ခံစားရတယ်။
(၂) စိတ်ဖိစီးမှု ၊ စိတ်ရဲ့ဖိအားတွေနဲ့ အဆိုးမြင်အတွေးတွေကို သက်သာလျော့ပါးစေဖို့ Porn ကြည့်ဖြစ်တယ်။
(၃) Porn ကြောင့် ပြင်ပ လိင်မှုဘဝမှာ ဘေးထွက်ဆိုးကျိုး / အနှောင့်အယှက်တွေ ဖြစ်လာတယ်။
(၄) ညစ်ညမ်းရုပ်ရှင်တွေ ကြည့်မှပဲ လိင်စိတ်ကျေနပ်မှု ခံစားရတယ်။
(၅) Porn ကြည့်ရှုခြင်းက နေ့စဉ်ဘဝထဲက ပုံမှန်လုပ်ရိုးလုပ်စဉ်ကြီးတစ်ခုလို ဖြစ်လာတယ်။
(၆) Porn ကြည့်နေမိတဲ့ အလေ့အကျင့်ကို ဖျောက်ဖျက်ဖို့ ကြိုးစားပေမယ့် မအောင်မြင်ဘူး။
(၇) Porn မကြည့်နိုင်အောင် တားဆီးနေတဲ့ အရာမှန်သမျှကို စိတ်တိုမယ် ၊ ဒေါသထွက်မယ်။
(၈) Porn ကြည့်ရတဲ့ ခံစားချက်က အရမ်းကောင်းတယ်လို့ မကြာခဏ ခံစားမိနေတယ်။
(၉) ညစ်ညမ်းရုပ်ရှင် ကြည့်ဖို့ကိုပဲ အဆက်မပြတ် ခေါင်းထဲရောက်နေတယ်။
(၁၀) မအားမလပ်တဲ့ အချိန်တွေမှာပင် Porn ကြည့်ရတဲ့ ခံစားချက်ကို လွမ်းဆွတ်မိနေတယ် ၊ Porn ကြည့်ချင်စိတ်ကို ထိန်းချုပ်မရ ဖြစ်နေတယ်။
Photo : Psychology Today
အထက်ပါ မေးခွန်းတွေနဲ့ ကွီးတို့ ဘယ်နှစ်ခု ကိုက်ညီမှု ရှိပါသလဲ ? ကွီးတို့ ဘယ်အဆင့်မှာ ပါဝင်နေလဲဆိုတာ ကွန်းမန့်မှာ ဖြေပေးခဲ့ပါဦး။
Source : Men’s Health
Featured Photo : UK Addiction Treatment Centres
