ပိန်ချင်လို့ Gymဆော့ပါတယ် Gymစဆော့တော့မှ ဝိတ်မကျတဲ့အပြင် နဂိုထက်ပိုပြီးဝလာတဲ့ အဖြစ်မျိုးတော်တော်များများကြုံဖူးကြမယ်ထင်ပါတယ်။တကယ်တော့ Gymဆော့လို့ပိုဝလာတာမဟုတ်ပါဘူး။
မှားယွင်းနေတဲ့စားသောက်နေထိုင်မှုပုံစံတွေကြောင့် ကိုယ်အလေးချိန်တိုးလာတာဖြစ်ပါတယ်။Gym ဆော့နေပေမယ့်ပေါင်ချိန်စက်ပေါ်တက်လိုက်တိုင်းစိတ်ဆင်းရဲနေရတဲ့သူတွေအတွက် သတိပြုဆင်ခြင်စရာအကြောင်းအရာလေးတွေကိုဖော်ပြပေးလိုက်ပါတယ်။
(၁) အစားအသောက်မဆင်ခြင်ခြင်း
Source : Shutterstocks
Gym ကစားရုံတစ်ခုတည်းနဲ့ ဝိတ်ကျဖို့ဆိုတာ မဖြစ်နိုင်ပါဘူး။ နေ့စဉ်လေ့ကျင့်ခန်းပုံမှန်ပြုလုပ်ပြီး မျှတစွာစားသောက်မှသာကျန်းမာလှပတဲ့ခန္ဓာကိုယ်တစ်ခုရရှိမှာဖြစ်ပါတယ်။ဒီလိုမှမဟုတ်ဘဲ Gym ဆော့လို့ပင်ပန်းခဲ့သမျှကိုအတိုးချစားသောက်နေမိ မယ်ဆိုရင်တော့ ကိုယ်အလေးချိန်မကျပဲ ကျန်းမာတဲ့ဖက်တီးလေးပဲဖြစ်လာမှာဖြစ်ပါတယ်။ဒါကြောင့် Gym စပြီဆိုတာနဲ့ အစားအသောက်ကိုပါ တစ်ပြိုင်နက်ဂရုတစိုက်စားသုံးဖို့အကြုံပြုချင်ပါတယ်။
(၂) Gymပုံမှန်မသွားခြင်း
Source : Shutterstocks
Gym စစဆော့တဲ့တစ်ပတ်လောက်ကအရမ်းကိုတက်ကြွပေမယ့် နောက်ပိုင်းမှပျင်းတဲ့စိတ်နဲ့ ပျက်ရက်တွေများလာတက်ပါတယ်။တစ်ရက်ပျက်လိုက်တာနဲ့နောက်ရက်တွေမှာGymပြန် သွားနိုင်ဖို့တော်တော်လေးကြိုးစားရပါတယ်။ဒီနေ့ Gym ပျက်လိုက်လို့ နောက်နေ့မှ ၂ရက်စာပြန်ဆော့မယ်ဆိုတာကလည်းလုံးဝမှားယွင်းတဲ့ အယူအဆတစ်ခုပါ။နေ့စဉ်ပုံမှန်မဆော့ပဲ ပျက်လိုက်နားလိုက်မေ့လောက်မှပြန်ဆော့လိုက်လုပ်ခြင်းက ဝိတ်မကျတဲ့အပြင် ပိုလို့တောင်ဝိတ်တက်လာမှာဖြစ်ပါတယ်။
(၃) ကိုယ့်ကိုယ့်ကိုညှာခြင်း
Source : Shutterstocks
Gym ဆော့တဲ့အချိန်မှာ နည်းပြရဲ့လမ်းညွှန်မှုကို သေချာနာခံမှသာ မျှော်မှန်းထားတဲ့ရလဒ်တစ်ခုပိုင်ဆိုင်ရမှာပါ။ဒီလိုမှမဟုတ်ပဲ ကိုယ့်ကိုယ်ကိုညှာနေပြီး နည်းပြပြောတဲ့အကြိမ်အရေထက် လျော့ပြီးကစားတာမျိုး Gym ကအပေါင်းအသင်းတွေနဲ့ အာလူးဖုတ်နေတာမျိုး နားချင်ယောင်ဆောင်ပြီးဖုန်းသုံးနေတာမျိုးတွေဟာ ထိရောက်တဲ့အကျိုးသက်ရောက်မှုရှိစေမှာမဟုတ်တဲ့အတွက်ဝိတ်ကျဖို့ဆိုတာ မဖြစ်နိုင်ပါဘူး။ဒါကြောင့်နည်းပြစကားသေချာနားထောင်ပြီး Gymကစားတဲ့အချိန်တစ်နာရီနှစ်နာရီအချိန်ခဏလေးအတွင်းမှာ မခိုမကပ်ပဲကစားသင့်ပါတယ်။
(၄) ညစာရှောင်ခြင်း
Source : Shutterstocks
တော်တော်များများလက်ခံထားကြတာက ညစာရှောင်ရင် ဝိတ်ပိုကျတယ်ဆိုတာပါပဲ။ညစာမစားခြင်းကမှားယွင်းတဲ့အယူအဆတစ်ခုဖြစ်ပါတယ်။ညစာစားတဲ့သူတွေတောင်မှ အစာအိမ်က တစ်ညလုံးအစာချက်ထားတဲ့အတွက် မနက်ခင်းမှာဆာလောင်မှုကိုခံစားကြရတာပါ။ညဘက်အစာမစားထားဘူးဆိုရင်တော့ အစာအိမ်မှာအစာချေဖျက်စရာအစာမရှိတဲ့အတွက် အစာအိမ် နဲ့ပတ်သတ်တဲ့ရောဂါတွေဖြစ်စေနိုင်သလို မနက်ခင်းမှာလည်း တခြားသူတွေထက်ဆာလောင်မှုဒဏ်ကို ပိုခံစားရတာကြောင့် မဆင်မခြင်စားမိဖို့ရာခိုင်းနှုန်းပိုများပါတယ်။ဒါကြောင့်ညဘက်မှာကယ်လိုရီနည်းတဲ့အစားအသောက်တွေ ဟင်းသီးဟင်းရွှက်တွေစားသုံးပေးနိုင်ပါတယ်။
(၅) အိပ်ချိန်လုံလောက်စွာမရရှိခြင်း
Source : Shutterstocks
Gym ဆော့နေတဲ့သူတွေအတွက် အိပ်ချိန်ကအရမ်းကိုအရေးကြီးပါတယ်။အိပ်ချိန်နည်းတဲ့အခါ ခန္ဓာကိုယ်ကဝိတ်တက်စေတဲ့ဟော်မုန်းတစ်မျိုးထွက်ပေါ်လာတာကြောင့် ဝဖို့အခွင့်အရေးပိုများပါတယ်။ဒါကြောင့် ညဥ့်နက်တဲ့အထိ ဖုန်းသုံးတာတွေ ဂိမ်းဆော့တာတွေကိုလုံးဝရှောင်ကျဉ်သင့်ပါတယ်။ညဘက်တွေမှာစောစောအိပ်စက်အနားယူပြီး ခန္ဓာကိုယ်ကိုအနားပေးမှသာ နောက်တစ်နေ့မှာ လန်းဆန်းတက်ကြွမှုအပြည့်နဲ့ အားအင်ပြည့်ဝစွာနိုးထလာနိုင်မှာဖြစ်ပါတယ်။
