ချမ်းသာကြွယ်ဝမှု ဓနဥစ္စာကို တည်ဆောက်ခြင်းဟာ ခရီးစဉ်တစ်ခုဖြစ်ပါတယ်။ အခြားခရီးစဉ်တွေလိုပဲ စောစော စတင်နိုင်လေလေ ခရီးပိုရောက်လေပါပဲ။ အနားယူချိန်အတွက် စုဆောင်းတာပဲဖြစ်ဖြစ်၊ ကလေးတွေ ပညာရေးကောင်းဖို့ပဲ ဖြစ်ဖြစ်၊ အခြားရည်မှန်းချက်တွေ အကောင်အထည်ဖော်ဖို့ပဲ ဖြစ်ဖြစ် အချိန်စောစော စတင်နိုင်တာက အကောင်းဆုံးဖြစ်ပါတယ်။ ဒါ့ကြောင့် ချမ်းသာချင်ရင် အခုချက်ချင်း စတင်လုပ်ဆောင်ရမယ့် အရာ (၃) ခုကို ဖော်ပြလိုက်ပါတယ်။
၁။ ဝင်ငွေတိုးအောင် ကြိုးစားပါ။
Source : pixel.com
ဝင်ငွေမရှာနိုင်ရင် ငွေစုဆောင်းဖို့ မဖြစ်နိုင်ပါဘူး။ ငွေကြေးအပူအပင်ကင်းဖို့အတွက် ပထမဆုံးအဆင့်က ဝင်ငွေများများရဖို့ပဲ ဖြစ်ပါတယ်။ ပုံမှန်ပညာရေးစနစ်ဟာ အရည်အချင်းတွေ တည်ဆောက်ဖို့အတွက် အစိတ်အပိုင်းတစ်ခုသာ ဖြစ်ပါတယ်။ လက်တွေ့အတွေ့အကြုံတွေကပဲ သက်ဆိုင်ရာနယ်ပယ်မှာ ကျွမ်းကျင်သူတစ်ယောက် ဖြစ်လာစေနိုင်ပါတယ်။ ဒါ့ကြောင့် ငယ်စဉ်ကတည်းက အတွေ့အကြုံရအောင် အကောင်းဆုံးလုပ်ဆောင်ပါ။ အတွေ့အကြုံတွေကို ရင်းပြီး ဘယ်လုပ်ငန်းထဲမှာပဲဖြစ်ဖြစ် ဝင်ငွေကောင်းကောင်းရအောင် ကြိုးစားပါ။
အရည်အချင်းနဲ့ ရည်မှန်းချက်ပေါ်မှာ မူတည်ပြီး ကိုယ်ပိုင်စီးပွားရေးလုပ်ဆောင်ခြင်းက ရေရှည်မှာ ချမ်းသာကြွယ်ဝလာစေနိုင်မယ့် နည်းလမ်းတစ်ခုဖြစ်ပါတယ်။ အစပိုင်းမှာ ဆုံးရှုံးမှုတွေ ကြုံတွေ့ရနိုင်ပေမယ့် တစ်ဖြည်းဖြည်းနဲ့ ကျွမ်းကျင်လိမ္မာလာပြီး ဝင်ငွေတိုးပွားလာအောင် လုပ်ဆောင်နိုင်မှာ ဖြစ်ပါတယ်။
၂။ စုဆောင်းပါ၊ ရင်းနှီးမြုပ်နှံပါ။
Source : pixel.com
ငွေများများရအောင် ရှာဖွေပြီးရင် ဝင်ငွေကို စုသင့်သလောက်စု၊ ရင်းနှီးမြုပ်နှံသင့်သလောက်ကို ရင်းနှီးမြုပ်နှံတတ်ဖို့ လိုပါတယ်။ သင့်ရဲ့ ဝင်ငွေတွေထဲက အစိတ်အပိုင်းတစ်ခုက ငွေစုစာရင်းတွေထဲကို အလိုအလျောက်ရောက်သွားမယ်ဆိုရင် အကြောင်းမဲ့လျှောက်သုံးမိနိုင်ချေ နည်းသွားပါလိမ့်မယ်။ စုဆောင်းမိတဲ့ ငွေကြေးကို အကောင်းဆုံးရင်းနှီးမြုပ်နှံမှုက အိမ်ခြံမြေ ဝယ်ယူခြင်း ဖြစ်ပါတယ်။ အိမ်ခြံမြေကို အငှားချခြင်းကနေ ဝင်ငွေပြန်ရနိုင်ပါတယ်။
၃။ အလဟဿဖြုန်းတီးမှုတွေကို လျှော့ချပါ။
Source : pixel.com
ကျားကြီးရင် ခြေရာကြီးတယ် ဆိုသလိုပါပဲ။ တချို့တွေက ဝင်ငွေတွေ အများကြီးရလာတဲ့အခါမှာ သုံးစရာတွေလည်း အများကြီးရှိလာတတ်ပါတယ်။ အသုံးနဲ့ အဖြုန်းကို ဆင်ခြင်သုံးသပ်ပြီး မလိုအပ်တာတွေအတွက် မသုံးစွဲမိအောင် နေနိုင်ဖို့ အရေးကြီးပါတယ်။ မလိုအပ်တဲ့ အသုံးစရိတ်တွေ ဖြတ်တောက်ပါ။ Gym မသွားဖြစ်ဘဲ Gym ကြေးပေးသွင်းထားတာတို့၊ တီဗွီမကြည့်ဖြစ်ဘဲ ရုပ်သံလိုင်းတွေ ဝယ်ထားတာတို့ စတာတွေကို ဆင်ခြင်ပါ။
ဝင်ငွေကို တိုးပွားလာအောင် ကြိုးစားရှာဖွေပြီး စုသင့်တာစု၊ ရင်းနှီးမြုပ်နှံသင့်တာကို ရင်းနှီးမြုပ်နှံမယ်။ မလိုအပ်တဲ့ အသုံးစရိတ်တွေကို လျှော့ချဖြတ်တောက်မယ်ဆိုရင် ချမ်းသာကြွယ်ဝမှုက သင့်အိမ်တံခါးဝကို ရောက်လာမှာ သေချာပါတယ်။
Feature Image Source : pixel.com
