COVID-19 က တစ်ကမ္ဘာလုံးကို ကူးစက်ပြန့်ပွားနေတာပါ။ ကိုရိုနာဗိုင်းရပ်စ်ဖြစ်ပွားနေစဉ်အတွင်း လူစုလူဝေးတွေ ရှောင်ဖို့နဲ့ တစ်ကိုယ်ရည်သန့်ရှင်းမှု အလေ့အကျင့်လုပ်ဖို့ နိုင်ငံတကာကျန်းမာရေးအဖွဲ့အစည်းများမှ တိုက်တွန်းထားပါတယ်။
တကယ်လို့ သင်ဟာ အားကစားလိုက်စားသူဖြစ်ပြီး Gym လည်း ပုံမှန် သွားဖြစ်တယ်ဆိုရင် ဒီအချိန်က အစီအစဉ်ပြောင်းရမယ့် အချိန်ပါပဲ။ အားကစားရုံတွေဟာ လူပေါင်းစုံလာပြီး အားကစားသုံးပစ္စည်းတွေမှာ ဗိုင်းရပ်စ်နဲ့ ဘက်တီးရီးယားပေါင်းစုံ ကပ်တွယ်နေနိုင်တာဖြစ်လို့ အိမ်မှာနေရင်းပဲ Workout လုပ်ရမှာပါ။
မောင်စကြဝဌာနဲ့ မောင့်အိုလံပီယာ ၇ ဆုရှင်တစ်ဦးဖြစ်တဲ့ အာနိုးရှက်ဝါဇနက်ဂါကတော့ ဗိုင်းရပ်စ်ကြောက်လို့ အိမ်မှာပဲ နေထိုင်ကြရတဲ့ အားကစားဝါသနာအိုးတွေအတွက် Gym သွားစရာမလိုတဲ့ Workout Plan တစ်ခုကို သူ့ရဲ့ Instagram ကနေ ပြန် Share ခဲ့ပါတယ်။
သူ့မျှဝေလိုက်တဲ့ No-Gym Workout Plan ကတော့ အောက်ပါအတိုင်း ဖြစ်ပါတယ်။
Photo: fitlifefanatics
(၁) Pushups
ဒိုက်ထိုးတာကတော့ အလွယ်ဆုံး လေ့ကျင့်ခန်းပါ။ စပြီး ကစားမယ့်သူဟာ ၂၅ ကြိမ် နဲ့ အလေ့အကျင့်ရှိပြီးသူ အကြိမ် ၅၀။
(၂) Dips Between Chairs
ထိုင်ခုံနှစ်ခုရှိရင် လုပ်လို့ရတဲ့ လေ့ကျင့်ခန်းဖြစ်ပြီး စကစားသူ အကြိမ် ၂၀ နဲ့ ကစားနေကျသူတွေအတွက် အကြိမ် ၅၀။
(၃) Row Between Chairs
ထိုင်ခုံနှစ်ခုအကြား တန်းထိုးပြီး ပက်လက်လှန်ဘားဆွဲတာပါ။ Beginner အကြိမ် ၃၀ နဲ့ Advanced အဆင့် အကြိမ် ၅၀။
(၄) Situps
ဝမ်းဗိုက်ကြွက်သားတွေ အားကောင်းအောင် ကစားတဲ့ စနစ်ဖြစ်ပါတယ်။ Belly ကစားတဲ့ ပုံစံ အမျိုးမျိုး ရှိပြီး အခုမှ ကစားသူတွေအနေနဲ့ အကြိမ်ပေါင်း ၃၀ နဲ့ ကစားနေကျဆိုရင် အကြိမ်ပေါင်း ၁၀၀ အထိ ကစားပေးသင့်ပါတယ်။
(၅) Bent-Leg Raises
ခြေထောက်မြှောက်တဲ့ လေ့ကျင့်ခန်းဟာ အောက်ပိုင်းကြွက်သားအပြင် ခါးနဲ့ ဗိုက်တွေကိုပါ သန်မာစေပါတယ်။ Beginner ၂၅ ကြိမ်နဲ့ Advanced အကြိမ် ၅၀။
Photo: coachmag
(၆) Bent-Over Twist
ခါးကို ထက်ဝက်ချိုးချပြီး လက်တွေကို စက်ဝိုင်းပုံလှည့်ပေးတာပါ။ တစ်ချို့တွေက ဘောလုံးတစ်လုံး လက်ထဲမှာ ကိုင်ပြီး ကစားကြပါတယ်။ Beginner ၂၅ ကြိမ်နဲ့ Advanced အကြိမ် ၅၀။
(၇) Knee Bends
လက်နှစ်ဖက် ရှေ့ဆန့်တန်း ဒူးညွှတ်ပြီး အောက်ပိုင်း ထိုင်တဲ့ ကစားနည်းဖြစ်ပါတယ်။Beginner ၂၅ ကြိမ်နဲ့ Advanced အကြိမ် ၅၀ ကနေ ၇၀။
(၈) Calf Raise
ခြေဖျားထောက်တဲ့ လေ့ကျင့်ခန်းပါ။ မတ်တပ်ရပ်ပြီး ခြေဖျားကနေ လူကိုယ်ခန္ဓာကို ပြန်မတင်တာ ဖြစ်ပါတယ်။ Beginner ၂၅ ကြိမ်နဲ့ Advanced အကြိမ် ၅၀။
(၉) Chinups
ဘားဆွဲဖို့ကတော့ ခိုင်ခံ့တဲ့ တန်းတစ်ခု လိုပါတယ်။ Beginner ၁၀ ကြိမ်နဲ့ Advanced အကြိမ် ၃၀ ကစားပေးရမှာ ဖြစ်ပါတယ်။ ဒါဆိုရင်တော့ Gym သွားစရာမလိုဘဲ အိမ်မှာတင် ကြံ့ခိုင်ကျစ်လျစ်တဲ့ ဘော်ဒီတစ်ခု တည်ဆောက်နိုင်မှာပါ။
