ဆံပင်က ဒုတိယမျက်နှာလို့ ပြောကြတဲ့အတိုင်း လူတစ်ယောက်မှာ ဆံပင်ပုံကြောင့် နုပျိုတဲ့ပုံပေါက်နိုင်သလို ဆံပင်ပုံကြောင့်ပဲ ရှိရင်းစွဲ အသက်ထက်လည်း ပိုပြီး အိုမင်းရင့်ရော်တဲ့ ပုံပေါက်စေနိုင်ပါတယ်။ အထူးသဖြင့် အရွယ်မတိုင်ခင် ဆံပင်ကျွတ် ဆံပင်ပါးတဲ့ ပြဿနာ ကြုံရတဲ့ ကွီးတို့မှာ ရှိရင်းစွဲ အရွယ်ထက်ပိုပြီး ရင့်ရော်တဲ့ ဘီးကျဲ Look ပေါက်စေတာပါ။ ဒီပြဿနာကို ဖြေရှင်းဖို့ သဘာဝအတိုင်း ဆံပင်ကျွတ်ခြင်းကို လျော့ချပေးနိုင်မယ့် နည်းလမ်းလေးတွေ ပြောပြပေးပါမယ်။
(၁) မကြာခဏ ခေါင်းမလျှော်ပါနဲ့
Photo : Pete & Pedro
ခေါင်းခဏခဏ လျှော်လေ့ရှိတဲ့ ကွီးတို့မှာ ဆံပင်ကျွတ် ဆံပင်ပါးတဲ့ ပြဿနာ ပိုအဖြစ်များပါတယ်။ အထူးသဖြင့် နေ့တိုင်းလိုလို ခေါင်းလျှော်တာ ၊ ရေနွေးနဲ့ ခေါင်းလျှော်တာ ၊ ခေါင်းလျှော်တဲ့အချိန် ကြာမြင့်တာ စတဲ့ အလေ့အကျင့်တွေဟာ ဆံသားရဲ့ သဘာဝအဆီအနှစ်တွေကို ဖယ်ထုတ်ပေးပြီး ဆံသားတွေကို ကြွပ်ဆတ်ကွဲထွက်ကာ ဆံပင်ကျွတ်စေတတ်ပါတယ်။
(၂) ခပ်ကြမ်းကြမ်း ဆံပင်အခြောက်ခံခြင်းကို ရှောင်ပါ
Photo : Milkman Grooming Co
ခေါင်းလျှော်ပြီးချိန်မှာ လေပူမှုတ်စက်နဲ့ ဆံပင်အခြောက်ခံတာ ဒါမှမဟုတ် တဘက်နဲ့ ကြမ်းကြမ်းတမ်းတမ်း သုတ်တာ စတာတွေက ဆံသားတွေကို ပျက်စီးစေပြီး ဆံပင်ကျွတ်စေတတ်ပါတယ်။ အဲ့ဒီအစား စိုစွတ်နေတဲ့ ဆံသားတွေကို တဘက်ခပ်ပါးပါးနဲ့ ငြင်ငြင်သာသာပဲ သုတ်ပေးသင့်ပြီး လေအေးနဲ့သာ အခြောက်ခံသင့်ပါတယ်။ ဒါ့အပြင် ဆံပင်ကို ဘီးအကျဲနဲ့သာ ဖြီးသင့်ပြီး Gel ဒါမှမဟုတ် Wax တို့လို Styling Products တွေကိုလည်း လျှော့သုံးသင့်ပါတယ်။
(၃) နေရောင်ခြည် ထိပေးပါ
Photo : The London Institute for Contemporary Chris
နေရောင်ခြည်မှာ ပါဝင်တဲ့ ဗီတာမင် D ဟာ ဆံသားကြီးထွားမှုနဲ့ ဆံသားကျန်းမာ သန်စွမ်းစေတဲ့ အာဟာရဓာတ် တစ်မျိုးပါ။ တစ်နေ့ကို ၁၀ မိနစ်ကနေ မိနစ် ၂၀ ခန့်လောက် နေရောင်ထိပေးရုံလုံလောက်ပါတယ်။ နေရောင်ခြည်ဟာ ဆံပင်မွေးညင်းပေါက်တွေရဲ့ လုပ်ဆောင်ချက်ကို ထိန်းညှိပေးပြီး ဆံသားကျန်းမာသန်စွမ်းစေဖို့ ကူညီပေးနိုင်ပါတယ်။
(၄) စိတ်ဖိစီးမှု လျှော့ချပါ
Photo : Pexels
စိတ်ဖိစီးမှုတွေက ကွီးတို့ စိတ်ကို ရှုပ်စေရုံသာမက ဆံပင်ကိုလည်း ရှုပ်စေပါတယ်။ စိတ်ဖိစီးမှုဒဏ်ကြောင့် ရုပ်ပိုင်းဆိုင်ရာ ထိခိုက်မှုတွေထဲမှာ သိသာမြင်သာတဲ့ အချက်တစ်ခုကတော့ ဆံပင်ကျွတ်တာပါ။ စိတ်ဖိစီးမှု များလေလေ ဆံပင်ကျွတ် နိုင်ခြေပိုများလေ ဖြစ်ပါတယ်။ ဒါကြောင့် နေ့စဉ်ဘဝထဲက စိတ်ဖိစီးမှုတွေကို သက်သာစေမယ့် ယောဂကျင့်ခြင်း ၊ လမ်းလျှောက်ခြင်း ၊ Journaling လုပ်ခြင်း ၊ အသက်ပြင်းပြင်းရှူခြင်း စတဲ့ အလေ့အကျင့်တွေကို လုပ်ဆောင်ပေးနိုင်ပါတယ်။
Source : Men’s Health
Featured Photo : Real Men Real Style
